Maz - 100 g: faol moddalari: betametazona dipropionat 100 % modda hisobida - 0,064 g, bu 0,05 g betametazonga teng, gentamitsina sulfat gentamitsin hisobida - 0,100 g, klotrimazol 100 % modda hisobida - 1,000 g; yordamchi moddalari: vazelin - 15,000 g, propilenglikol - 10,000 g, suyuq parafin - 6,000 g, tsetostearil spirti [tsetil spirti 60 %, stearil spirti 40 %] - 7,200 g, makrogol tsetostearat (makrogol-20 tsetostearil efir) - 2,300 g, dinatriy edetat - 0,500 g, natriy digidrofosfat digidrat - 0,260 g, tozalangan suv - 100 g gacha. 15 yoki 30 g alyuminiy tubada. Har bir tuba qo‘llash bo‘yicha yo‘riqnoma bilan birga karton qutiga joylanadi.

Oddiy va allergik dermatitlar (ayniqsa ikkilamchi infeksiya bilan asoratlangan), diffuz neyrodermit (jumladan, atopik dermatit), cheklangan neyrodermit (jumladan, oddiy surunkali lishay), ekzema, dermatomikozlar (dermatofitiyalar, kandidoz, rangli lishay), ayniqsa qovurg‘a sohasida va terining yirik burmalarida joylashganda.

Preparatning har qanday komponentiga yuqori sezuvchanlik, teri sil kasalligi, sifilisning teri ko‘rinishlari, suvchechak, oddiy gerpes, terining emlashdan keyingi reaksiyalari, ochiq yaralar, bolalar yoshi (2 yoshgacha).

Tashqi. Krem zararlangan teri sohalariga, biroz ishqalab, oz miqdorda kuniga 2 marta surtiladi. Davolash davomiyligi individual belgilanadi va nosologik shakli hamda kasallik og‘irligiga bog‘liq. Oyoq dermatomikozida davolashning o‘rtacha davomiyligi - 2-4 hafta. Agar yaqin orada klinik yaxshilanish kuzatilmasa, tashxisni aniqlashtirish yoki davolash sxemasini o‘zgartirish zarur.

Qichish, kuydirish, tirnash, terining qurishi, follikulit, gipertixoz, steroidli akne, gipopigmentatsiya, allergik reaksiyalar. Okkluzion bog‘lamlar qo‘llanganda - maceratsiya, infeksiya, teri atrofiyasi, striyalar, toshma. Uzoq muddatli davolash yoki katta yuzaga surtilganda - tizimli nojo‘ya ta’sirlar rivojlanishi: tana vaznining oshishi, osteoporoz, arterial bosimning oshishi, shishlar, me’da-ichak shilliq qavatining yaralanishi, yashirin infeksiya o‘choqlarining kuchayishi, giperglikemiya, qo‘zg‘aluvchanlik, uyqusizlik, dismenoreya.

Kombinatsiyalangan preparat, yallig‘lanishga qarshi, allergiyaga qarshi, antibakterial va zamburug‘larga (fungitsid) qarshi ta’sir ko‘rsatadi. Gentamitsin - aminoglikozidlar guruhiga mansub keng ta’sir doirasiga ega antibiotik, bakteritsid ta’sir ko‘rsatadi. Grammanfiy mikroorganizmlar yuqori sezuvchanlikka ega - Proteus spp. (indolmusbat va indolmanfiy), Escherichia coli, Klebsiella spp., Salmonella spp., Shigella spp., Campylobacter spp., Staphylococcus spp. (metitsillinrezistent). Sezuvchan: Enterococcus faecalis, Serratia spp., Pseudomonas spp., Acinetobacter spp., Citrobacter spp. Rezistent: Neisseria meningitidis, Treponema pallidum, anaerob mikroblar: Streptococcus spp. (Streptococcus pneumoniae dan tashqari), Enterococcus faecalis; Providencia rettgeri. Betametazon - glyukokortikosteroid, mahalliy yallig‘lanishga qarshi, shishlarga qarshi, allergiyaga qarshi ta’sir ko‘rsatadi. Klotrimazol - imidazol hosilalaridan bo‘lgan mahalliy qo‘llash uchun zamburug‘larga qarshi vosita. Ta’siri ergosterol sintezini buzish orqali amalga oshiriladi, u zamburug‘ hujayra membranasining tarkibiy qismidir. Keng ta’sir doirasiga ega. Patogen dermatofitlarga (Trichophyton rubrum, Trichophyton mentagrophytes, Epidermophyton floccosum, Microsporum canis), xamirturush va mog‘or zamburug‘lariga (Candida spp., Torulopsis glabrata, Rhodotorula spp., Pityrosporum orbiculare) nisbatan faol.