azitromitsinga sezgir mikroorganizmlar keltirib chiqargan quyidagi infeksion kasalliklarni davolash uchun: - yuqori nafas yo‘llari infeksiyalari, jumladan, faringit/tonzillit, sinusit, o‘rta otit - pastki nafas yo‘llari infeksiyalari, jumladan, surunkali bronxitning o‘tkir zo‘rayishi, statsionardan tashqari pnevmoniya; - odontogen infeksiyalar; - teri va yumshoq to‘qimalar infeksiyalari;

azitromitsin, eritromitsin, makrolidlar guruhi yoki ketolid antibiotiklariga, har qanday yordamchi moddalarga yuqori sezuvchanlik - jigar va buyrak faoliyatining og'ir buzilishlari - yurak-qon tomir yetishmovchiligini og'ir shakli - homiladorlikning birinchi trimestri va laktatsiya davri - galaktozani irsiy o'zlashtira olmaslik, Lapp (LAPP)-laktaza fermenti yetishmovchiligi, glyukoza-galaktoza malabsorbsiyasi – tarkibida shakar bo'lganligi sababli - 6 oygacha bo'lgan bolalar yoshi

ZITMAK®200 peroral suspenziya ko‘rinishida kuniga 1 marta ovqatdan 1 soat oldin yoki ovqatdan 2 soat o‘tib o‘lchov qoshiq yordamida qabul qilinadi. Yuqori va pastki nafas yo‘llari, teri va yumshoq to‘qimalar infeksiyalari (surunkali migratsiyalovchi eritemadan tashqari) Kurs doza 30 mg/kg ni tashkil etadi. Davolashning ikki sxemasi qo‘llaniladi 10 mg/kg tana vazniga bir marta kuniga 3 kun davomida 10 mg/kg tana vazniga birinchi kuni va 5 mg/kg tana vazniga 2-kundan 5-kungacha Bolalar tana vazni 14 kg dan ortiq va kattalarga ZITMAK®200 suspenziyasini buyurish tavsiya etiladi Tana vazni ZITMAK®200 peroral suspenziya tayyorlash uchun kukun 200 mg/5 ml 10-14 kg 2,5 ml (100 mg) 15-25 kg 5 ml (200 mg) 25-34 kg 7,5 ml (300 mg) 35-44 kg 10 ml (400 mg) ≥ 45 kg 12,5 ml (500 mg) Aniqlanganidek, azitromitsin bolalarda streptokokkli faringitni davolashda 10 mg/kg yoki 20 mg/kg bir martalik doza ko‘rinishida 3 kun davomida samarali hisoblanadi. Streptococcus pyogenes tomonidan chaqirilgan faringitning oldini olish uchun, ehtimoliy revmatik isitma bilan birga, penisillin qo‘llaniladi. Surunkali migratsiyalovchi eritema Preparatning kurs doza 60 mg/kg ni tashkil etadi, bir marta 20 mg/kg – 1-kuni va 10 mg/kg – keyingi 2-5 kunlarda. Oshqozon va 12-barmoqli ichak kasalliklari, Helicobacter pylori bilan bog‘liq

Juda tez-tez (≥ 1/10) - diareya Tez-tez (≥ 1/100 dan < 1/10 gacha) - bosh og‘rig‘i - qusish, dispepsiya, qorin og‘rig‘i, ko‘ngil aynishi - qonda limfotsitlar miqdorining kamayishi, qonda eozinofillar miqdorining oshishi, qonda bikarbonat miqdorining kamayishi, bazofillar, monotsitlar va neytrifillar miqdorining oshishi Kamdan-kam (≥ 1/1000 dan < 1/100 gacha) - kandidoz, og‘iz kandidozi, vaginal infeksiya, zamburug‘li infeksiya, faringit, gastroenterit, nafas yo‘llari kasalliklari, rinit - leyopeniya, neytropeniya, eozinofiliya - Kvinke shishi, gipersensitivlik - anoreksiya - asabiylik, uyqusizlik - bosh aylanishi, uyquchanlik, paresteziya, disgevziya - ko‘rishning buzilishi - eshitishning buzilishi, vertigo - yurak urishining tezlashishi - dispnoe, burundan qon ketishi - gastrit, qabziyat, meteorizm, dispepsiya, disfagiya, qorin shishishi, og‘iz qurishi, qaltirash, og‘iz shilliq qavatida yaralar, so‘lakning ko‘p ajralishi, suyuq axlat - qichishish, toshma - osteoartrit, mialgiya, bel og‘rig‘i, bo‘yin og‘rig‘i - dizuriya, buyrak og‘rig‘i - metrorragiyalar, moyak og‘rig‘i - ko‘krak qafasida og‘riq, shishlar, holsizlik, astenik holat, charchoq, isitma, yuz shishi, periferik shishlar - qonda aspartataminotransferaza miqdorining oshishi, qonda alaninaminotransferaza miqdorining oshishi, qonda bilirubin miqdorining oshishi, qonda mochevina miqdorining oshishi, qonda kreatinin miqdorining oshishi, qonda kaliy miqdorining normadan chetlanishi, qonda ishqoriy fosfataza, xlorid, glyukoza miqdorining oshishi, qonda natriy miqdorining anomalligi Juda kam (≥ 1/10000 dan < 1/1000 gacha) - qo‘zg‘aluvchanlik (ajitatsiya) - jigar funksiyasining buzilishi, xolestatik sariqlik - o‘tkir generalizatsiyalashgan ekzantematoz pustulez, dori vositasiga bog‘liq toshma eozinofiliya va tizimli namoyonalar bilan (DRESS-sindrom), fotosensitivlik reaksiyalari Noma’lum (mavjud ma’lumotlar asosida baholab bo‘lmaydi) - soxta membranoz kolit - trombotsitopeniya, gemolitik anemiya - og‘ir anafilaktik reaksiyalar, ba’zan hayot uchun xavfli (masalan, anafilaktik shok) - tajovuzkorlik, xavotir, bred, gallyutsinatsiyalar - hushdan ketish, tutqanoq, gipesteziya, psixomotor giperkativlik, anosmiya, agevziya, parosmiya, miasteniya gravis - eshitishning buzilishi, shu jumladan kar yoki quloqda shovqin - qorinchalar taxikardiyasi "piruet" turi, aritmiya, shu jumladan qorinchalar taxikardiyasi, elektrokardiogrammada QT intervalining uzayishi - gipotenziya - pankreatit, til rangining o‘zgarishi - jigar yetishmovchiligi, kamdan-kam hollarda o‘limga olib keladi, chaqmoq tezligida gepatit, jigar nekrozi - toksik epidermal nekroliz, ko‘p shaklli eritema, Stivens-Djonson sindromi - artralgiyalar - buyrak yetishmovchiligi, o‘tkir interstitsial nefrит

Homiladorlik yoki laktatsiya davrida Homiladorlik ZITMAK® 100 preparatining homilador ayollarda xavfsizligi o‘rganilmagan, homilada nojo‘ya ta’sir ehtimoli inkor etilmaydi, shuning uchun homiladorlik davrida shifokor tavsiyasisiz preparatni qo‘llash tavsiya etilmaydi. Emizish Ko‘plab dori vositalari ona suti bilan chiqarilishi sababli, azitromitsin emizikli onani davolash uchun faqat onaga bo‘lgan potentsial foyda bolaga bo‘lgan mumkin bo‘lgan xavfdan ustun bo‘lsa qo‘llanilishi kerak. Fertillik Doklinik ma’lumotlar azitromitsin qabul qilingandan so‘ng homiladorlik yuzaga chiqish chastotasi kamayishini ko‘rsatdi. Biroq, bu topilmaning odamlar uchun ahamiyati noma’lum. Pediatriyada qo‘llanilishi Bolalar Tana vazni 5-45 kg bo‘lgan bolalarga azitromitsin preparatlarini suspenziya shaklida buyurish tavsiya etiladi. 6 oylikkacha bo‘lgan bolalarda suspenziya shaklidagi preparatni qo‘llash bo‘yicha ma’lumotlar mavjud emas. Preparatning transport vositasini yoki potentsial xavfli mexanizmlarni boshqarish qobiliyatiga ta’sir qilish xususiyatlari Azitromitsin bemorning avtomobil boshqarish yoki mexanizmlar bilan ishlash qobiliyatiga ta’sir qilishi mumkinligini ko‘rsatuvchi hech qanday dalillar yo‘q. Ko‘rish buzilishi va ko‘rishning noaniqligi bemorning avtomobil boshqarish yoki mexanizmlar bilan ishlash qobiliyatiga ta’sir qilishi mumkin.

