1 ml da faol modda aminofillinning gidrat shaklida aminofillin (eufillin) - 24,0 mg, shundan teofillin - 19,2 mg, etilen diamini - 4,8 mg yordamchi modda in'ektsiya uchun suv - 1 ml gacha.

Bronxoobstruktiv sindrom bronxial astma, bronxit, o'pka emfizemi, «kichik» qon aylanishida gipertoniya. Miyaning qon aylanishi buzilishi ishemik turda (ichki bosimni kamaytirish uchun kombinatsiyalangan terapiya tarkibida). Chap qorincha yetishmovchiligi bronxospazm va Cheyn-Stoks turidagi nafas olish buzilishi bilan (kompleks terapiya tarkibida).

Yuqori darajadagi arterial gipotenziya yoki gipertenziya, paroksizmal taxikardiya, ekstrasistoliya, yurak ritmi buzilishi bilan miokard infarkti, epilepsiya, tutqanoqlarga moyillikning oshishi, gipertrofik obstruktiv kardiomiopatiya, tireotoksikoz, o‘pka shishi, og‘ir koronar yetishmovchilik, jigar va/yoki buyrak yetishmovchiligi, gemorragik insult, ko‘z to‘r pardasiga qon quyilishi, yaqinda bo‘lib o‘tgan qon ketish, preparatga yuqori sezuvchanlik (shu jumladan, ksantin hosilalari – kofein, pentoksifillin, teobrominga). Ehtiyotkorlik bilan: homiladorlik, yangi tug‘ilgan davri, 55 yoshdan katta yosh, nazorat qilinmaydigan gipotireoz (kumulatsiya ehtimoli), sepsis, uzoq davom etuvchi gipertermiya, gastroezofageal reflyuks, prostata bezining gipertrofiyasi, tomirlarning keng aterosklerozi, jigar va buyrak funksiyasining og‘ir buzilishlari bo‘lgan bemorlar, me’da va 12 barmoqli ichak yarasi (anamnezda). Davolanish davrida kofein saqlovchi mahsulotlar yoki ichimliklarni ko‘p miqdorda iste’mol qilishda ehtiyotkorlikka rioya qilish kerak.

Venaga. Kattalarga sekin (4-6 daqiqa davomida) 5-10 ml 2,4 % eritmasi (0,12-0,24 g) kiritiladi, bu avval 10-20 ml izotonik natriy xlorid eritmasida suyultiriladi. Yurak urishi, bosh aylanishi, qusish paydo bo'lsa, kiritish tezligini sekinlashtirish yoki tomchilab kiritishga o'tish kerak, buning uchun 10-20 ml 2,4 % eritmasi (0,24-0,48 g) 100-150 ml izotonik natriy xlorid eritmasida suyultiriladi; kiritish tezligi daqiqada 30-50 tomchi. Parenteral ravishda eufillin kuniga 3 marta, 14 kundan oshmaydigan muddatda kiritiladi. Kattalar uchun venaga eng yuqori eufillin dozalari bir martalik - 0,25 g, sutkalik - 0,5 g. Preparat 14 yoshgacha bo'lgan bolalarga tavsiya etilmaydi, yon ta'sirlari sababli. Biroq, zarurat tug'ilganda bolalarga eufillin venaga 2-3 mg/kg bir martalik doza hisobida, afzal tomchilab kiritiladi. Bolalar uchun venaga eng yuqori doza bir martalik - 3 mg/kg, sutkalik - 3 oygacha - 0,03-0,06 g, 4 dan 12 oygacha - 0,06-0,09 g, 2 dan 3 yoshgacha - 0,09-0,12 g, 4 dan 7 yoshgacha - 0,12-0,24 mg, 8 dan 18 yoshgacha - 0,25-0,5 g.

Ovqat hazm qilish tizimi tomonidan gastroezofageal reflyuks, qizilo‘ngachda kuyish, me’da va 12 barmoqli ichak yarasi kuchayishi, gastralgiya, diareya. Markaziy asab tizimi tomonidan bosh og‘rig‘i, bezovtalik, xavotir, asabiylashish, bosh aylanishi, kamdan-kam hollarda – tutqanoq, ko‘ngil aynishi, qusish, uyqusizlik, tremor. Yurak-qon tomir tizimi tomonidan yurak urishini sezish, taxikardiya (shu jumladan, homiladorlikning III trimestrida qabul qilganda homilada), kardialgiya, stenokardiya xurujlari sonining oshishi, yurak ritmi buzilishi, arterial bosimning pasayishi kollapsgacha – tez tomir ichiga yuborilganda. Allergik reaksiyalar: eksfoliativ dermatit, isitma. Mahalliy reaksiyalar: yuborilgan joyda qattiqlashish – giperemiya, og‘riqlilik. Boshqalar: yuzga “to‘lqin” kelish hissi, diurezning kuchayishi, ko‘krakda og‘riq, taxipnoe, albuminuriya, gematuriya, gipoglikemiya, terlashning kuchayishi, teri toshmasi, teri qichishishi.

Parenteral yuborishdan oldin eritmani tana haroratigacha isitish kerak. Preparat jigar va buyrak funksiyasining og‘ir buzilishlari, me’da va o‘n ikki barmoqli ichak yarasi bo‘lgan bemorlarga ehtiyotkorlik bilan buyuriladi. Keksalarga preparatning chiqarilishi sekinlashgani sababli dozasini kamaytirish tavsiya etiladi. Chekuvchi bemorlarga preparat tez chiqarilishi sababli dozasini oshirish tavsiya etiladi.