faol modda: aminofillin – 24 mg;
yordamchi modda: in'ektsiya uchun suv - 1 ml.

Har qanday genezli bronxoobstruktiv sindrom:
Bronxial astma (jismoniy zo‘riqish bilan bog‘liq bronxial astmada tanlov preparati va boshqa shakllarda qo‘shimcha vosita sifatida);
Astmatik status (qo‘shimcha terapiya sifatida);
Surunkali obstruktiv o‘pka kasalligi (SO‘OK);
O‘pka emfizemasi;
Surunkali obstruktiv bronxit;
Kichik qon aylanish doirasida gipertenziya, tungi apnoe;
Ishemik tipdagi miya qon aylanishining buzilishi (ichki bosh bosimini kamaytirish uchun kombinasiyalangan terapiya tarkibida);
Chap qorincha yurak yetishmovchiligi (kompleks terapiya tarkibida).
Yangi tug‘ilgan chaqaloqlarda apnoe (15 soniya davomida nafas olmaslik davrlari bilan xarakterlanadigan va sianoz hamda bradikardiya bilan kechadigan holat);
Cheyn-Stoks nafas olishi;.

Preparat komponentlariga, shuningdek boshqa ksantin hosilalariga (kofein, pentoksifillin, teobromin) yuqori sezuvchanlik; O‘tkir yurak yetishmovchiligi, stenokardiya, o‘tkir miokard infarkti, dekompensatsiyalangan surunkali yurak yetishmovchiligi, paroksizmal taxikardiya, ekstrasistoliya, og‘ir arterial gipertenziya va gipotenziya, o‘pka shishi, gipertrofik obstruktiv kardiomiopatiya; Gemorragik insult, ko‘z to‘r pardasiga qon quyilishi, glaukoma, anamnezda qon ketishi; Oshqozon va o‘n ikki barmoqli ichak yara kasalligi (kuchayish bosqichida); Epilepsiya, yuqori tirishqoqlik tayyorligi; Gipertireoz, tireotoksikoz; Og‘ir jigar va/yoki buyrak yetishmovchiligi; Porfiriya; 6 oylikkacha bo‘lgan bolalar. Bolalarga efedrin bilan bir vaqtda qo‘llash. Ehtiyotkorlik bilan: sepsis; uzoq davom etuvchi gipetermiya; oshqozon va o‘n ikki barmoqli ichak yara kasalligi (anamnezda); keksalik yoshi (55 yoshdan katta); 14 yoshgacha bo‘lgan bolalar (mumkin bo‘lgan nojo‘ya ta’sirlar sababli); nazoratsiz gipotireoz (kumulatsiya ehtimoli); tomirlarning keng tarqalgan aterosklerozi; prostata bezining giperplaziyasi; og‘ir gipoksiya; qandli diabet; uyqusizlikdan aziyat chekayotgan bemorlarga; buyrak funksiyasi buzilganda;.

Markaziy va periferik asab tizimi tomonidan: qo‘zg‘alish, bezovtalik, uyquning buzilishi, uyqusizlik (ayniqsa bolalarda), bosh og‘rig‘i, bosh aylanishi, tremor, asabiylashish, tutqanoqlar, gallyutsinatsiyalar, bred, epileptiform tutqanoqlar, ongning chalkashishi/yo‘qolishi.

Yurak-qon tomir tizimi tomonidan: yurak urishining tezlashishi, kardialgiya, taxikardiya, ekstrasistoliya, arterial bosimning pasayishi, yurak yetishmovchiligi, stenokardiya xurujlarining tez-tezlashuvi, kollaps (tez yuborilganda), shok.

Siydik ajratish tizimi tomonidan: diurezning oshishi (klubochkali filtrlashning oshishi natijasida), keksalarda - siyishni qiyinlashishi (detruzor relaksatsiyasi natijasida).

Immun tizimi tomonidan: allergik reaksiyalar, jumladan toshma, qichishish, Kvinke shishi, eksfoliativ dermatit, anafilaktik shok, bronxospazm.

