Bitta tabletkada: faol modda: bisoprolol fumarat 2,5 mg, 5 mg va 10 mg; yordamchi moddalari: mikrokristallik tsellyuloza, silikatlangan (PROSOLV® EASYtab SP), natriy kroskarmelloza, natriy kraxmal glikolyat A turi, magniy stearat; qobiq tarkibi: opadry oq, opadry sariq* opadry pushti, gipromelloza, titan dioksid (E171), polietilenglikol/makrogol polivinil spirti, titan dioksid (E171), polietilenglikol/makrogol, talk, vanilin, sariq xinolinniy alyuminiy lak (E104) gipromelloza, titan dioksid (E171), laktoza monogidrat, polietilenglikol/makrogol, triatsetin, temir oksidi sariq (E172), temir oksidi qizil (E172), temir oksidi qora (E172).

Chap qorinchaning sistolik funksiyasi pasaygan barqaror surunkali yurak yetishmovchiligini davolashda, AKF ingibitorlari va diuretiklar, shuningdek yurak glikozidlari bilan birga qo‘llaniladi.

bisoprololning faol moddasiga yoki yordamchi moddalardan birontasiga yuqori sezuvchanlik; o‘tkir yurak yetishmovchiligi yoki dekompensatsiya bosqichidagi yurak yetishmovchiligi, bu holat tomir ichiga inotrop terapiyani talab qiladi; kardiogen shok; atrioventrikulyar blokada II va III daraja (elektrokardiostimulyator bo‘lmagan holda); sinus tugunining zaiflik sindromi; sinoatriyal blokada; simptomatik bradikardiya; simptomatik gipotenziya; og‘ir bronxial astma; periferik arterial obturatsion kasallikning kech bosqichlari yoki Reyno kasalligi; davolanmagan feoxromositoma; metabolik atsidoz; 18 yoshgacha bo‘lgan bolalar yoshi (samaradorlik va xavfsizlik aniqlanmagan); homiladorlik va laktatsiya davri.

Surunkali yurak yetishmovchiligini davolashning standart sxemasi AKF ingibitori (yoki AKF ingibitorlariga toqat qilinmasa angiotenzin II retseptorlari antagonistlari), beta-blokator, diuretiklar va zarur bo‘lganda yurak glikozidlarini qo‘llashni o‘z ichiga oladi. Bisoprolol bilan davolashni boshlashda bemorlar barqaror holatda bo‘lishi kerak (o‘tkir yurak yetishmovchiligi bo‘lmasligi kerak). Davolovchi shifokor surunkali yurak yetishmovchiligini davolashda tajribaga ega bo‘lishi tavsiya etiladi. Titratsiya bosqichi yoki undan keyin yurak yetishmovchiligi kechishining vaqtinchalik yomonlashuvi, arterial gipotenziya yoki bradikardiya yuzaga kelishi mumkin. Dozalash tartibi Titratsiya bosqichi Surunkali yurak yetishmovchiligini bisoprolol bilan davolash majburiy titratsiya bosqichini o‘tkazishni talab qiladi. Bisoprolol bilan davolash quyida keltirilgan bosqichlarga muvofiq dozani asta-sekin oshirish bilan boshlanishi kerak: 1,25 mg kuniga bir marta 1 hafta davomida, yaxshi toqat qilinsa oshirish 2,5 mg kuniga bir marta keyingi hafta davomida, yaxshi toqat qilinsa oshirish 3,75 mg kuniga bir marta keyingi hafta davomida, yaxshi toqat qilinsa oshirish 5 mg kuniga bir marta keyingi 4 hafta davomida, yaxshi toqat qilinsa oshirish 7,5 mg kuniga bir marta keyingi 4 hafta davomida, yaxshi toqat qilinsa oshirish 10 mg kuniga bir marta qo‘llab-quvvatlovchi davolash sifatida. Maksimal tavsiya etilgan doza kuniga 10 mg ni tashkil etadi. Titratsiya bosqichida hayotiy ko‘rsatkichlar (yurak urish tezligi, arterial bosim) va yurak yetishmovchiligi rivojlanishining simptomlarini diqqat bilan nazorat qilish zarur. Simptomlar