Psixotrop, qarshi-tutqanoq vositalar va etanol bilan bir vaqtda qo‘llanilganda alprazolamning markaziy asab tizimiga tormozlovchi ta’siri kuchayadi. Bir vaqtda qo‘llanilganda gistamin H2-retseptorlari blokatorlari alprazolam klirensini kamaytiradi va alprazolamning markaziy asab tizimiga tormozlovchi ta’sirini kuchaytiradi; makrolidlar guruhi antibiotiklari - alprazolam klirensini kamaytiradi. Bir vaqtda qo‘llanilganda og‘iz orqali qabul qilinadigan gormonal kontratseptivlar alprazolamning T1/2 ni oshiradi. Alprazolamni dekstropropoksifen bilan bir vaqtda qo‘llanilganda markaziy asab tizimi tormozlanishi boshqa benzodiazepinlar bilan kombinatsiyaga nisbatan kuchliroq bo‘ladi, chunki alprazolamning qon plazmasidagi konsentratsiyasi oshishi mumkin. Digoksin bilan bir vaqtda qabul qilinsa yurak glikozidlari bilan intoksikatsiya rivojlanish xavfi oshadi. Alprazolam qon plazmasida imipramin konsentratsiyasini oshiradi. Bir vaqtda qo‘llanilganda itrakonazol, ketokonazol alprazolam effektlarini kuchaytiradi. Bir vaqtda qo‘llanilganda paroksetin alprazolam effektlarini kuchaytirishi mumkin, bu uning metabolizmining tormozlanishi bilan bog‘liq. Fluvoksamin alprazolamning qon plazmasidagi konsentratsiyasini va uning nojo‘ya ta’sirlari rivojlanish xavfini oshiradi. Bir vaqtda qo‘llanilganda fluoksetin ta’sirida alprazolam metabolizmi va klirensi kamayishi natijasida qon plazmasida alprazolam konsentratsiyasi oshishi mumkin, bu psixomotor buzilishlar bilan kechadi. Alprazolamni eritromitsin bilan bir vaqtda qo‘llanganda uning ta’siri kuchayishi ehtimolini istisno qilib bo‘lmaydi.