betametazon (betametazon dipropionati ko‘rinishida) 0,5 mg, gentamitsin (gentamitsin sulfat ko‘rinishida) 1,0 mg. Yordamchi moddalar: xlorkrezol, tsetostearil spirti, oq vazelin, suyuq parafin, kremofor A 25, kaliy digidrofosfat, natriy gidrofosfat, propilenglikol, dinatriy versenat, xemoderm 841, tozalangan suv 1,0 g gacha.

BETADERM krem ko‘rinishida namlanadigan, yallig‘lanishli teri holatlarida (dermatozlarda), ayniqsa allergik boshlanishli, ikkilamchi bakterial infeksiya bilan asoratlangan va ortiqcha keratoz, qichishish yoki kuchli allergik reaksiyalar bilan kechadigan holatlarda, asosan atipik dermatit, seboreyali dermatit, oddiy surunkali lishay, qattiqlashuvchi ekzema, psoriaz, allergik kontaktli dermatit, terining qizil volchankasi shakli, polimorf eritemada mahalliy qo‘llaniladi.

Kortikosteroidlar, gentamitsin yoki krem asosining tarkibiy qismlariga yuqori sezuvchanlik. Terining virusli, zamburug‘li yoki sil kasalliklari, teri o‘sma kasalliklari, pushti va o‘smirlik toshmalari, suvchechak, flebitlar va trofik yaralar. Terining keng zararlangan joylarida, ayniqsa teri butunligi buzilgan hollarda, masalan, kuyishlarda qo‘llanilmaydi. Yuz terisida qo‘llanilmaydi. 12 yoshgacha bo‘lgan bolalarda qo‘llanilmaydi.

Dori vositasini qo‘llash tezligi va usulini shifokor belgilashi kerak. Mahalliy, kremning kichik miqdori shikastlangan teri yuzasiga 1-2 marta kuniga surtiladi. Kremni okklyuzion bog‘lam ostida qo‘llash tavsiya etilmaydi. Agar bog‘lam qo‘yish zarurati bo‘lsa, havo o‘tkazadigan bog‘lam qo‘yish va zich, plyonkali bog‘lamdan foydalanmaslik kerak. Davolashni uzluksiz 2 haftadan ortiq davom ettirish mumkin emas. Bir hafta davomida 45 g kremdan ko‘proq ishlatmaslik kerak.

Ugri paydo bo‘lishi, steroid purpura, epidermis o‘sishini susayishi, teri osti yog‘ to‘qimasi atrofiyasi, teri qurishi, terining depigmentatsiyasi yoki gipergigmentatsiyasi, teri atrofiyasi va striyalar, mayda qon tomirlarning kengayishi, follikulit paydo bo‘lishi mumkin. Dori vositasini uzoq muddat qo‘llashda kuchli umumiy ta’sirlar yuzaga kelishi mumkin, ular shishlar, gipertenziya, rezistentlikning pasayishi bilan tavsiflanadi. Yuz terisiga qo‘llangandan so‘ng peroral dermatit chaqirishi mumkin, qovoq terisiga qo‘llanganda ba’zan glaukoma belgilari kuchayishi yoki katarakta rivojlanishi tezlashishi mumkin. Bemor dori vositasini qo‘llash davrida har qanday nojo‘ya ta’sirlar yoki bezovta qiluvchi simptomlar paydo bo‘lsa, shifokorga xabar berishi kerak.

Dori vositasini faqat shifokor ko‘rsatmasiga muvofiq qo‘llash kerak. Krem teriga surtilgandan so‘ng, teri namligi va haroratini oshiruvchi plyonkali bog‘lam qo‘llash tavsiya etilmaydi. Dori vositasi faqat shifokor tomonidan ko‘rsatilgan kasalliklarda qo‘llanilishi kerak. Bemor dori vositasini qo‘llash davrida paydo bo‘lgan barcha nojo‘ya ta’sirlar haqida shifokorga xabar berishi kerak. Preparatni shifokor belgilagan muddatdan uzoqroq qo‘llash tavsiya etilmaydi. Keng yuzali teri sohasiga uzoq muddat qo‘llanganda uning so‘rilishi va nojo‘ya ta’sirlar, masalan, shishlar, gipertenziya, qonda glyukoza miqdorining oshishi, organizmning immunologik javobining pasayishi tez-tez uchraydi. Krem qo‘llangan joyda infeksiya kuchayganda, shifokor qo‘shimcha antimikrob yoki zamburug‘larga qarshi davolashni qo‘llashi mumkin. Tavsiyalarga rioya qilish va preparatni yuz terisiga qo‘llamaslik kerak, chunki hatto qisqa muddatli qo‘llashdan so‘ng ham mayda qon tomirlarning uzoq muddatli kengayishi, lab sohasida teri osti yog‘ to‘qimasi atrofiyasi kabi nojo‘ya ta’sirlar paydo bo‘lishi mumkin. Teri osti yog‘ to‘qimasining allaqachon mavjud atrofik holatlarida, ayniqsa, keksalarda ehtiyotkorlik bilan qo‘llash kerak. Transport vositalarini boshqarish va harakatlanuvchi mexanizmlarga xizmat ko‘rsatish qobiliyatiga ta’siri Dori vositasi psixofizik ish qobiliyatini, transport vositalarini boshqarish va harakatlanuvchi mexanizmlarga xizmat ko‘rsatish qobiliyatini cheklamaydi. BETADERM preparatini homilador ayollar va laktatsiya davrida qo‘llash tavsiya etilmaydi.