1 plyonka tarkibida faol modda tadalafil – 10,0 mg yoki 20 mg;
Yordamchi moddalari: gipromelloza, suklaloza, propilen glikol, glitserin, polisorbat 80, yalpiz moyi, sariq temir oksidi, tozalangan suv.

Erektsiya buzilishlarini davolash uchun preparat. Tadalafil erektsiyani va muvaffaqiyatli jinsiy aloqani o'tkazish imkoniyatini yaxshilaydi. Bu tsGMFning 5-tipli maxsus fosfodiesteraza (FDE5) ning qaytar selektiv ingibitori hisoblanadi. Jinsiy qo'zg'alish mahalliy azot oksidi ajralishini keltirib chiqarganda, tadalafil tomonidan FDE5 ingibitsiyasi jinsiy olat kavernoz tanasida tsGMF darajasining oshishiga olib keladi. Natijada arteriyalar silliq mushaklari bo'shashadi va jinsiy olat to'qimalariga qon oqimi oshadi, bu esa erektsiyani yuzaga keltiradi. Tadalafil jinsiy stimulyatsiya bo'lmaganda ta'sir ko'rsatmaydi. Preparat 36 soat davomida ta'sir qiladi.
Ta'siri preparat qabul qilingandan keyin 16 daqiqa o'tgach, jinsiy qo'zg'alish mavjud bo'lsa, namoyon bo'ladi. Sog'lom shaxslarda tadalafil yotgan holatda (o'rtacha maksimal pasayish mos ravishda 1,6/0,8 mm simob ustuni) va tik turgan holatda (o'rtacha maksimal pasayish mos ravishda 0,2/4,6 mm simob ustuni) plasebo bilan solishtirganda sistolik va diastolik bosimda ishonchli o'zgarishlarni keltirib chiqarmaydi. Yurak urishlar sonida (YUS) ishonchli o'zgarishlarni keltirib chiqarmaydi.
Tadalafil ranglarni ajratish, ko'rish o'tkirligi, elektroretinogramma, ko'z ichki bosimi va qorachiq o'lchamiga ta'sir qilmaydi. 6 oy davomida kunlik dozada preparat qabul qilgan erkaklarda plasebo-nazoratli tadqiqotlarda spermatozoid xususiyatlariga klinik jihatdan ahamiyatli ta'siri kuzatilmagan.

Buyrak yetishmovchiligining og‘ir darajasiga ega (KK<30 ml/min) va og‘ir jigar yetishmovchiligi bo‘lgan bemorlarda preparatni alohida ehtiyotkorlik bilan va faqat zaruriyat tug‘ilganda qo‘llash kerak. Preparat bilan davolash fonida o‘rtacha darajadagi buyrak yetishmovchiligi (KK 31 dan 50 ml/min gacha) bo‘lgan bemorlarda yengil darajadagi buyrak yetishmovchiligi (KK 51 dan 80 ml/min gacha) yoki sog‘lom ko‘ngillilarga nisbatan bel sohasida og‘riq tez-tez kuzatilgan. KK<50 ml/min bo‘lgan bemorlarga preparatni ehtiyotkorlik bilan buyurish kerak. Jinsiy faollik yurak-qon tomir kasalliklari bo‘lgan bemorlar uchun potensial xavfga ega. Shuning uchun, erektil disfunktsiyani, shu jumladan preparatni qo‘llash orqali davolash, yurak kasalliklari bo‘lgan va jinsiy faollik tavsiya etilmaydigan erkaklarda o‘tkazilmasligi kerak. Yurak-qon tomir kasalliklari bo‘lgan bemorlarda jinsiy faollik paytida asoratlar rivojlanishining potensial xavfini hisobga olish zarur – so‘nggi 90 kun ichida miokard infarkti; – beqaror stenokardiya yoki jinsiy aloqada paydo bo‘ladigan stenokardiya; – so‘nggi 6 oy ichida rivojlangan surunkali yurak yetishmovchiligi (NYHA bo‘yicha II funksional klass va undan yuqori); – nazorat qilinmaydigan yurak ritmi buzilishlari; – arterial gipotenziya (QAB 90/50 mm simob ustunidan past) yoki nazorat qilinmaydigan arterial gipertenziya; – so‘nggi 6 oy ichida o‘tkazilgan insult.
Preparatni priapizmga moyilligi bo‘lgan bemorlarda (masalan, orak hujayrali anemiya, ko‘p mieloma yoki leykozda) yoki jinsiy olatning anatomik deformatsiyasi bo‘lgan bemorlarda (masalan, angulyatsiya, kavernoz fibroz yoki Peyroni kasalligida) ehtiyotkorlik bilan qo‘llash kerak. 4 soat va undan ko‘proq davom etadigan erektsiya yuzaga kelganda bemor darhol shifokorga murojaat qilishi kerak. Priapizmni o‘z vaqtida davolamaslik jinsiy olat to‘qimalarining shikastlanishiga olib keladi, natijada uzoq muddatli potensiya yo‘qolishi mumkin.
Preparatning boshqa erektil disfunktsiyani davolash usullari bilan kombinatsiyasining xavfsizligi va samaradorligi o‘rganilmagan. Shuning uchun bunday kombinatsiyalardan foydalanish tavsiya etilmaydi.
Avtotransport boshqarish va mexanizmlarni boshqarish qobiliyatiga ta’siri – maxsus tavsiyalar mavjud emas.
Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.