Allergik rinit bilan bog‘liq simptomlarni, masalan, aksirish, burundan ajralmalar, qichishish, shish va burun bitishi, shuningdek, ko‘zning qichishishi va qizarishi, ko‘zdan yosh oqishi, tanglay qichishishi va yo‘talni bartaraf etish uchun.
Krapivnitsa bilan bog‘liq simptomlarni, masalan, qichishish va toshmalarni bartaraf etish uchun.

Dezloratadinga, preparatning har qanday yordamchi komponentiga yoki loratadinga yuqori sezuvchanlik.

Preparat ovqat qabul qilishdan qat’i nazar og‘iz orqali qabul qilinadi.
Bolalar:
— 6 oydan 11 oygacha: 2 ml sirop (1 mg dezloratadin) kuniga 1 marta;
— 1 yoshdan 5 yoshgacha: 2,5 ml sirop (1,25 mg dezloratadin) kuniga 1 marta;
— 6 yoshdan 11 yoshgacha: 5 ml sirop (2,5 mg dezloratadin) kuniga 1 marta.
Kattalar va 12 yoshdan katta o‘smirlar: 10 ml sirop (5 mg dezloratadin) kuniga 1 marta.
Preparatni dozalash uchun o‘lchov qoshiq yoki mos bo‘linmalarga ega o‘lchov stakanidan foydalanish tavsiya etiladi.
Davolash davomiyligi kasallikning og‘irligi va kechishiga bog‘liq.
Intermitent allergik rinitni davolash (haftasiga 4 kundan kam yoki 4 haftadan kam simptomlar mavjud bo‘lsa) anamnez ma’lumotlarini hisobga olgan holda olib borilishi kerak: simptomlar yo‘qolganda to‘xtatish va ular qayta paydo bo‘lganda davom ettirish. Persistiruvchi allergik rinitda (haftasiga 4 kundan ko‘p yoki 4 haftadan ko‘p simptomlar mavjud bo‘lsa) butun allergen bilan kontakt davrida davolashni davom ettirish kerak.

Klinik tadqiqotlar jarayonida, jumladan allergik rinit va surunkali idiopatik toshma bo‘yicha ko‘rsatmalar asosida, kuniga 5 mg doza qabul qilgan bemorlarda nojo‘ya ta’sirlar plasebo qabul qilgan bemorlarga nisbatan 5 % ko‘proq kuzatilgan. Plasebo bilan solishtirganda eng ko‘p uchraydigan nojo‘ya ta’sirlar quyidagilar bo‘lgan: charchoq (1,2 %), og‘iz qurishi (0,8 %) va bosh og‘rig‘i (0,6 %). 2 yoshdan 11 yoshgacha bo‘lgan bolalarda Edem preparatini klinik tadqiqotlarida nojo‘ya reaksiyalar holatlari sirop va plasebo guruhlarida bir xil bo‘lgan. 6 oydan 23 oygacha bo‘lgan bolalarda (plasebo bilan solishtirganda) eng ko‘p uchraydigan nojo‘ya hodisalar diareya (3,7 %), tana haroratining ko‘tarilishi (2,3 %) va uyqusizlik (2,3 %) bo‘lgan.
Desloratadin qo‘llanilishi bilan bog‘liq psixomotor giperkativlik (anomaliyali xatti-harakatlar) xavfi mavjud (bu g‘azab va tajovuz, shuningdek qo‘zg‘alish ko‘rinishida namoyon bo‘lishi mumkin).
Ro‘yxatdan o‘tkazilgandan keyingi davrda (tez-tezligi noma’lum): QT intervalining uzayishi, aritmiya va bradikardiya kuzatilgan.
Postmarketing davrida juda kam hollarda qayd etilgan boshqa nojo‘ya ta’sirlar quyidagi jadvalda keltirilgan.
Psixika tomonidan – gallyutsinatsiyalar;
Nerv tizimi tomonidan – bosh aylanishi, uyquchanlik, psixomotor giperkativlik, tutqanoq;
Yurak tomonidan – taxikardiya, yurak urishini sezish, QT intervalining uzayishi, supraventrikulyar taxiaritmiya;
Ovqat hazm qilish tizimi tomonidan – qorin og‘rig‘i, ko‘ngil aynishi, qusish, dispepsiya;
Gepatobiliar tizimi tomonidan – jigar fermentlari darajasining oshishi, bilirubinning ko‘tarilishi, gepatit, sariq kasallik;
Skelet-mushak tizimi va biriktiruvchi to‘qima tomonidan – mialgiya;
Teri va teri osti to‘qimalari tomonidan – fotosensitivlik;
Umumiy buzilishlar – gipersensitivlik reaksiyalari (anafilaksiya, Kvinke shishi, nafas qisilishi, qichishish, toshma, toshmacha).
Desloratadin deyarli markaziy asab tizimiga o‘tmaydi. Kattalar uchun tavsiya etilgan 5 mg dozada qo‘llanganda, plasebo guruhiga nisbatan uyquchanlik chastotasi oshishi qayd etilmagan. Edem preparatini bir martalik kunlik 7,5 mg dozada klinik tadqiqotlarda psixomotor faollikka ta’siri aniqlanmagan.

Dezloratadin ketokonazol, eritromitsin, azitromitsin, flyuoksetin, simetidin bilan birga qayta-qayta qo‘llanganda dezloratadinning plazmadagi konsentratsiyasida klinik ahamiyatli o‘zgarishlar aniqlanmadi. Dezloratadinning metabolizmi uchun javobgar ferment aniqlanmaganligi sababli, boshqa dori vositalari bilan o‘zaro ta’sirini to‘liq istisno qilib bo‘lmaydi.
Ovqat (yog‘li yuqori kaloriyali nonushta) yoki greyfrut sharbati dezloratadinning taqsimlanishiga ta’sir qilmaydi.
Laboratoriya tadqiqotlari natijalariga ta’siri:
EDEM preparatini teri testlari o‘tkazilishidan taxminan 48 soat oldin to‘xtatish kerak, chunki antigistamin preparatlar tirnash xususiyati beruvchi moddalarga ijobiy dermatologik reaksiyalar paydo bo‘lishini oldini olishi yoki ularning namoyon bo‘lishini kamaytirishi mumkin.

30 °S dan yuqori bo‘lmagan haroratda saqlansin. Bolalar ololmaydigan joyda saqlansin.
YAROQLILIK MUDDATI:
Ishlab chiqarilgan kundan boshlab 2 yil. Flakon ochilgandan keyin yaroqlilik muddati – 90 kun. Qadoqda ko‘rsatilgan yaroqlilik muddati tugaganidan keyin preparatni ishlatmang.

Dozani oshirib yuborilgan holatda standart choralar qo'llaniladi, ya'ni adsorbsiyalanmagan faol modda chiqarib tashlanadi, simptomatik davolash qo'llaniladi.
Klinik tadqiqotlar davomida kattalar va o'smirlar uchun dori tavsiya etilgan dozadan 9 baravar (45 mg) yuqori dozada qo'llanilganda klinik ahamiyatli ta'sirlar kuzatilmagan.
Dezloratadin gemodializ yo'li bilan chiqarilmaydi, peritoneal dializ yordamida chiqarilishi mumkinligi aniqlanmagan.