• S vitamini yetishmovchiligini oldini olish va davolash. • Temir preparatlari bilan temir tanqisligi anemiyasida va idiopatik metgemoglobinemiya davolashda yordamchi vosita sifatida. Preparat, shuningdek, infeksion kasalliklar va intoksikatsiyalarda, jigar kasalliklarida, sekin bituvchi yaralar va suyak sinishlarida, distrofiya; kuchaytirilgan jismoniy mehnat, aqliy zo‘riqish, homiladorlik va laktatsiya davrida buyuriladi.

Askorbin kislotasiga yuqori sezuvchanlik.

Og'iz orqali, ovqatdan keyin. Profilaktik maqsadlarda (qish-bahor davrida va yetarli bo'lmagan ovqatlanishda) 50-100 mg/kun (bolalarga – 25 mg/kun), homiladorlik va laktatsiya davrida – 300 mg sutkada 10-15 kun davomida, keyin – 100 mg/kun; davolash maqsadida – 100-200 mg/kun (bolalarga 50-100 mg/kun). V/m va v/v – 5% eritma 1-5 ml, zaharlanishlarda – 60 ml gacha. Maksimal doza 1-2 g.

• S vitamining katta dozalari diareya va oksalatlar yoki uratlarning cho'kmasi bilan siydikni kislotali qilishda toshlar hosil bo'lishiga olib kelishi mumkin. • Mushak ichiga yuborilgan joyda vaqtinchalik yengil og'riq. • Tez tomir ichiga yuborish vaqtinchalik holsizlik yoki bosh aylanishini chaqirishi mumkin. 2-3 g S vitamini uzoq muddat qabul qilinganda, skorbut simptomlarining paydo bo'lishi.

S vitamini oksidlanish va qaytarilishning biologik jarayonlarida ishtirok etadi. U hujayra ichidagi asosiy modda, prokollagen va kollagen sintezi va saqlanishi uchun asosiy komponent hisoblanadi. Organizmda S vitamini degidroaskorbin kislotaga oksidlanadi va tirozin, fenilalanin, noradrenalin va ayrim ferment tizimlari metabolizmiga ta’sir ko‘rsatadi; shuningdek, u foliy kislotasining folin kislotaga aylanishiga, uglevodlar almashinuvi, organizmning infeksiyaga chidamliligi, hujayra nafas olishi, lipidlar, oqsillar, karnitinlar, steroidlar sintezi, immun funksiyaga ta’sir ko‘rsatadi.

Qon ivishining oshishi, tromboflebit va trombozlarga moyilligi, podagra, shuningdek, qandli diabet bilan kasallangan bemorlarga katta dozalarda S vitamini buyurilmasligi kerak. S vitamini katta dozalarda uzoq muddat qo‘llanilganda oshqozon osti bezining insulyar apparati funksiyasining susayishi mumkin, shuning uchun davolash jarayonida uning funksional qobiliyatini muntazam nazorat qilish zarur. Askorbin kislotasining kortikosteroid gormonlar hosil bo‘lishiga rag‘batlantiruvchi ta’siri bilan bog‘liq holda, katta dozalarda davolashda buyraklar funksiyasi va arterial bosimni nazorat qilish kerak. Askorbin kislotasi, qaytaruvchi sifatida, turli laborator testlar natijalarini, xususan, qondagi glyukoza, bilirubin, jigar transaminazalari, laktat degidrogenaza faolligini buzishi mumkin. Homiladorlik va laktatsiya davri Homiladorlik davrida askorbin kislotasining katta dozalarda yuborilishi yangi tug‘ilgan chaqaloqlarda tsinga paydo bo‘lishiga olib kelishi mumkin. S vitamini ona suti orqali ajraladi, biroq preparat kunlik normal dozada qabul qilinganda hech qanday muammo yuzaga kelmaydi. Preparatni yaroqlilik muddati tugaganidan so‘ng qo‘llash mumkin emas va uni bolalar uchun yetib bo‘lmaydigan joyda saqlash kerak.