1 ml da faol modda aminofillin gidrat aminofillin (eufillin) hisobiga - 24,0 mg, shu jumladan teofillin - 19,2 mg, etilendiamin - 4,8 mg, yordamchi modda in'ektsiya uchun suv - 1 ml gacha

Bronxial astma, bronxit, o‘pka emfizemasi, kichik qon aylanish doirasida gipertenziya bilan kechuvchi bronxoobstruktiv sindrom. Ishemik turdagi miya qon aylanishining buzilishi (ichki bosh bosimini kamaytirish uchun kompleks terapiya tarkibida). Bronxospazm va Cheyn-Stoks tipidagi nafas buzilishi bilan kechuvchi chap qorincha yetishmovchiligi (kompleks terapiya tarkibida).

Yuqori darajadagi arterial gipotenziya yoki gipertenziya, paroksizmal taxikardiya, ekstrasistoliya, yurak infarkti yurak ritmi buzilishi bilan, epilepsiya, tutqanoqlarga yuqori tayyorgarlik, gipertrofik obstruktiv kardiomiopatiya, tireotoksikoz, o‘pka shishi, og‘ir koronar yetishmovchilik, jigar va/yoki buyrak yetishmovchiligi, gemorragik insult, ko‘z to‘r pardasiga qon quyilishi, yaqinda bo‘lgan qon ketish, preparatga yuqori sezuvchanlik (shu jumladan ksantin hosilalari – kofein, pentoksifillin, teobrominga). Ehtiyotkorlik bilan – homiladorlik, yangi tug‘ilgan davri, 55 yoshdan katta yosh va nazorat qilinmaydigan gipotireoz (kumulatsiya ehtimoli), sepsis, uzoq davom etuvchi gipertermiya, gastroezofageal reflyuks, prostata bezining gipertrofiyasi, tarqalgan tomir aterosklerozi, jigar va buyrak funksiyasining og‘ir buzilishlari bo‘lgan bemorlar, me’da va 12 barmoqli ichak yarasi (anamnezda). Davolanish davrida kofein saqlovchi mahsulotlar yoki ichimliklarni ko‘p miqdorda iste’mol qilishda ehtiyotkorlikka rioya qilish kerak.

Vena ichiga. Kattalarga venaga sekin (4-6 daqiqa davomida) 5-10 ml 2,4% eritma (0,12-0,24 g) yuboriladi, u avval 10-20 ml natriy xloridning izotonik eritmasida suyultiriladi. Yurak urishi, bosh aylanishi, ko‘ngil aynishi paydo bo‘lsa, yuborish tezligi sekinlashtiriladi yoki tomchilab yuborishga o‘tiladi, buning uchun 10-20 ml 2,4% eritma (0,24-0,48 g) 100-150 ml natriy xloridning izotonik eritmasida suyultiriladi; 30-50 tomchi daqiqada tezlikda yuboriladi. Parenteral yo‘l bilan eufillin kuniga 3 martagacha, 14 kundan oshmasdan yuboriladi. Kattalar uchun vena ichiga eufillinning eng yuqori bir martalik doza - 0,25 g, sutkalik - 0,5 g. Preparat bolalarga 14 yoshgacha nojo‘ya ta’sirlari tufayli tavsiya etilmaydi. Biroq, zaruriyat tug‘ilganda bolalarga eufillin vena ichiga bir martalik doza 2-3 mg/kg hisobida, afzal tomchilab yuboriladi. Bolalar uchun vena ichiga eng yuqori bir martalik doza - 3 mg/kg, sutkalik - 3 oygacha bo‘lgan yoshda – 0,03-0,06 g, 4 dan 12 oygacha – 0,06-0,09 g, 2 dan 3 yoshgacha – 0,09-0,12 g, 4 dan 7 yoshgacha – 0,12-0,24 mg, 8 dan 18 yoshgacha – 0,25-0,5 g.