terapiya boshlanganidan keyin birinchi kunidayoq namoyon bo‘lishi mumkin. Davolashni tuzatish Agar maksimal tavsiya etilgan doza yomon toqat qilinsa, dozani asta-sekin kamaytirish ko‘rib chiqilishi kerak. Yurak yetishmovchiligi kechishining vaqtinchalik yomonlashuvi, arterial gipotenziya yoki bradikardiya yuzaga kelganda, hamroh davolash preparatlari dozasini qayta ko‘rib chiqish tavsiya etiladi. Shuningdek, bisoprolol dozasini vaqtincha kamaytirish yoki bekor qilish talab qilinishi mumkin. Bemor holati barqarorlashgandan so‘ng, bisoprololni qayta buyurish va/yoki dozani titratsiya qilish imkoniyatini har doim ko‘rib chiqish kerak. Qabul qilishni to‘xtatish to‘g‘risida qaror qabul qilinganda, dozani asta-sekin kamaytirish tavsiya etiladi, chunki to‘satdan bekor qilish bemor holatining o‘tkir buzilishiga olib kelishi mumkin. Surunkali yurak yetishmovchiligini bisoprolol bilan davolash odatda uzoq muddatli bo‘ladi Jigar yoki buyrak funksiyasi buzilgan bemorlar Surunkali yurak yetishmovchiligi bo‘lgan va hamroh jigar yoki buyrak funksiyasi buzilgan bemorlarda bisoprolol farmakokinetikasi bo‘yicha ma’lumotlar mavjud emas. Shu sababli, ushbu bemor guruhlarida dozani oshirish qo‘shimcha ehtiyotkorlik bilan amalga oshirilishi kerak. Keksalar Dozani tuzatish talab qilinmaydi. Bolalar Bisoprololni pediatrik amaliyotda qo‘llash tajribasi yo‘qligi sababli, uni bolalarda qo‘llash tavsiya etilmaydi. Qo‘llash usuli va yo‘li Bisoprolol-SANTO preparatini chaynashsiz, ertalab nonushta vaqtida, oz miqdorda suyuqlik bilan qabul qilish kerak. Bir yoki bir nechta doza o‘tkazib yuborilganda zarur bo‘lgan choralar O‘tkazib yuborilgan doza o‘rnini qoplash uchun ikki barobar doza qabul qilmaslik kerak. Dori vositasini qo‘llash usulini tushuntirish uchun tibbiy xodimga murojaat qilish bo‘yicha tavsiyalar Dori vositasini qabul qilishdan oldin shifokorga yoki maslahatchiga murojaat qiling

Ko‘p hollarda: bosh aylanishi*, bosh og‘rig‘i*; ko‘ngil aynishi, qusish, diareya, qabziyat; qo‘llar va oyoqlarda sovuqlik yoki uvishish hissi; charchoq*. Kam hollarda bradikardiya, atrioventrikulyar o‘tkazuvchanlik buzilishi, mavjud yurak yetishmovchiligini yomonlashuvi; bronxial astma yoki nafas yo‘llarining obstruktiv kasalligi anamnezida bo‘lgan bemorlarda bronxospazm; mushak zaifligi, mushak spazmlari; gipotoniya; asteniya; depressiya, uyqu buzilishlari. Noyob hollarda trigliseridlar darajasining oshishi, jigar fermentlari (ALT, AST) darajasining oshishi; hushdan ketish; yig‘lashning kamayishi (bemorda kontakt linzalar taqilganda hisobga olish kerak); eshitish buzilishlari; allergik rinit; gipersensitivlik reaksiyalari, masalan, qichishish, qizarish, toshma; gepatit; potensiya buzilishlari; tungi vahimalar, gallyutsinatsiyalar. Juda noyob hollarda kon’yunktivit; soch to‘kilishi. Beta-blokatorlar psoriazni qo‘zg‘atishi yoki kuchaytirishi yoki psoriazga o‘xshash toshma chaqirishi mumkin. *Ushbu simptomlar davolash boshida ko‘proq uchraydi. Ular, odatda, kuchsiz bo‘ladi va odatda 1-2 hafta ichida yo‘qoladi. Har qanday gumon qilingan nojo‘ya ta’sirlar haqida xabar berish juda muhim. Bu ushbu dori vositasining foyda/xavf profilini doimiy nazorat qilish imkonini beradi.