ZITMAK®200 preparatining faol moddasi - azitromitsin keng ta'sir doirasiga ega bo'lgan antibiotik bo'lib, makrolid antibiotiklarning yangi kichik guruhi - azalidlarning birinchi vakilidir. Bakteriostatik ta'sirga ega, biroq yallig'lanish o'chog'ida yuqori kontsentratsiyalar hosil bo'lganda bakteritsid ta'sir ko'rsatadi. Azitromitsin sezgir mikroorganizmlarda oqsil sintezini bostiradi, ko'pchilik gram-musbat, gram-manfiy, anaerob, hujayra ichidagi va boshqa mikroorganizmlarga nisbatan faollik ko'rsatadi: Mycoplasma pneumoniae, Haemophilus ducreyi, Moraxella catarrhalis, Propionibacterium acnes, Gardnerella vaginalis, Actinomyces turi, Bordetella pertussis, Borrelia burgdorferi, Mobiluncus turi; Haemophilus influenzae, Streptococcus pyogenes, Haemophilus parainfluenzae, Streptococcus pneumoniae, Legionella pneumophila, Streptococcus agalactiae, Neisseria meningitides, Streptococcus viridans, Neisseria gonorrhoeae, Streptococcus C, F, G guruhi, Helicobacter pylori, Peptococcus turi, Campylobacter jejuni, Peptostreptococcus, Pasteurella multocida, Fusobacterium necrophorum, Pasteurella haemolytica, Clostridium perfringens, Brucella melitensis, Bacteroides bivius, Bordetella parapertussis, Chlamydia trachomatis, Vibrio cholerae, Chlamydia pneumoniae, Vibrio parahaemolyticus, Ureaplasma urealyticum, Plesiomonas shigelloides, Listeria monocytogenes, Staphylococcus epidermidis, Staphylococcus aureus* (*eritromitsin – sezgir shtamm); Escherichia coli, Bacteroides fragilis, Salmonella enteritidis, Bacteroides oralis, Salmonella typhi, Clostridium difficile, Shigella sonnei, Eubacterium lentum, Yersinia enterocolitica, Fusobacterium nucleatum, Acinetobacter calcoaceticus, Aeromonas hydrophilia.

Antatsidlar Antatsidlarni bir vaqtda qo‘llashning azitromitsin farmakokinetikasiga ta’siri o‘rganilganda, biokiraolishlikda o‘zgarishlar kuzatilmagan, biroq azitromitsinning plazmadagi maksimal kontsentratsiyasi 25 % ga kamaygan. Bemorlar azitromitsin va antatsidlarni bir vaqtda qabul qilmasliklari kerak. Tsetirizin Sog‘lom ko‘ngillilarda, 5 kunlik azitromitsin kursini tsetirizin 20 mg bilan birga qabul qilish farmakokinetik o‘zaro ta’sirga va QT intervalida ahamiyatli o‘zgarishga olib kelmagan. Didanozin (didezoksiinozin) Azitromitsin 1200 mg/kun va didanozin 400 mg/kun birga qabul qilinganda, 6 nafar OIV-pozitiv bemorlarda didanozinning farmakokinetik muvozanat holatiga platsebo bilan solishtirganda ta’sir ko‘rsatilmagan. Digoksin (P-gp substratlari) Makrolid antibiotiklar, jumladan azitromitsin, P-glikoprotein substratlari, masalan digoksin bilan birga qo‘llanganda, P-glikoprotein substratlarining zardobdagi darajasi oshadi. Shuning uchun azitromitsin va P-glikoprotein substratlari, masalan digoksin birga qo‘llanganda, zardobda P-glikoprotein substratlari kontsentratsiyasi oshishi mumkinligini yodda tutish kerak. Zidovudin Azitromitsin 1000 mg bir martalik va 1200 mg yoki 600 mg ko‘p martalik qabul qilinganda zidovudin yoki uning glyukuronid metabolitlarining plazmadagi farmakokinetikasiga yoki