Ovqat hazm qilish tizimi tomonidan: me’da shirasining sekretsiyasini stimulyatsiya qilish, me’da og‘rig‘i, ishtahaning pasayishi, gastroezofageal reflyuks, qizish, yara kasalligining kuchayishi, ko‘ngil aynishi, qusish, uzoq muddat qo‘llanganda - diareya, ichak atoniyasi.

Metabolik buzilishlar: metabolik atsidoz, gipokaliemiya, giperkalsemiya, giperyurikemiya, giperglikemiya, qonni kislota-ishqor muvozanatining buzilishi, rabdomioliz.

Boshqalar: ko‘krakda og‘riq, taxipnoe, subfebril harorat, yuzning giperemiyasi, issiqlik hissi, terlashning oshishi, gipoglikemiya, holsizlik, nafas qisilishi, albuminuriya

Mahalliy reaksiyalar: yuborilgan joyda reaksiyalar (qattiqlashish, giperemiya, og‘riqlilik).

Nojo‘ya ta’sirlar preparat dozasini kamaytirganda, yuborish usulini o‘zgartirganda (struynoydan tomchilatib yuborishga) kamayadi.

Eufillin 80% teofillin (1,3-dimetilksantin) va 20% etilendiamin (1,2-etilendiamin) dan iborat aralashmadir. Etilendiamin spazmolitik (spazmlarni bartaraf etuvchi) faollikni kuchaytiradi va dori vositasining erishiga yordam beradi. Preparatning ta’siri, birinchi navbatda, undagi teofillin miqdori bilan bog‘liq.

Teofillin aniq bronxolitik effekt ko‘rsatadi. Teofillinning ta’sir mexanizmi teofillinning adenozin retseptorlarini bloklash, fosfodiesteraza fermentini neselektiv inhibitsiya qilish va shu bilan to‘qimalarda siklik 3', 5'-AMF (sAMF) konsentratsiyasini oshirish, kletka membranalarining “sekin” kanallari orqali kalsiy ionlari transportini bostirish va uni hujayra ichki depolaridan chiqishini kamaytirish qobiliyati bilan bog‘liq.

Bronxlar muskulaturasini bo‘shashtiradi, nafas olish markazini stimullaydi va alveolyar ventilyatsiyani yaxshilaydi, qonni kislorod bilan to‘yinganligini oshiradi va uglerod dioksidi konsentratsiyasini kamaytiradi, bu esa oxir-oqibat apnoe epizodlarining og‘irligi va chastotasini kamayishiga olib keladi. Gipoglikemiya sharoitida o‘pka ventilyatsiyasini kuchaytiradi.

Teofillin PG ning silliq mushaklarga ta’sirini bostiradi, to‘qimalar hujayralaridan gistamin va leyotrienlar ajralishini kamaytiradi, mukotsiliyar klirensni oshiradi, diafragma qisqarishini stimullaydi va nafas olish hamda qovurg‘alararo mushaklar funksiyasini yaxshilaydi.

Yurak faoliyatiga stimullovchi ta’sir ko‘rsatadi, yurak qisqarish kuchi va chastotasini oshiradi, koronar qon oqimini va miokardning kislorodga bo‘lgan ehtiyojini oshiradi. Qon tomirlar (asosan miya, teri va buyrak tomirlari) tonusini pasaytiradi. Periferik vazodilatatsion ta’sir ko‘rsatadi, o‘pka tomirlarining qarshiligini kamaytiradi, “kichik” qon aylanish doirasida bosimni pasaytiradi. Buyrak qon oqimini oshiradi, buyrak usti bezlari tomonidan adrenalin ajralishini kuchaytiradi. O‘rtacha diuretik effektga ega. Jigar tashqarisidagi o‘t yo‘llarini kengaytiradi. Trombotsitlar agregatsiyasini (trombotsitlarni faollashtiruvchi faktor va prostaglandin E2 alfa ni bostiradi) inhibitsiya qiladi, eritrotsitlarning deformatsiyaga chidamliligini oshiradi (qonning reologik xususiyatlarini yaxshilaydi), tromb hosil bo‘lishini kamaytiradi va mikrosirkulyatsiyani normallashtiradi. Tokolitik ta’sirga ega, me’da shirasi kislotaliligini oshiradi. Katta dozalarda qo‘llanganda epileptogen ta’sir ko‘rsatadi.