Ta'sir mexanizmi Bisoprolol – yuqori selektiv β1-adrenoblokator, ichki simpatomimetik va membranostabilizatsion faollikka ega emas. Bronx va tomirlarning silliq mushaklaridagi β2-retseptorlarga va fermentativ metabolik boshqaruvdagi β2-retseptorlarga past affinitetga ega. Shunday qilib, Bisoprolol preparati, odatda, nafas yo‘llari qarshiligiga va β2-orqali metabolik jarayonlarga ta'sir qilmaydi. Uning β1-selektivligi terapevtik dozalardan tashqariga chiqadi. Klinik samaradorlik va xavfsizlik CIBIS II tadqiqotiga jami 2647 bemor kiritilgan. 83% (n = 2202) NYHA tasnifiga ko‘ra III sinfga va 17% (n = 445) NYHA bo‘yicha IV sinfga mansub edi. Bemorlar barqaror simptomatik sistolik yurak yetishmovchiligi (ejeksiya fraksiyasi ≤ 35%, exokardiyografiya ma'lumotlariga ko‘ra) tashxisi bilan edi. Umumiy o‘lim darajasi 17,3% dan 11,8% gacha kamaydi (nisbiy kamayish 34%). To‘satdan o‘lim holatlari soni kamaydi (3,6% ga nisbatan 6,3%, nisbiy kamayish 44%) va yurak yetishmovchiligi epizodlari soni, kasalxonaga yotqizishni talab qilgan (12% ga nisbatan 17,6%, nisbiy kamayish 36%). Bundan tashqari, NYHA tasnifiga muvofiq funksional holatning sezilarli yaxshilanishi qayd etildi. Davolash kursi boshida va bisoprolol titrlanishida bradikardiya (0,53%), arterial gipotenziya (0,23%) va o‘tkir dekompensatsiya (4,97%) sababli kasalxonaga yotqizish holatlari kuzatildi, biroq ular platsebo guruhiga nisbatan tez-tez uchramadi (0%, 0,3% va 6,74%). Tadqiqot davomida o‘limga olib keluvchi va nogironlikka sabab bo‘luvchi insultlar soni bisoprolol guruhida 20 ta, platsebo guruhida 15 ta bo‘lgan. CIBIS III tadqiqotiga 1010 nafar ≥ 65 yoshli, yengil va o‘rtacha surunkali yurak yetishmovchiligi (SYY; NYHA bo‘yicha II yoki III sinf) va chap qorincha ejeksiya fraksiyasi ≤ 35% bo‘lgan bemorlar kiritilgan, ular ilgari angiotenzin aylantiruvchi ferment (AAF) ingibitorlari, beta-blokatorlar yoki angiotenzin retseptorlari blokatorlarini qabul qilmagan. Bemorlar bisoprolol va enalapril kombinatsiyasi bilan dastlabki 6 oylik terapiyadan so‘ng 6 dan 24 oygacha davolangan yoki faqat bisoprolol yoki enalapril bilan davolangan. Bisoprololni dastlabki 6 oylik davolash sifatida qo‘llashda surunkali yurak yetishmovchiligi kechishining yomonlashuvi tez-tez uchrashi tendensiyasi qayd etildi. Bisoprolol bilan dastlabki davolash samaradorligi enalaprilga nisbatan kam emasligi isbotlanmadi, garchi protokol bo‘yicha olingan ma'lumotlar tahlili natijasida bisoprololning dastlabki monoterapiyasi ustunligi ko‘rsatilmagan bo‘lsa-da, surunkali yurak yetishmovchiligi davolashining har ikkala boshlang‘ich strategiyasi asosiy birlashtirilgan yakuniy nuqtada, ya'ni o‘lim va kasalxonaga yotqizish ko‘rsatkichi bo‘yicha o‘xshash natija ko‘rsatdi (bisoprolol guruhida 32,4% va enalapril guruhida 33,1%, protokolni bajargan populyatsiyada). Tadqiqot shuni ko‘rsatadiki, bisoprolol yoshi katta, yengil yoki o‘rtacha darajadagi surunkali yurak yetishmovchiligi bo‘lgan bemorlarda ham qo‘llanilishi mumkin. Bisoprolol, shuningdek, arterial gipertenziya va stenokardiyani davolash uchun ham qo‘llaniladi. Bir martalik qo‘llashda yurak ishemik kasalligi (YIK) bo‘lgan, surunkali yurak yetishmovchiligi belgilari bo‘lmagan bemorlarda bisoprolol yurak urish tezligini va yurak zarba hajmini kamaytiradi va natijada yurak chiqishi va kislorod sarfini kamaytiradi. Uzoq muddatli qo‘llashda dastlab yuqori bo‘lgan umumiy periferik tomir qarshiligi kamayadi.

