1 plyonka quyidagilarni o'z ichiga oladi: Faol modda tadalafil – 10,0 mg yoki 20 mg;
Yordamchi moddalari gipromelloza, sukraloza, propilen glikol, glitserin, polisorbat 80, yalpiz moyi, sariq temir oksidi, tozalangan suv.

Erektsiya buzilishlarini davolash uchun preparat. Tadalafil erektsiyani va muvaffaqiyatli jinsiy aloqani o'tkazish imkoniyatini yaxshilaydi. Bu tsGMF ning 5-tipli maxsus fosfodiesteraza (FDE5) ning qaytar selektiv ingibitori hisoblanadi. Jinsiy qo'zg'alish mahalliy azot oksidi ajralishini keltirib chiqarganda, tadalafil tomonidan FDE5 ni ingibitsiya qilish natijasida jinsiy olat kavernoz tanasida tsGMF darajasi oshadi. Natijada arteriyalar silliq mushaklari bo'shashadi va jinsiy olat to'qimalariga qon oqimi kuchayadi, bu esa erektsiyani yuzaga keltiradi. Tadalafil jinsiy stimulyatsiya bo'lmaganda ta'sir ko'rsatmaydi. Preparat 36 soat davomida ta'sir qiladi.
Ta'siri preparat qabul qilingandan so'ng 16 daqiqa o'tgach, jinsiy qo'zg'alish mavjud bo'lsa, namoyon bo'ladi. Sog'lom shaxslarda tadalafil yotgan holatda (o'rtacha maksimal pasayish mos ravishda 1,6/0,8 mm simob ustuni) va tik turgan holatda (o'rtacha maksimal pasayish mos ravishda 0,2/4,6 mm simob ustuni) plasebo bilan solishtirganda sistolik va diastolik bosimda ishonchli o'zgarishlarni keltirib chiqarmaydi. Yurak urishlar sonida (YUS) ishonchli o'zgarishlarni keltirib chiqarmaydi.
Tadalafil ranglarni ajratish, ko'rish o'tkirligi, elektroretinogramma, ko'z ichki bosimi va qorachiq o'lchamiga ta'sir qilmaydi. Plasebo-nazoratli tadqiqotlarda preparatni kunlik dozalarda 6 oy davomida qabul qilgan erkaklarda spermatozoid xususiyatlariga klinik ahamiyatli ta'siri kuzatilmagan.

Buyrak yetishmovchiligining og‘ir darajasiga ega (KK<30 ml/min) va og‘ir jigar yetishmovchiligi bo‘lgan bemorlarda preparatni alohida ehtiyotkorlik bilan va faqat zaruriyat tug‘ilganda qo‘llash lozim. Preparat bilan davolash fonida o‘rtacha darajadagi buyrak yetishmovchiligi bo‘lgan bemorlarda (KK 31 dan 50 ml/min gacha) yengil darajadagi buyrak yetishmovchiligi bo‘lgan bemorlarga (KK 51 dan 80 ml/min gacha) yoki sog‘lom ko‘ngillilarga nisbatan bel sohasida og‘riq tez-tez kuzatilgan. KK<50 ml/min bo‘lgan bemorlarga preparatni ehtiyotkorlik bilan buyurish lozim. Jinsiy faollik yurak-qon tomir kasalliklari bo‘lgan bemorlar uchun potentsial xavf tug‘diradi. Shuning uchun, erektil disfunktsiyani, shu jumladan preparatni qo‘llash orqali davolash, yurak kasalliklari bo‘lgan va jinsiy faollik tavsiya etilmaydigan erkaklarda o‘tkazilmasligi kerak. Yurak-qon tomir kasalliklari bo‘lgan bemorlarda jinsiy faollik paytida asoratlar rivojlanishining potentsial xavfini hisobga olish lozim: – so‘nggi 90 kun ichida miokard infarkti; – beqaror stenokardiya yoki jinsiy aloqada paydo bo‘ladigan stenokardiya; – so‘nggi 6 oy ichida rivojlangan surunkali yurak yetishmovchiligi (NYHA bo‘yicha II funksional klass va undan yuqori); – nazorat qilinmaydigan yurak ritmi buzilishlari; – arterial gipotenziya (QAB 90/50 mm simob ustunidan past) yoki nazorat qilinmaydigan arterial gipertenziya; – so‘nggi 6 oy ichida insult.
Preparatni priapizmga moyilligi bo‘lgan bemorlarda (masalan, orak hujayrali anemiya, ko‘p mieloma yoki leykozda) yoki jinsiy olatning anatomik deformatsiyasi bo‘lgan bemorlarda (masalan, angulyatsiya, kavernoz fibroz yoki Peyroni kasalligida) ehtiyotkorlik bilan qo‘llash lozim. 4 soat va undan ko‘proq davom etadigan erektsiya yuzaga kelganda bemor darhol shifokorga murojaat qilishi kerak. Priapizmni o‘z vaqtida davolamaslik jinsiy olat to‘qimalarining shikastlanishiga olib keladi, natijada uzoq muddatli potensiya yo‘qolishi mumkin.
Preparatning boshqa erektil disfunktsiyani davolash usullari bilan kombinatsiyasining xavfsizligi va samaradorligi o‘rganilmagan. Shuning uchun bunday kombinatsiyalardan foydalanish tavsiya etilmaydi.
Avtotransport vositalarini boshqarish va mexanizmlarni boshqarish qobiliyatiga ta’siri – maxsus tavsiyalar mavjud emas.
Preparatni bolalar uchun yaroqsiz joyda saqlash va yaroqlilik muddati tugaganidan keyin ishlatmaslik lozim.