faol modda: azitromitsin - 250 mg, 500 mg; yordamchi moddalari: natriy kraxmal glikolyat, magniy stearat.

preparatga sezgir mikroorganizmlar chaqirgan infeksion-yallig‘lanish kasalliklari; yuqori nafas yo‘llari va LOR a’zolari infeksiyalari (angina, sinusit, tonzillit, faringit, o‘rta otit); pastki nafas yo‘llari infeksiyalari (bakterial va atipik pnevmoniyalar, surunkali pnevmoniyaning zo‘rayishi, bronxit); teri va yumshoq to‘qimalar infeksiyalari (roja, impetigo, ikkilamchi infeksiyalangan dermatozlar); siydik chiqarish yo‘llari infeksiyalari (gonoreyali va negonoreyali uretrit, servitsit); Laym kasalligi (borrelioz), boshlang‘ich bosqichini davolash uchun (erythema migrans); oshqozon va o‘n ikki barmoqli ichak kasalliklari, Helicobacter pylori bilan bog‘liq (kombinatsiyalangan terapiya tarkibida).

gipersensitivlik (jumladan, boshqa makrolidlarga nisbatan);
- jigar va/yoki buyrak yetishmovchiligi, laktatsiya davri, uch yoshgacha bo‘lgan bolalar va/yoki tana vazni 25 kg dan kam bo‘lgan bolalar;
- eritromitsin, boshqa makrolid guruhi antibiotiklari yoki ketolidlarga yuqori sezuvchanlik;
- ergotamin va digidroergotamin bilan bir vaqtda qabul qilish;
- tana vazni <45 kg bo‘lgan 12 yoshgacha bo‘lgan bolalar (500 mg kapsulalar uchun);
Extiyotkorlik bilan:
- aritmiya (qorinchalar aritmiyalari va QT intervalining uzayishi mumkin);
- jigar yoki buyrak funksiyasining og‘ir buzilishlari bo‘lgan bolalar;
- homiladorlik;
- preparat komponentlariga yuqori sezuvchanlik;
- miasteniya;
- jigar funksiyasining yengil va o‘rta darajadagi buzilishlari;
- buyrak funksiyasining yengil va o‘rta darajadagi buzilishlari (KK >40 ml/min);
- proaritmogen omillarga ega bo‘lgan bemorlarda (ayniqsa, keksalarda);
- tug‘ma yoki orttirilgan QT intervalining uzayishi;
- IA (xinidin, prokainamid) va III (dofetilid, amiodaron va sotalol) sinf antiaritmik vositalar, tsizaprid, terfenadin, antipsixotik preparatlar (pimozid), antidepressantlar (tsitalopram), ftorxinolonlar (moksifloksatsin va levofloksatsin) bilan davolanayotgan bemorlarda;
- suv-elektrolit muvozanatining buzilishi, ayniqsa gipokaliemiya yoki gipomagniemiya bo‘lsa;
- klinik ahamiyatli bradikardiya, aritmiya yoki og‘ir yurak yetishmovchiligi bo‘lganlarda;
- digoksin, varfarin, siklosporin bilan bir vaqtda qo‘llanilganda.

Og'iz orqali, ovqatdan 1 soat oldin yoki ovqatdan 2 soat keyin kuniga 1 marta qabul qilinadi. Kattalarga yuqori va pastki nafas yo'llari infeksiyalarida – 0,5 g/kun bir marta 3 kun davomida (kurs doza – 1,5 g). Terining va yumshoq to'qimalarning infeksiyalarida - birinchi kuni 1 g/kun bir marta, keyingi 2-5 kunlarda har kuni 0,5 g/kun (kurs doza - 3 g). O'tkir siydik-tanosil organlari infeksiyalarida (murakkablanmagan uretrit yoki servitsit) - bir marta 1 g. Laym kasalligida (borrelioz) I bosqichni (erythema migrans) davolash uchun - birinchi kuni 1 g va 2-5 kunlarda har kuni 0,5 g (kurs doza - 3 g). Oshqozon va o'n ikki barmoqli ichak yara kasalligida, Helicobacter pylori bilan bog'liq – 1 g/kun 3 kun davomida kombinatsiyalangan antihelikobakter terapiya tarkibida. Uch yoshdan katta bolalar va/yoki tana vazni 25 kg dan ortiq bo'lgan bolalarda yuqori va pastki nafas yo'llari, teri va yumshoq to'qimalar infeksiyalarida tana vazniga 10 mg/kg hisobida kuniga 1 marta 3 kun davomida (kurs doza – 30 mg/kg), yoki birinchi kuni – 10 mg/kg tana vazniga, keyingi 4 kun – 5-10 mg/kg/kun. Bolalarda erythema migransni davolashda (uch yoshdan katta va/yoki vazni 25 kg dan ortiq) preparat kuniga 1 marta tana vazniga 20 mg/kg birinchi kuni va 2-5 kunlarda tana vazniga 10 mg/kg buyuriladi.