Bisoprolol-SANTO preparatini qo‘llashda barqaror surunkali yurak yetishmovchiligini davolash titrlash bosqichidan boshlanishi kerak. Ishemik yurak kasalligi bo‘lgan bemorlarda davolashni zaruratsiz to‘satdan to‘xtatish tavsiya etilmaydi, chunki bu holatning vaqtincha yomonlashuviga olib kelishi mumkin. Bisoprolol-SANTO preparati bilan davolashni boshlash va to‘xtatish muntazam monitoringni talab qiladi. Hozirgi vaqtda quyidagi kasalliklar va patologik holatlarda surunkali yurak yetishmovchiligini davolash bo‘yicha yetarli terapevtik tajriba yo‘q: tip I qandli diabet; buyrak funksiyasining og‘ir buzilishlari; jigar funksiyasining og‘ir buzilishlari; restriktiv kardiomiopatiya; tug‘ma yurak nuqsonlari; ifodalangan gemodinamik buzilishlar bilan kechuvchi yurak klapanlari nuqsonlari; so‘nggi 3 oy ichida miokard infarkti. Bisoprolol-SANTO preparatini quyidagi holatlarda bemorlarga ehtiyotkorlik bilan qo‘llash kerak: bronxospazm (bronxial astma, nafas yo‘llarining obstruktiv kasalliklarida); qandli diabet, qonda glyukoza darajasining sezilarli tebranishlari bilan – gipoglikemiya simptomlari yashirin bo‘lishi mumkin; qat’iy dieta; desensibilizatsiya o‘tkazish. Boshqa β-blokatorlar kabi, Bisoprolol-SANTO preparati ham allergenlarga sezuvchanlikni oshirishi va anafilaktik reaksiyalar og‘irligini kuchaytirishi mumkin. Bunday hollarda adrenalin bilan davolash har doim ham ijobiy terapevtik ta’sir bermasligi mumkin; I darajali blokada; Printsmetal stenokardiyasi; periferik arteriyalarning oblitiratsiyalovchi kasalliklari (davolash boshida shikoyatlar kuchayishi mumkin); umumiy anesteziya. Umumiy anesteziya rejalashtirilgan bemorlarda β-blokatorlarni qo‘llash narkoz, intubatsiya va operatsiyadan keyingi davrda aritmiya va miokard ishemiyasi holatlarini kamaytiradi. β-blokatorlarni intraoperatsion davrda davom ettirish tavsiya etiladi. Anesteziolog boshqa dori vositalari bilan mumkin bo‘lgan o‘zaro ta’sirni hisobga olishi kerak, bu bradiaritmiya, reflektor taxikardiya va qon yo‘qotilishini kompensatsiya qilish reflektor mexanizmining imkoniyatlarini pasayishiga olib kelishi mumkin. Agar Bisoprolol-SANTO preparati operatsiyadan oldin bekor qilinadigan bo‘lsa, doza bosqichma-bosqich kamaytirilishi va Bisoprolol-SANTO preparatini umumiy anesteziyadan 48 soat oldin to‘xtatish kerak. Bisoprolol-SANTO preparatini verapamil yoki diltiazem guruhi kalsiy antagonistlari, I klass antiaritmik preparatlar va markaziy ta’sirli gipotenziya vositalari bilan birga qo‘llash tavsiya etilmaydi. β-blokatorlarning (β1) kardioselektivligi neselektiv β-blokatorlarga nisbatan o‘pka funksiyasiga kamroq ta’sir ko‘rsatishiga qaramay, barcha