Ambroksol in'ektsiya uchun eritma mushak ichiga, teri ostiga yoki vena ichiga (sekin oqimda yoki tomchilab) yuboriladi. Erituvchi sifatida 0,9 % natriy xlorid eritmasi, 5% glyukoza eritmasi, Ringer-Lokk eritmasi yoki pH 6,3 dan yuqori bo'lmagan boshqa asosiy eritma qo'llaniladi. Kattalarga odatda 2 ml dan 2-3 marta kuniga buyuriladi, og'ir hollarda doza ikki baravar oshirilishi mumkin. Bolalarga preparat kunlik dozasi 0,0012-0,0016 g 1 kg tana vazniga hisoblanadi. Odatda 2 yoshgacha bo'lgan bolalarga 1 ml (1/2 ampula) 2 marta kuniga; 2 yoshdan 5 yoshgacha - 1 ml (1/2 ampula) 3 marta; 5 yoshdan katta - 2 ml (1 ampula) 2-3 marta. Yangi tug'ilgan va muddatidan oldin tug'ilgan bolalarda respirator distress-sindromda Ambroksol ampulalarining kunlik doza 0,01 g/kg gacha (og'ir hollarda - 0,03 g/kg, 3-4 marta yuboriladi) oshiriladi. In'ektsiyalar kasallikning o'tkir belgilari yo'qolgandan so'ng to'xtatiladi va Ambroksol preparatining boshqa dori shakllarini og'iz orqali yoki rektal yuborishga o'tiladi. Davolash davomiyligi kasallik kechishining xususiyatlariga bog'liq. Ambroksolni shifokor tavsiyasisiz 4-5 kundan ortiq qo'llash tavsiya etilmaydi. 

Ambroksol o‘zgargan bronx-o‘pka sekretsiyasini normallashtiradi, balg‘amning reologik ko‘rsatkichlarini yaxshilaydi, uning quyuqligini kamaytiradi, balg‘amning bronxlardan chiqishini osonlashtiradi. Ambroksol alveolalardagi 2-tip pnevmotsitlarga va Klara hujayralariga to‘g‘ridan-to‘g‘ri ta’sir qilish orqali sirt-aktiv modda tizimini faollashtirishga yordam beradi, embrion va kattalar o‘pkasining alveolyar va bronxial sohasida sirt-aktiv material (surfactant) hosil bo‘lishi va chiqarilishini rag‘batlantiradi. Bundan tashqari, ambroksolning antioksidant ta’siri aniqlangan. Ambroksol qo‘llanilgandan so‘ng balg‘am va bronx sekretsiyasida antibiotiklarning konsentratsiyasi oshadi. 

 Ambroksol va - yo‘talga qarshi preparatlar bilan bir vaqtda qo‘llanganda yo‘tal refleksi kamayishi fonida bronxlardan balg‘am ajralishi qiyinlashishi mumkin. 

 Shuni inobatga olish kerakki, 1 ampulada 1 mmol natriy (23 mg) mavjud. Tez vena ichiga yuborilganda bosh og‘rig‘i, charchoq va oyoqlarda og‘irlik hissi chaqirilishi mumkin. Buyraklarning funksional imkoniyati cheklanganda va/yoki jigar og‘ir kasalliklarida Ambroksolni alohida ehtiyotkorlik bilan, qo‘llanilayotgan doza kamaytirilib va preparatni qabul qilish oralig‘i oshirilgan holda qo‘llash kerak. Homiladorlik va laktatsiya davri Hozirgacha Ambroksolning homila va chaqaloqlarga salbiy ta’siri haqida ishonchli ma’lumotlar yo‘qligiga qaramay, preparatni homiladorlikning II va III trimestrlarida va laktatsiya davrida qo‘llash faqat davolovchi shifokor tomonidan foyda/xavf nisbatini sinchiklab tahlil qilgandan so‘ng mumkin. Dori vositasining transport vositalarini yoki potensial xavfli mexanizmlarni boshqarish qobiliyatiga ta’sir qilish xususiyatlari Ta’sir qilmaydi Preparat bolalar uchun yaroqsiz joyda saqlanishi va yaroqlilik muddati tugaganidan so‘ng qo‘llanilmasligi kerak.