Nerv tizimi tomonidan:
- bosh og‘rig‘i, bosh aylanishi, uyquchanlik, ta'm sezgilarining buzilishi, paresteziya, uyquchanlik, uyqusizlik, asabiylik;
- kamdan-kam hollarda – ajitatsiya;
- tez-tezligi noma'lum – gipesteziya, xavotir, tajovuzkorlik, hushdan ketish, tutqanoq, psixomotor giperkativlik, hid bilishning yo‘qolishi, hid bilishning buzilishi, ta'm sezgilarining yo‘qolishi, miasteniya, bred, gallyutsinatsiyalar;
- bolalarda – bosh og‘rig‘i (o‘rta otit terapiyasida), giperkineziya, xavotir, nevroz, uyqu buzilishlari (1% va undan kam).
Yurak-qon tomir tizimi tomonidan: yurak urishining tezlashuvi, ko‘krak qafasida og‘riq (1% va undan kam), arterial bosimning pasayishi, EKGda QT intervalining uzayishi, "piruet" tipidagi aritmiya, qorinchalar taxikardiyasi.
Siydik chiqarish tizimi tomonidan:
- tez-tez emas – dizuriya, buyrak sohasida og‘riq;
- tez-tezligi noma'lum – interstitsial nefrite, o‘tkir buyrak yetishmovchiligi.
Jinsiy tizim tomonidan:
- tez-tez emas – vaginal kandidoz, metrorragiyalar, tuxumdonlar funksiyasining buzilishi.
Allergik reaksiyalar:
- toshma, eshakemi, teri qichishishi, angionevrotik shish;
- bolalarda – kon'yunktivit, qichishish, eshakemi.
Infeksion kasalliklar:
- tez-tez emas – kandidoz (shu jumladan og‘iz bo‘shlig‘i va jinsiy a'zolar shilliq qavatida), pnevmoniya, faringit, gastroenterit, nafas yo‘llari kasalliklari, rinit;
- tez-tezligi noma'lum – soxta membranoz kolit.
Qon hosil bo‘lish tizimi tomonidan:
- tez-tez emas – leyopeniya, neytropeniya, eozinofiliya;
- juda kam hollarda – trombotsitopeniya, gemolitik anemiya.
Modda almashinuvi tomonidan:
- tez-tez emas – anoreksiya.
Eshitish organi va labirint buzilishlari:
- tez-tez emas – eshitish buzilishi, vertigo;
- tez-tezligi noma'lum – eshitishning buzilishi, to‘liq karliqqacha va/yoki quloqda shovqin.
Nafas olish tizimi tomonidan:
- tez-tez emas – nafas qisilishi, burundan qon ketishi.
Ovqat hazm qilish tizimi tomonidan:
- diareya (5%), ko‘ngil aynishi (3%), qorin og‘rig‘i (3%), 1% va undan kam – meteorizm, dispepsiya, qabziyat, gastrit, disfagiya, qorin shishishi, og‘iz bo‘shlig‘i shilliq qavatining qurishi, qaltirash, og‘iz bo‘shlig‘i shilliq qavatida yara, so‘lak bezlari sekretsiyasining oshishi;
- juda kam hollarda – til rangining o‘zgarishi, pankreatit, qusish, melena, bolalarda – qabziyat, ishtahaning pasayishi, gastrit;
- og‘iz bo‘shlig‘i shilliq qavatining kandidozi, ta'mning o‘zgarishi (1% va undan kam).
Jigar va o‘t yo‘llari tomonidan:
- tez-tez emas – gepatit;
- kamdan-kam hollarda – jigar funksiyasining buzilishi, xolestatik sariqlik, "jigar" transaminazalari faolligining oshishi,
- tez-tezligi noma'lum – jigar yetishmovchiligi (kam hollarda o‘lim bilan yakunlangan, asosan og‘ir jigar funksiyasi buzilishi fonida), jigar nekrozi, fulminant gepatit.
Teri va teri osti to‘qimalari tomonidan: tez-tez emas – teri toshmasi, dermatit, terining qurishi, terlash;
- kamdan-kam hollarda – fotosensibilizatsiya reaksiyasi;
- tez-tezligi noma'lum – Stivens-Djonson sindromi, toksik epidermal nekroliz, ko‘p shaklli eritema.
Suyak-mushak tizimi tomonidan:
- tez-tez emas – osteoartrit, mialgiya, bel og‘rig‘i, bo‘yin og‘rig‘i;
- tez-tezligi noma'lum – artralgiya.
Boshqalar:
- tez-tez emas – asteniya, holsizlik, charchoq hissi, yuz shishishi, ko‘krak og‘rig‘i, isitma, periferik shishlar.
Laborator ma'lumotlar:
- tez-tez – limfopeniya, eozinofiliya, bazofiliya, monotsitofiliya, neytrofiliya, qon plazmasida bikarbonat konsentratsiyasining kamayishi yoki oshishi;
- AST, ALT faolligining oshishi, bilirubin, mochevina va kreatinin konsentratsiyasining oshishi, qon plazmasida kaliy miqdorining o‘zgarishi, SHF faolligining oshishi, qon plazmasida xlor miqdorining oshishi, qon plazmasida glyukoza konsentratsiyasining oshishi, trombotsitlar sonining oshishi, gematokritning oshishi, qonda natriy miqdorining o‘zgarishi.

