ta'sir qiluvchi modda: domperidon 1 ml suspenziyada domperidon 1 mg yordamchi moddalari: saxaroza, polisorbat 80, kremniy dioksidi kolloidli suvdan holi, natriy karboksimetilsellyuloza, natriy xlorid, propilenglikol, glitserin, metilparagidroksibenzoat (E 218), propilparagidroksibenzoat (E 216), Ponso 4R (E 124), qulupnay ta'mi qo'shimchasi, tozalangan suv.

Ko'ngil aynishi va qusish simptomlarini yengillashtirish uchun.

Domrid quyidagilarga qarshi ko'rsatilgan: preparatga yoki yordamchi moddalarga yuqori sezuvchanligi aniqlangan bemorlarga gipofizning prolaktin-sekretor o'smasi (prolaktinoma) bo'lgan bemorlarga jigar va/yoki buyrak funksiyasining og'ir yoki o'rtacha buzilishlari bo'lgan bemorlarga (qarang «Qo'llash xususiyatlari» bo'limi) yurak o'tkazuvchanligi intervallarining uzayishi ma'lum bo'lgan, xususan QIc, elektrolit muvozanatining sezilarli buzilishlari bo'lgan, yurak yetishmovchiligi kabi yurak kasalliklari fonida bo'lgan bemorlarga (qarang «Qo'llash xususiyatlari» bo'limi) jigar yetishmovchiligi bo'lgan bemorlarga agar me'da harakat funksiyasini stimulyatsiya qilish xavfli bo'lsa, masalan, me'da-ichak qon ketishi, mexanik to'siq yoki perforatsiya bo'lsa ketokonazol, eritromitsin yoki boshqa kuchli CYP3A4 ingibitorlari bilan bir vaqtda qo'llash mumkin emas QT intervalini uzaytiruvchi dori vositalari, masalan, flukonazol, eritromitsin, itrakonazol, peroral ketokonazol, posakonazol, ritonavir, sakvinavir, telaprevir, vorikonazol, klaritromitsin, amiodaron, telitromitsin va boshqalar bilan bir vaqtda qo'llash mumkin emas (qarang «Qo'llash xususiyatlari» va «Boshqa dori vositalari bilan o'zaro ta'siri va boshqa o'zaro ta'sir turlari» bo'limlari).

Domridni ovqatdan oldin qabul qilish tavsiya etiladi. Agar ovqatdan keyin qabul qilinsa, dori vositasining so‘rilishi biroz sekinlashadi. Davolash davomiyligi 1 haftadan oshmasligi kerak. Kattalar va 12 yoshdan boshlab tana vazni 35 kg dan bo‘lgan bolalar: 10 mg (10 ml suspenziya) kuniga 3 martagacha. Maksimal sutkalik doza - 30 mg (30 ml suspenziya). 12 yoshgacha bo‘lgan bolalar va 12 yoshdan boshlab tana vazni 35 kg dan kam bo‘lgan bolalar: 0,25 mg (0,25 ml suspenziya) / kg tana vazniga kuniga 3 martagacha. Maksimal sutkalik doza - 0,75 mg (0,75 ml suspenziya) / kg tana vazniga. E’tibor berish kerakki, o‘lchov qoshiq 2,5 yoki 5 ml suspenziya o‘lchash uchun mo‘ljallangan. 1 ml dan kam doza o‘lchash uchun ignasiz 2 ml hajmdagi bir martalik plastik shpritsdan foydalanish mumkin.