β-blokatorlar kabi, obstruktiv nafas yo‘llari kasalliklarida, agar davolash uchun jiddiy sabablar bo‘lmasa, ularni qo‘llashdan saqlanish kerak. Zarurat tug‘ilganda Bisoprolol-SANTO preparatini ehtiyotkorlik bilan qo‘llash kerak. Obstruktiv nafas yo‘llari kasalliklari bo‘lgan bemorlarda Bisoprolol-SANTO preparati bilan davolash eng past mumkin bo‘lgan doza bilan boshlanishi va bemorlarda yangi simptomlar (masalan, nafas qisilishi, jismoniy yuklamaga toqat qilmaslik, yo‘tal) paydo bo‘lishi yuzasidan kuzatib borilishi kerak. Bronxial astma yoki boshqa surunkali obstruktiv o‘pka kasalliklarida bronxodilatatorlar bilan birga davolash ko‘rsatilgan. Ba’zi hollarda, preparatni qabul qilayotgan bronxial astmali bemorlarda nafas yo‘llari tonusi oshishi tufayli β2-simpatomimetiklarning yuqoriroq dozalari talab qilinishi mumkin. Psoriazi bo‘lgan (shu jumladan anamnezida) bemorlarga beta-adrenoblokatorlar (masalan, bisoprolol) faqat foyda/xavf nisbati sinchiklab baholangandan so‘ng qo‘llaniladi. Feoxromotsitoma bo‘lgan bemorlarga Bisoprolol-SANTO preparati faqat oldindan α-adrenoblokatorlar bilan davolash fonida buyuriladi. Tireotoksikoz simptomlari preparatni qabul qilish fonida niqoblanishi mumkin. Bisoprolol-SANTO preparatini qo‘llash doping-nazoratdan o‘tishda ijobiy natijalar olishga sabab bo‘lishi mumkin. Bisoprolol-SANTO preparatini doping sifatida qo‘llash sog‘liqqa zarar yetkazishi mumkin. Maxsus ogohlantirishlar Homiladorlik va emizish davrida Homiladorlik yoki laktatsiya davrida Bisoprololning farmakologik faolligi homiladorlik va/yoki homila/yangi tug‘ilgan chaqaloqqa salbiy ta’sir ko‘rsatishi mumkin. Umuman, beta-blokatorlar platsenta perfuziyasini kamaytiradi, bu esa bachadonda rivojlanishning orqada qolishi, bachadonda o‘lim, homila tushishi yoki erta tug‘ruqqa olib kelishi mumkin. Nojo‘ya ta’sirlar (masalan, gipoglikemiya va bradikardiya) homila va yangi tug‘ilgan chaqaloqda yuzaga kelishi mumkin. Agar beta-blokatorlar bilan davolash zarur bo‘lsa, β1-selektiv beta-blokatorlar afzalroqdir. Bisoprolol-SANTO homiladorlik davrida qo‘llash tavsiya etilmaydi, bundan faqat zarur hollarda mustasno. Agar bisoprolol bilan davolash zarur deb hisoblansa, bachadonda-placentar qon aylanishi va homila o‘sishini nazorat qilish kerak. Homiladorlik yoki homilaga zararli ta’sir ko‘rsatilsa, muqobil terapevtik choralarni ko‘rib chiqish kerak. Yangi tug‘ilgan chaqaloq diqqat bilan kuzatuvda bo‘lishi kerak. Gipoglikemiya va bradikardiya simptomlari odatda hayotining dastlabki 3 kunida kutiladi. Bisoprolol inson ko‘krak suti tarkibiga o‘tadimi noma’lum. Shuning uchun bisoprolol bilan davolash davrida emizish tavsiya etilmaydi.