Keng ta'sir doirasiga ega antibiotik, azalid, bakteriostatik ta'sir ko'rsatadi. 50S–subbirlik ribosomaga bog'lanib, oqsil sintezini to'xtatadi, bakteriyalarning o'sishi va ko'payishini sekinlashtiradi. Yuqori konsentratsiyalarda bakterisid ta'sir ko'rsatadi. Tashqi va ichki hujayra ichidagi qo'zg'atuvchilarga ta'sir qiladi. Gram-musbat mikroorganizmlarga nisbatan faol: Streptococcus spp. (C, F va G guruhlari, eritromitsinga chidamli bo'lganlardan tashqari), Streptococcus pneumoniae, Streptococcus pyogenes, Streptococcus agalactiae, Streptococcus viridans, Staphylococcus epidermidis, Staphylococcus aureus; gram-manfiy bakteriyalar: Bordetella pertussis, Bordetella parapertussis, Haemophilus ducreyi, Helicobacter pylori, Campylobacter jejuni, Neisseria gonorrhoeae va Gardnerella vaginalis; ayrim anaerob mikroorganizmlar: Bacteroides bivius, Peptostreptococcus spp.; shuningdek, hujayra ichidagi qo'zg'atuvchilar: Chlamydia trachomatis, Chlamydia pneumoniae, Mycoplasma pneumoniae, Mycobacterium avium complex, Ureaplasma urealyticum, Treponema pallidum, Borrelia burgdorferi. Eritromitsinga chidamli gram-musbat bakteriyalarga nisbatan faol emas. Mikroorganizmlar dastlab antibiotik ta'siriga chidamli bo'lishi yoki unga chidamlilik hosil qilishi mumkin. Azitromitsinga chidamlilik rivojlantirishi mumkin bo'lgan mikroorganizmlar: gram-musbat aeroblilar - Streptococcus pneumoniae (penitsillinga chidamli shtammlar). Dastlab chidamli mikroorganizmlar: gram-musbat aeroblilar - Enterococcus faecalis, Staphylococcus spp. (metitsillinga chidamli stafilokokk shtammlari makrolidlarga juda yuqori darajada chidamlilik ko'rsatadi); eritromitsinga chidamli gram-musbat bakteriyalar; anaeroblar - Bacteroides fragilis.

