Har bir plyonka qobig‘i bilan qoplangan tabletka quyidagilarni o‘z ichiga oladi: Emaglif 10 tabletkalari: faol modda: empagliflozin 10 mg; yordamchi moddalari: laktoza, mikrokristallik sellyuloza, past darajada almashgan gidroksipropilmetilsellyuloza, limon sariq rang, natriy kroskarmelloza, kolloid kremniy dioksidi suvdan holi (aerosil), magniy stearati; tabletkani plyonka qobig‘i: Opadry 200 White (200F280000), Opadry II Yellow (85G82822). Emaglif 25 tabletkalari: faol modda: empagliflozin 25 mg; yordamchi moddalari: laktoza, mikrokristallik sellyuloza, past darajada almashgan gidroksipropilmetilsellyuloza, natriy kroskarmelloza, kolloid kremniy dioksidi suvdan holi (aerosil), magniy stearati; tabletkani plyonka qobig‘i: Opadry 200 White (200F280000), Opadry II Yellow (85G82822).

Kattalarda 2-tip qandli diabetda, glyukemik nazoratni yaxshilash uchun dieta va jismoniy mashqlar bilan birga quyidagilar sifatida: metformin bilan boshlang‘ich kombinatsiyalangan terapiya, ushbu terapiya maqsadga muvofiq bo‘lsa; metforminni qabul qila olmagan, glyukemik nazorati yetarli bo‘lmagan bemorlarda monoterapiya; boshqa og‘iz orqali qabul qilinadigan gipoglikemik vositalar bilan kombinatsiyalangan terapiya: sulfonilmochevina hosilalari (shu jumladan metformin bilan kombinatsiyada), tiazolidindionlar, dipeptidilpeptidaza 4 (DPP-4) ingibitorlari (shu jumladan metformin bilan kombinatsiyada), ushbu terapiyada yetarli glyukemik nazorat bo‘lmaganda; insulin preparatlari bilan kombinatsiyalangan terapiya sifatida (shu jumladan bir yoki ikki og‘iz orqali qabul qilinadigan gipoglikemik preparatlar bilan kombinatsiyada) ushbu terapiyada yetarli glyukemik nazorat bo‘lmaganda; Kattalarda 2-tip qandli diabetda, yurak-qon tomir kasalligi va/yoki XBB tashxisi qo‘yilgan va ikki yoki undan ortiq yuqori yurak-qon tomir xavfi omiliga ega bo‘lgan bemorlarda, yurak kasalliklarini standart terapiyasi bilan birga yurak-qon tomir o‘limi yoki yurak yetishmovchiligi sababli shifoxonaga yotqizilish xavfini kamaytirish maqsadida. *Yurak ishemik kasalligi (anamnezda miokard infarkti, koronar arteriyalarni shuntlash); anamnezda ishemik yoki gemorragik insult; periferik arteriyalar kasalliklari (belgilari bilan yoki belgilarsiz); dislipidemiya; arterial gipertenziya; chekish.

preparat tarkibiy qismlariga yuqori sezuvchanlik; tur 1 qandli diabet; diabetik ketoatsidoz; kam uchraydigan irsiy buzilishlar (laktaza yetishmovchiligi, laktozani o'zlashtira olmaslik, glyukoza-galaktoza malabsorbsiyasi); doimiy GFR <45 ml/min/1,73 m2 bo'lgan buyrak yetishmovchiligi; homiladorlik va emizish davri; 85 yoshdan katta yosh; 18 yoshgacha bo'lgan bolalar (samaradorlik va xavfsizlik bo'yicha ma'lumotlar yetarli emasligi sababli).

Preparat og'iz orqali, ovqat qabul qilishdan qat'i nazar, kunning istalgan vaqtida qabul qilinadi. Tabletkani chaynalmaydi, suv bilan ichiladi. Monoterapiya yoki kombinatsiyalangan terapiya: Tavsiya etiladigan boshlang'ich doza 10 mg (10 mg dozalashdagi 1 tabletka) 1 marta/kun. Agar 10 mg kunlik doza yetarli glikemik nazoratni ta'minlamasa, doza 25 mg gacha (25 mg dozalashdagi 1 tabletka) 1 marta/kun oshirilishi mumkin. Maksimal kunlik doza 25 mg ni tashkil etadi. Kombinatsiyalangan terapiya: Emaglif preparatining tavsiya etiladigan doza 10 mg 1 marta/kun metformin, sulfonilmochevina hosilalari (shu jumladan metformin bilan kombinatsiyada), tiazolidindionlar, DPP-4 ingibitorlari (shu jumladan metformin bilan kombinatsiyada), insulin preparatlari (shu jumladan bir yoki ikki og'iz orqali qabul qilinadigan gipoglikemik preparatlar bilan kombinatsiyada) bilan kombinatsiyada. Gipoglikemiya xavfini kamaytirish maqsadida Emaglif preparatini boshqa gipoglikemik preparatlar bilan birga buyurilganda, boshqa gipoglikemik preparatlar dozasini kamaytirish talab qilinishi mumkin.

