Tabletkalar - 1 tab.: Faol modda: trimebutin maleat 300 mg; yordamchi moddalari: laktosa monogidrat, vino kislotasi, gipromelloza (gidroksipropilmetilsellyuloza), povidon K30, kremniy dioksid kolloid (aerosil), magniy stearat. yordamchi moddalari uchun qobiq: gipromelloza (gidroksipropilmetilsellyuloza), talk, Opasprey oq M-1-7111 [titan dioksid, denatürlangan etanol (metillangan spirt), gipromelloza-2910, suv], kremniy ko'pik so'ndirgich. 5, 10 tabletkadan polivinilxlorid plyonka va bosilgan laklangan alyuminiy folgadan yasalgan konturli yacheykali o'ramda. 1, 2, 3, 4 yoki 6 konturli yacheykali o'ramdan foydalanish bo'yicha yo'riqnoma bilan birga karton qutiga joylanadi.

Qorin sohasida og'riq, spazm va noqulaylik, shishish (meteorizm), ichak motorikasining buzilishi, najas chiqarish chastotasining o'zgarishi (diareya yoki qabziyat), dispepsiya, qorin qaynashi, kekirish, ko'ngil aynishi, qusish bilan bog'liq simptomatik davolash, ovqat hazm qilish tizimi va o't yo'llarining funksional kasalliklari (eroziyasiz gastroezofageal reflyuks kasalligi; o't toshi kasalligi; o't yo'llari disfunktsiyasi; irritabl ichak sindromi; Oddi sfinkteri disfunktsiyasi, postxolekistektomiya sindromi). Operatsiyadan keyingi paralitik ichak tutilishi.

Preparat tarkibiga kiruvchi komponentlarga yuqori sezuvchanlik. 12 yoshgacha bo‘lgan bolalar yoshi. Homiladorlik. Laktozani o‘zlashtira olmaslik, laktaza yetishmovchiligi, glyukoza-galaktoza malabsorbsiyasi.

Og'iz orqali. Kattalar va 12 yoshdan katta bolalarga kuniga 2 marta 300 mg (12 soatlik tanaffus bilan). Ovqat hazm qilish tizimi va o't yo'llarining funksional kasalliklari bilan bog'liq qorin og'rig'ini davolash kursi, shu jumladan irritabl ichak sindromida - 28 kun.

Ovqat hazm qilish tizimi tomonidan: og'iz qurishi, yoqimsiz ta'm sezilishi, diareya, dispepsiya, epigastral og'riq, ko'ngil aynishi, qabziyat. Nerv tizimi tomonidan: uyquchanlik, charchoq, bosh aylanishi, bosh og'rig'i, bezovtalik, holsizlik, issiq yoki sovuqni his qilish. Allergik reaksiyalar: teri allergik reaksiyalari. Boshqalar: hayz ko'rish siklining buzilishi, sut bezlarining og'riqli kattalashuvi, siydik tutilishi.

So‘rilishi va taqsimlanishi Og‘iz orqali qabul qilingandan so‘ng trimebutin me’da-ichak traktidan tez so‘riladi. Taqsimlanish hajmi (VD) – 88 l. Qon plazmasi oqsillari bilan bog‘lanish darajasi past – taxminan 5%. Trimebutin platsentar to‘siq orqali juda kam miqdorda o‘tadi. Metabolizm va chiqarilishi Trimebutin jigar orqali biotransformatsiyalanadi va asosan metabolitlar ko‘rinishida siydik bilan chiqariladi. Sog‘lom ko‘ngillilarda o‘tkazilgan tadqiqotda 300 mg trimebutin bir martalik qabul qilinganda trimebutinning faol metaboliti – 2-metilamino-2-fenilbutil-3,4,5-trimetoksibenzoat (desmetiltrimebutin) farmakokinetik ko‘rsatkichlari quyidagicha bo‘lgan: maksimal konsentratsiya (Cmax) – 441,45 ± 252,99 ng/ml; unga erishish vaqti (Tmax) – 2,20 ± 1,01 soat; organizmda o‘rtacha ushlanish vaqti (MRT) – 17,12 ± 3,14 soat; yarim chiqarilish davri (T½) – 12,52 ± 4,54 soat; taqsimlanish hajmi (Vd) – 1279,72 ± 1108,53 l, umumiy klirens (CL4) – 66,51 ± 34,34 l/soat. Farmakodinamikasi Trimebutin ichakning enkefalinergik tizimiga ta’sir qilib, uning peristaltikasini tartibga soluvchi hisoblanadi. Periferik δ-, µ- va k- retseptorlarga, shu jumladan butun me’da-ichak trakti (MITr) bo‘ylab to‘g‘ridan-to‘g‘ri silliq mushaklarga ta’sir qilib, u markaziy asab tizimiga ta’sir qilmasdan motorikani tartibga soladi. Shu tariqa, trimebutin MITr motorika buzilishi bilan bog‘liq turli kasalliklarda ichak mushaklarining normal fiziologik faolligini tiklaydi. Visseral sezuvchanlikni normallashtirib, trimebutin abdominal og‘riq sindromida analgetik ta’sir ko‘rsatadi.

Neobutin® Retard preparatining dori vositalari bilan o‘zaro ta’siri tavsiflanmagan

Homiladorlik va laktatsiya Homiladorlik. Eksperimental tadqiqotlarda trimebutinning teratogenligi va embriotoksikligi haqida ma'lumotlar aniqlanmadi. Shunga qaramay, zarur klinik ma'lumotlar yo'qligi sababli homiladorlik davrida trimebutinni qo'llash mumkin emas. Emizish davri. Trimebutinni emizish davrida qo'llash tavsiya etilmaydi, chunki bu davrda trimebutinni qo'llash xavfsizligini tasdiqlovchi ishonchli klinik ma'lumotlar mavjud emas. Agar emizish davrida trimebutinni qo'llash zarur bo'lsa, emizishni to'xtatish kerak. Irritabl ichak sindromi qaytalanishining oldini olish uchun davolash kursidan so'ng remissiya davrida preparatni kuniga 300 mg dozada 12 hafta davomida qabul qilish tavsiya etiladi. Neobutin® Retard preparati sedativ ta'sir ko'rsatmaydi, psixomotor reaksiyalar tezligiga ta'sir qilmaydi va turli kasb egalari, shu jumladan yuqori e'tibor va harakatlarni muvofiqlashtirishni talab qiladigan shaxslarda qo'llanilishi mumkin. Biroq, mumkin bo'lgan nojo'ya ta'sirlarni (bosh aylanishi va boshqalar) hisobga olgan holda, avtomobil boshqarishda va boshqa potentsial xavfli faoliyat turlari bilan shug'ullanishda ehtiyotkorlikka rioya qilish kerak.

Hozirgi vaqtgacha trimebutin bilan dozani oshirib yuborish holatlari haqida xabar berilmagan. Davolash: preparatni bekor qilish, oshqozonni yuvish, faollashtirilgan ko'mir tayinlash, simptomatik terapiya. Maxsus antidotlar mavjud emas.