Dozalash va davolash davomiyligi bo‘yicha tavsiyalarga rioya qilinganda, domperidon odatda yaxshi o‘zlashtiriladi va nojo‘ya hodisalar kamdan-kam uchraydi. Immun tizimi tomonidan: allergik reaksiyalar, shu jumladan anafilaksiya, anafilaktik shok, gipersensitivlik. Endokrin tizimi tomonidan: prolaktin darajasining oshishi. Psixik buzilishlar: asabiylik, jizzakilik, qo‘zg‘aluvchanlik, depressiya, tashvish, libido pasayishi yoki yo‘qligi. Nerv tizimi tomonidan: ekstrapiramidal buzilishlar, uyqusizlik, bosh aylanishi, chanqoq, tutqanoq, sustlik, bosh og‘rig‘i, uyquchanlik, akatiziya. Yurak-qon tomir tizimi tomonidan: shish, yurak urishining tezlashishi, yurak qisqarishlari chastotasi va ritmining buzilishi, QT intervalining uzayishi (tez-tezligi noma’lum), jiddiy qorinchalik aritmiyalar, qorinchalik aritmiyalar (“torsade de pointes” turi), to‘satdan yurak o‘limi. Ovqat hazm qilish tizimi tomonidan: og‘iz qurishi, qisqa muddatli ichak spazmlari, diareya, gastrointestinal buzilishlar, shu jumladan qorin og‘rig‘i, regurgitatsiya, ishtahaning o‘zgarishi, ko‘ngil aynishi, qorin qaynashi, qabziyat. Ko‘rish organlari tomonidan: okulogir kriz. Teri va teri osti to‘qimalari tomonidan: qichishish, toshma, eshakemi, angionevrotik shish. Reproduktiv tizim va sut bezlari tomonidan: galaktoreya, sut bezlarining kattalashuvi / ginekomastiya, sut bezlarining sezgirligi, sut bezlaridan ajralma, amenoreya, sut bezlarining shishi, sut bezlari sohasida og‘riq, laktatsiyaning buzilishi, hayz siklining noturg‘unligi. Tayanch-harakat tizimi va biriktiruvchi to‘qima tomonidan: oyoqlarda og‘riq. Siydik ajratish tizimi tomonidan: siydik tutilishi, dizuriya, tez-tez siyish. Umumiy buzilishlar: asteniya. Boshqa: kon’yunktivit, stomatit. Laborator ko‘rsatkichlar o‘zgarishi: jigar funksional testlari ko‘rsatkichlarining normadan chetlanishi, ALT, AST va xolesterin darajasining oshishi, qonda prolaktin darajasining oshishi. Gipofiz gematoensefalik to‘siqdan tashqarida joylashgani sababli, domperidon prolaktin darajasining oshishiga olib kelishi mumkin. Kam hollarda bunday gipyerprolaktinemiya neyroendokrin nojo‘ya ta’sirlarga, masalan, galaktoreya, ginekomastiya va amenoreyaga olib kelishi mumkin. Preparatning postmarketing qo‘llanilishi davrida kattalar va bolalarda preparatni qo‘llash xavfsizligi profilida farq aniqlanmadi, ekstrapiramidal buzilishlar va boshqa hodisalar, tutqanoqlar va markaziy asab tizimi bilan bog‘liq qo‘zg‘aluvchanlik asosan bolalarda kuzatilgan holatlar bundan mustasno.

Domperidon - dofamin antagonisti bo'lib, qusishga qarshi xususiyatlarga ega. Domperidon gematoentsefalik to'siqdan juda kam miqdorda o'tadi. Domperidondan foydalanish juda kam hollarda, ayniqsa kattalarda, ekstrapiramidal nojo'ya ta'sirlar bilan kechadi, biroq domperidon gipofizdan prolaktin ajralishini stimulyatsiya qiladi. Uning qusishga qarshi ta'siri, ehtimol, periferik (gastrokinetik) ta'sir va gematoentsefalik to'siqdan tashqarida joylashgan kimyoviy retseptorlar trigger zonasidagi dofamin retseptorlariga antagonizmning birikmasi bilan bog'liq. Hayvonlarda o'tkazilgan tadqiqotlar, shuningdek, miya to'qimalarida aniqlangan past konsentratsiyalar domperidonning asosan periferik dofamin retseptorlariga ta'sir qilishini ko'rsatadi. Odamlarda o'tkazilgan tadqiqotlar shuni ko'rsatdiki, peroral qo'llanganda domperidon qizilo'ngachning pastki qismlarida bosimni oshiradi, antroduodenal motorikani yaxshilaydi va me'daning bo'shashini tezlashtiradi. Domperidon me'da sekretsiyasiga ta'sir qilmaydi.