Ovqat bilan birga qabul qilinmasin. Agar doza qabul qilish o'tkazib yuborilsa, o'tkazib yuborilgan doza imkon qadar tezroq qabul qilinishi kerak, keyingi dozalar esa 24 soatlik interval bilan qabul qilinadi.
Antasidlarni bir vaqtda qo'llashda 2 soatlik tanaffusga rioya qilish zarur.
Davolash to'xtatilgandan so'ng, ba'zi bemorlarda gipersensitivlik reaksiyalari saqlanib qolishi mumkin, bu esa shifokor nazorati ostida maxsus terapiyani talab qiladi.
Keksalar yoshidagi bemorlarda Azatsin preparati dozasini tuzatish talab etilmaydi. Ushbu toifadagi bemorlarda proaritmogen holatlar bo'lishi mumkinligi sababli, Azatsinni ehtiyotkorlik bilan qo'llash kerak, chunki aritmiya, shu jumladan "piruet" tipidagi qorinchalik aritmiya rivojlanish xavfi yuqori.
Azitromitsin plazmadan ikki bosqichda chiqariladi: yarim chiqarilish davri preparat qabul qilingandan so'ng 8 dan 24 soatgacha bo'lgan oraliqda 14-20 soatni, 24 dan 72 soatgacha bo'lgan oraliqda esa 41 soatni tashkil etadi, bu esa preparatni kuniga 1 marta qo'llash imkonini beradi.
Preparatni bolalar uchun yaroqsiz joyda saqlang, yaroqlilik muddati tugaganidan so'ng ishlatmang.

Antasid vositalar azitromitsin biofoydalanishini ta'sir qilmaydi, lekin qondagi Cmax ni 30% ga kamaytiradi, shuning uchun azitromitsinni ushbu preparatlar va ovqatni qabul qilishdan kamida 1 soat oldin yoki 2 soat o'tgach qabul qilish kerak. Antasidlar (alyuminiy va magniy saqlovchi), etanol va ovqat azitromitsinning so'rilishini sekinlashtiradi va kamaytiradi.
Sog'lom ko'ngillilarda azitromitsin va tsetirizin (20 mg) ni 5 kun davomida birga qo'llash farmakokinetik o'zaro ta'sir va QT intervalining sezilarli o'zgarishiga olib kelmadi.
Azitromitsin (1200 mg/kun) va didanozin (400 mg/kun) ni 6 ta OIV bilan kasallangan bemorda birga qo'llashda didanozin farmakokinetik ko'rsatkichlarida platsebo guruhiga nisbatan o'zgarishlar aniqlanmadi.
Varfarin va azitromitsinni (odatdagi dozalarda) birga buyurilganda protrombin vaqti o'zgarishi aniqlanmadi, biroq makrolidlar va varfarin o'zaro ta'sirida antikoagulyatsion ta'sir kuchayishi mumkinligi sababli, bemorlarda protrombin vaqtini diqqat bilan nazorat qilish zarur.
Digoksin konsentratsiyasini oshiradi.
Ergotamin va digidroergotamin: toksik ta'sir kuchayishi (vazospazm, dizesteziya).
Triazolam: klirensning kamayishi va triazolamning farmakologik ta'sirining oshishi.
Sikloserin, bilvosita antikoagulyantlar, metilprednizolon, felodipin, shuningdek mikrosomal oksidlanishga uchraydigan dori vositalari (karbamazepin, terfenadin, siklosporin, geksobarbital, ergot alkaloidlari, valproat kislotasi, dizopiramid, bromokriptin, fenitoin, og'iz orqali qabul qilinadigan gipoglikemik dori vositalari, teofillin va boshqa ksantin hosilalari) ni chiqarilishini sekinlashtiradi va plazmadagi konsentratsiyasi hamda toksikligini oshiradi, bu azitromitsin tomonidan gepatotsitlarda mikrosomal oksidlanishni inhibitsiya qilish hisobiga yuz beradi.
Linozaminlar azitromitsin samaradorligini pasaytiradi, tetratsiklin va xloramfenikol esa kuchaytiradi.

Belgilar: ko'ngil aynishi, eshitishning vaqtincha yo'qolishi, qusish, diareya.
Davolash: simptomatik terapiya; oshqozonni yuvish.