Klinik tadqiqotlarda empagliflozin yoki plasebo olgan bemorlarda nojo'ya hodisalar umumiy tez-tezligi o'xshash edi. Plasebo-nazoratli tadqiqotlarda empagliflozin olgan bemorlarda kuzatilgan nojo'ya reaksiyalar quyida keltirilgan (nojo'ya reaksiyalar organ va tizimlar bo'yicha va ularning mutlaq tez-tezligi ko'rsatilgan holda tasniflangan. Tez-tezlik kategoriyalari quyidagicha aniqlanadi: juda tez-tez (≥1/10); tez-tez (≥1/100 dan <1/10 gacha); kamdan-kam (≥1/1000 dan <1/100 gacha); noyob (≥1/10000 dan <1/1000 gacha) yoki juda noyob (<1/10000); tez-tezligi noma'lum (mavjud ma'lumotlar asosida baholab bo'lmaydi) nojo'ya reaksiyalar ham ajratib ko'rsatiladi). Infeksion va parazitar kasalliklar: tez-tez - vaginal kandidoz, vulvovaginit, balanopostit va boshqa genital infeksiyalar (genital infeksiyalarning intensivligi yengil yoki o'rtacha darajada bo'lgan). Empagliflozin qabul qilish fonida siydik chiqarish yo'llari infeksiyalari ko'proq surunkali va qaytalanuvchi siydik chiqarish yo'llari infeksiyalari anamnezida bo'lgan bemorlarda kuzatilgan. Infeksiyalar aksariyat hollarda yengil va o'rtacha og'irlikda bo'lib, standart davolashga yaxshi javob beradi, bu sababli preparatlarni qabul qilishni to'xtatish talab qilinmaydi. Genital infeksiyalar va siydik chiqarish yo'llari infeksiyalari ayollarda (11%) erkaklarga (4%) nisbatan ko'proq kuzatilgan. Modda almashinuvi va ovqatlanish tomonidan: juda tez-tez - gipoglikemiya (sulfonilmochevina hosilalari yoki insulin bilan birga qo'llanganda). Teri va teri osti yog' qavati tomonidan: tez-tez - qichishish. Tomir buzilishlari: kamdan-kam - gipovolemiya. Buyrak va siydik chiqarish yo'llari tomonidan: tez-tez - siydik ajratishning tezlashuvi; kamdan-kam - dizuriya.

Empagliflozin - selektiv qaytar reversible natriy-glyukoza ko-transporteri 2-turi (SGLT2) ingibitori. Taxminan 90% glyukoza proksimal buyrak naychalarida natriy-glyukozali transportyorlar 2-turi (SGLT-2) orqali reabsorbsiya qilinadi, qolgan 10% esa distal joylashgan glyukoza transportyorlari 1-turi (SGLT-1) orqali reabsorbsiya qilinadi. Empagliflozinning SGLT-2 ga selektivligi natriyga bog‘liq glyukoza tashuvchisi 1-turiga (SGLT1) nisbatan 5000 barobar yuqori, bu esa ichakda glyukoza so‘rilishiga javobgar. Buyrakda glyukoza tashilishini to‘xtatib, empagliflozin uning buyrak naychalarida reabsorbsiya qilinishini kamaytiradi, natijada glyukoza siydik orqali chiqariladi. Bu mexanizm orqali buyraklar orqali chiqariladigan glyukoza miqdori qondagi glyukoza konsentratsiyasi va klubochkali filtrlash tezligiga (KFT) bog‘liq. Empagliflozin molekulasining o‘ziga xos farmakologik xususiyatlari SD2 bo‘lgan bemorlarda yaxshi klinik samarani ta’minlaydi: xususan, atigi 1,3 n/mol konsentratsiya SGLT2 fermentining 50% faolligini ingibitsiya qilish uchun yetarli. Buyraklar orqali glyukoza chiqarilishi (glyukozurik effekt) empagliflozinni birinchi dozasi qabul qilingandan so‘ng darhol kuzatiladi; bu effekt 24 soat davom etadi. Empagliflozin ta’siri natijasida glyukoza konsentratsiyasi ovqat qabul qilishdan qat’i nazar kamayadi, shuningdek, SD2 bo‘lgan bemorlarda glikirovanniy gemoglobin (HbA1c) konsentratsiyasi pasayadi. Glyukoza ekskresiyasining oshishi va o‘rtacha osmotik diurez bir qator tizimli effektlarni, jumladan, yurak-qon tomir xavf omillarini modellashtiruvchi ta’sirlarni keltirib chiqaradi: arterial bosimning pasayishi, tana massasining asosan yog‘ to‘qimasi hisobiga kamayishi, albuminuriya kamayishi, siydik kislotasi darajasining pasayishi, gipoglikemiya xavfining kamayishi, mushak to‘qimalarining insulinga sezuvchanligini yaxshilanishi va boshqalar. Empagliflozin umumiy omonlikni yurak-qon tomir o‘limi holatlari kamayishi hisobiga yaxshilaydi va yurak yetishmovchiligi bo‘yicha shifoxonaga yotqizilish xavfini kamaytiradi. Shuningdek, klinik tadqiqotda empagliflozin nefropatiya yoki nefropatiyaning progresiv yomonlashuvi xavfini kamaytirishi ko‘rsatilgan. Empagliflozin ta’siri β-hujayralar disfunktsiyasi, insulinga rezistentlik va SD davomiyligining og‘irligiga bog‘liq emas. Empagliflozin endogen glyukoza ishlab chiqarilishini bostirmaydi va insulinning sekretsiyasini stimulyatsiya qilmaydi, shuning uchun umumiy hisobda gipoglikemiya xavfi past. Empagliflozin tomonidan natriy-glyukoza ko-transportyorining ingibitsiyasi kuchsiz diuretik va tranzitor natriyuretik effektlar bilan kechadi, bu arterial bosimning o‘rtacha pasayishiga yordam berishi mumkin. Siydik kislotasi darajasining pasayishi (o‘rtacha 5,9-17,8%), glyukozuriya darajasiga bog‘liq bo‘lib, siydik kislotasining 2-izoforimi GLUT-9 (SLC2A9b) orqali transportining o‘zgarishi bilan bog‘liq. Empagliflozin uchun albuminuriya kamayishi va siydikdagi albumin/kreatinin nisbatining pasayishi xosdir. Glikirovanniy gemoglobin (HbA1c) ning statistik ahamiyatli pasayishi, och qoringa plazmadagi glyukoza konsentratsiyasining kamayishi, shuningdek, arterial bosim va tana massasining pasayishi empagliflozin monoterapiya, metformin bilan kombinatsiyalangan terapiya, yangi aniqlangan SD2 bo‘lgan bemorlarda metformin bilan kombinatsiyalangan terapiya, metformin va sulfonilmochevina hosilalari bilan kombinatsiyalangan terapiya, yangi aniqlangan SD2 bo‘lgan bemorlarda linagliptin bilan kombinatsiyalangan terapiya, metformin bilan davolashga linagliptin qo‘shilgan kombinatsiyalangan terapiya, linagliptin va metformin bilan davolash fonida glyukemik nazorat yetarli bo‘lmagan bemorlarda linagliptin bilan kombinatsiyalangan terapiya va platsebo bilan solishtirilganda, metformin bilan kombinatsiyalangan terapiya va glimepirid bilan solishtirilganda (2 yillik tadqiqot ma’lumotlari), insulin bilan kombinatsiyalangan terapiya (insulinning ko‘p martalik in’eksiyalari rejimi), bazal insulin bilan kombinatsiyalangan terapiya, DPP-4 ingibitori bilan kombinatsiyalangan terapiya (metformin bilan birga) klinik tadqiqotlarda isbotlangan.