Ovqat hazm qilish tizimi tomonidan gastroezofageal reflyuks, qizilo‘ngachda kuyish, me’da va 12 barmoqli ichak yarasi kuchayishi, gastralgiya, diareya. Markaziy asab tizimi tomonidan bosh og‘rig‘i, bezovtalik, xavotir, asabiylashish, bosh aylanishi, kamdan-kam hollarda – tutqanoq, ko‘ngil aynishi, qusish, uyqusizlik, tremor. Yurak-qon tomir tizimi tomonidan yurak urishini sezish, taxikardiya (shu jumladan homiladorlikning III trimestrida homilada), kardialgiya, stenokardiya xurujlari sonining oshishi, yurak ritmi buzilishi, arterial bosimning pasayishi kollapsgacha – tez vena ichiga yuborilganda. Allergik reaksiyalar – eksfoliativ dermatit, isitma. Mahalliy reaksiyalar – yuborish joyida qattiqlashish, giperemiya, og‘riqlilik. Boshqa – yuzga “to‘lqin” his qilish, diurezning kuchayishi, ko‘krakda og‘riq, taxipnoe, albuminuriya, gematuriya, gipoglikemiya, terlashning kuchayishi, teri toshmasi, teri qichishishi.

Suyuq dori shakllari uchun biologik o‘zlashtirilishi – 90 – 100 %. Qon plazmasida maksimal konsentratsiyaga erishish vaqti 0,3 g tomir ichiga yuborilganda – 15 daqiqa, qon plazmasida maksimal konsentratsiya – 7 mkg/ml. 60 % eufillin (sog‘lom kattalarda) va 36 % (yangi tug‘ilgan bolalarda) plazma oqsillari bilan bog‘lanadi va qonda, hujayra tashqarisidagi suyuqlikda va mushak to‘qimalarida taqsimlanadi. Eufillin ko‘krak sutiga o‘tadi (qabul qilingan dozaning 10 %), platsentar to‘siqdan o‘tadi (homila qon zardobidagi konsentratsiya ona qon zardobidagidan biroz yuqori), yog‘ to‘qimasida to‘planmaydi. Preparatning 90 % jigarda metabolizatsiyalanadi. Metabolitlar buyraklar orqali chiqariladi, preparatning 7-13 % o‘zgarmagan holda chiqariladi. Yarmi chiqarilish davri chekmaydigan kattalarda 5 dan 10 soatgacha, 10 oydan katta bolalarda 2,5 dan 5 soatgacha. Chekish va spirtli ichimliklar preparatning metabolizmi va chiqarilishiga sezilarli ta’sir ko‘rsatadi, xususan chekuvchilarda bu davr ancha qisqaradi va 4 dan 5 soatgacha bo‘ladi. Nafas yetishmovchiligi bo‘lgan bemorlarda, jigar va yurak yetishmovchiligida, virusli infeksiyalar va gipertermiya holatida preparatning chiqarilishi uzayadi. Preparat fosfodiesterazani ingibitsiya qiladi, to‘qimalarda tsAMF to‘planishini oshiradi, adenozin (purin) retseptorlarini bloklaydi; hujayra membranalari kanallari orqali kalsiy ionlari transportini susaytirish xususiyatiga ega, silliq mushaklarning qisqaruvchanlik faolligini kamaytiradi. Bronxlar mushaklarini bo‘shashtiradi, bronxospazmni bartaraf etadi. O‘rtacha inotrop va diuretik ta’sir ko‘rsatadi. Eufillin tomirlar qarshiligini pasaytiradi, qon tomirlarining tonusini (asosan, miya, teri va buyrak tomirlari) pasaytiradi, koronar tomirlarni kengaytiradi, o‘pka arteriyasi tizimidagi bosimni pasaytiradi, diafragma qisqarishini yaxshilaydi, mukotsiliyar klirensni oshiradi, mediatorlar (gistamin va leyotrienlar) ni tukli hujayralardan ajralishini to‘xtatadi, nafas markazini stimulyatsiya qiladi, buyrak usti bezlari tomonidan adrenalin ajralishini kuchaytiradi, trombotsitlar agregatsiyasini to‘xtatadi, mikrosirkulyatsiyani yaxshilaydi.

Parenteral yuborishdan oldin eritmani tana haroratigacha isitish kerak. Preparat jigar va buyrak funksiyasining og'ir buzilishlari, me'da va o'n ikki barmoqli ichak yara kasalligi bo'lgan bemorlarga ehtiyotkorlik bilan buyuriladi. Qariyalarga preparatning organizmdan sekin chiqarilishi sababli dozasini kamaytirish tavsiya etiladi. Chekuvchi bemorlarga preparatning organizmdan tez chiqarilishi sababli doza oshirilishi tavsiya etiladi.