Quyidagi simptomlarni bartaraf etish:
- allergik rinit (aksirish, burundan ajralma, qichishish, shish va burun bitishi, ko‘zda qichishish va qizarish, ko‘zdan yosh oqishi, tanglay sohasida qichishish va yo‘tal);
- eshakemi (qichishish, toshma).

Faol modda yoki preparatning har qanday komponentiga, yoki loratadinga yuqori sezuvchanlik.
Qo‘llashda zarur xavfsizlik choralar:
Yuqori darajadagi buyrak yetishmovchiligi bo‘lgan bemorlarda Edem preparatini shifokor nazorati ostida qabul qilish kerak. Galaktozani o‘zlashtira olmaslikning kam uchraydigan irsiy shakllari, laktaza yetishmovchiligi yoki glyukoza va galaktoza malabsorbsiyasi sindromi bo‘lgan bemorlar ushbu preparatni qabul qilmasliklari kerak.

Kattalar va 12 yoshdan boshlab bolalarga preparat 5 mg (1 tabletka) dozada kuniga 1 marta, ovqatdan qat'i nazar buyuriladi. Preparatni har kuni bir vaqtda muntazam qabul qilish tavsiya etiladi. Tabletkani butun holda, chaynalmay, oz miqdorda suv bilan yutish kerak. Davolash davomiyligi kasallik og'irligi va kechishiga bog'liq.
Intermitiruyushchi allergik rinitni davolashda (belgilar haftasiga 4 kundan kam yoki 4 haftadan kam davom etsa) anamnez ma'lumotlarini hisobga olib davolash kerak: simptomlar yo'qolganda to'xtatish va ular qayta paydo bo'lsa, davolashni davom ettirish. Persistiruyushchi allergik rinitda (belgilar haftasiga 4 kundan ko'p yoki 4 haftadan ko'p davom etsa) butun allergen bilan kontakt davrida davolashni davom ettirish kerak.

Odatda dezloratadin yaxshi ko‘tariladi, lekin ba’zan nojo‘ya ta’sirlar paydo bo‘lishi mumkin.
Psixik buzilishlar: gallyutsinatsiyalar.
Nerv tizimi tomonidan: bosh og‘rig‘i, bosh aylanishi, uyquchanlik, uyqusizlik, psixomotor giperkativlik, tutqanoq.
Yurak tomonidan: taxikardiya, kuchli yurak urishi.
Ovqat hazm qilish tizimi tomonidan: og‘iz qurishi, diareya, qorin og‘rig‘i, ko‘ngil aynishi, qusish, dispepsiya.
Gepatobiliar tizimi tomonidan: jigar fermentlari faolligining oshishi, bilirubin darajasining oshishi, gepatit.
Skelet-mushak tizimi va biriktiruvchi to‘qima tomonidan: mialgiya.
Umumiy buzilishlar: gipersensitivlik reaksiyalari (anafilaksiya, angionevrotik shish, nafas qisilishi, qichishish, toshma va eshakemi jumladan), charchoqlikning oshishi.

Klinik jihatdan ahamiyatli o‘zgarishlar preparatning plazmadagi konsentratsiyasida ketokonazol, eritromitsin, azitromitsin, flyuoksetin, simetidin bilan birga qayta-qayta qo‘llanganda aniqlanmagan. Dezloratadinni metabolizm qiluvchi ferment aniqlanmaganligi sababli, boshqa dori vositalari bilan o‘zaro ta’sir ehtimolini to‘liq istisno qilib bo‘lmaydi.
Kliniko-farmakologik tadqiqotlarda dezloratadin spirtli ichimliklar bilan birga qabul qilinganda etanolning psixomotor funksiyaga salbiy ta’sirini kuchaytirmagan.

Original qadoqda 25 °S dan yuqori bo'lmagan haroratda saqlansin. Bolalar ololmaydigan joyda saqlansin.
YAROQLILIK MUD DATI:
Ishlab chiqarilgan sanadan boshlab 3 yil. Qadoqda ko'rsatilgan yaroqlilik muddati tugaganidan keyin preparatni qo'llamang.

Dozani oshirib yuborishda so'rilmagan faol modda chiqarib yuborilishi uchun standart choralarni qo'llash kerak. Simptomatik va qo'llab-quvvatlovchi davolash tavsiya etiladi. Klinik tadqiqotlarda, dezloratadin 45 mg dozada (tavsiya etilgan dozadan 9 baravar yuqori) yuborilganda, klinik ahamiyatli nojo'ya reaksiyalar kuzatilmagan. Dezloratadin gemodializ yordamida chiqarilmaydi; peritoneal dializda chiqarilishi aniqlanmagan.