Homiladorlik va emizish davrida qo‘llanish Ma’lumotlarning yetarli emasligi sababli samaradorlik va xavfsizlik bo‘yicha qo‘llash mumkin emas. Bolalar Bolalarda qo‘llanish: 18 yoshgacha bo‘lgan bolalarda empagliflozin xavfsizligi va samaradorligi aniqlanmagan. Qariyalar uchun qo‘llanish: Dozani yoshga qarab o‘zgartirish tavsiya etilmaydi. 75 yosh va undan katta bemorlarda suvsizlanish va siydik yo‘llari infeksiyalari bilan bog‘liq nojo‘ya reaksiyalar xavfi yuqori. Bunday bemorlarda empagliflozin qabul qilganlarda (platsebo qabul qilganlarga nisbatan) gipovolemiya bilan bog‘liq noxush reaksiyalar ko‘proq kuzatilgan. Avtomobil va murakkab mexanizmlarni boshqarish qobiliyatiga ta’siri Emaglif tabletkalari avtomobil va transport vositalarini boshqarish qobiliyatiga ahamiyatsiz ta’sir ko‘rsatadi. Bemorlar haydash va mexanizmlardan foydalanish vaqtida, ayniqsa Emaglif sulfonilmochevina va/yoki insulin bilan birga qo‘llanilganda, gipoglikemiyadan saqlanish uchun ehtiyot choralarini ko‘rishlari tavsiya etiladi.

Siptomlar: kuzatilgan siydik hajmining oshishi doza miqdoriga bog‘liq emas edi va klinik ahamiyatga ega emas edi. Nazorat ostida o‘tkazilgan klinik tadqiqotlar davomida sog‘lom ko‘ngillilarda empagliflozinning bir martalik dozasi 800 mg gacha (maksimal sutkalik dozadan 32 barobar yuqori) va ko‘p martalik dozasi 100 mg gacha (maksimal sutkalik dozadan 4 barobar yuqori) bo‘lgan bemorlarda SSh-2 yaxshi o‘zlashtirildi. 800 mg dan yuqori doza qo‘llash tajribasi yo‘q. Davolash: empagliflozin bilan dozani oshirib yuborish holatida qo‘llab-quvvatlovchi davolash bemorning klinik holatiga muvofiq o‘tkazilishi kerak. Empagliflozin gemodializ yordamida chiqarilishi o‘rganilmagan.