siydik bilan chiqarilishiga ahamiyatli ta’sir ko‘rsatilmagan. Biroq azitromitsin qabul qilish periferik qon mononuklearlarida fosforillangan zidovudin (klinik faol metabolit) kontsentratsiyasini oshirgan. Ushbu ko‘rsatkichlarning klinik ahamiyati aniqlanmagan, biroq ular bemorlarga foydali bo‘lishi mumkin. Azitromitsin jigar sitoxrom R450 tizimi bilan o‘zaro ta’sir qilmaydi. U eritromitsin va boshqa makrolidlar kabi farmakokinetik dori o‘zaro ta’sirida ishtirok etmaydi. Azitromitsin sitoxrom-metabolit kompleksi orqali sitoxrom P450 ni induksiya qilmaydi yoki inaktivatsiya qilmaydi. Ergotamin hosilalari Ergotizm rivojlanishining nazariy ehtimoli tufayli, azitromitsin va qoramug‘iz hosilalarini birga qo‘llash tavsiya etilmaydi. Farmakokinetik tadqiqotlar azitromitsin va quyidagi sitoxrom R450 orqali metabolizmga ega bo‘lgan preparatlar bilan o‘tkazilgan. Atorvastatin Atorvastatin (10 mg har kuni) va azitromitsin (500 mg har kuni) birga qabul qilinganda, atorvastatinning plazmadagi kontsentratsiyasi (HMG CoA-reduktaza tahliliga ko‘ra) o‘zgarmagan. Shunga qaramay, azitromitsin va statinlarni birga qabul qilgan bemorlarda rabdomioliz holatlari qayd etilgan. Karbamazepin Sog‘lom ko‘ngillilarda o‘tkazilgan farmakokinetik o‘zaro ta’sir tadqiqotida azitromitsin karbamazepinning plazmadagi darajasiga yoki uning faol metabolitlariga ahamiyatli ta’sir ko‘rsatmagan. Simetidin Simetidinning bir martalik dozasini azitromitsindan 2 soat oldin qabul qilish azitromitsin farmakokinetikasiga ta’sir ko‘rsatmagan. Kumarinli peroral antikoagulyantlar Farmakokinetik o‘zaro ta’sir tadqiqotlarida azitromitsin sog‘lom ko‘ngillilarga yuborilgan varfarinning 15 mg bir martalik dozasining antikoagulyant ta’sirini o‘zgartirmagan. Postmarketing davrida azitromitsin va peroral kumarinli antikoagulyantlarni birga qabul qilgandan so‘ng antikoagulyatsiya kuchayishi haqida xabarlar olingan. Garchi sabab-oqibat bog‘liqligi aniqlanmagan bo‘lsa-da, azitromitsin kumarin tipidagi peroral antikoagulyantlarni qabul qilayotgan bemorlarga buyurilganda protrombin vaqtini monitoring qilish chastotasini hisobga olish kerak. Siklosporin Sog‘lom ko‘ngillilarda o‘tkazilgan farmakokinetik tadqiqotda, 3 kun davomida og‘iz orqali 500 mg/kun azitromitsin va so‘ngra bir martalik og‘iz orqali 10 mg/kg siklosporin qabul qilinganda, siklosporinning Cmax va AUC0-5 ko‘rsatkichlari sezilarli darajada oshgan. Shuning uchun ushbu preparatlarni birga qo‘llashdan oldin ehtiyotkorlik bilan yondashish kerak. Agar birga qo‘llash zarur bo‘lsa, siklosporin darajalarini nazorat qilish va dozasini mos ravishda tuzatish kerak. Efavirenz Azitromitsin 600 mg bir martalik doza va efavirenz 400 mg/kun 7 kun davomida birga qabul qilinganda klinik ahamiyatli farmakokinetik o‘zaro ta’sirlar aniqlanmagan. Flukonazol Azitromitsin 1200 mg bir martalik doza va flukonazol 800 mg bir martalik doza birga qabul qilinganda, flukonazol farmakokinetikasiga ta’sir qilmagan. Azitromitsinning umumiy ta’siri va yarim chiqarilish davri flukonazol bilan birga qabul qilinganda o‘zgarmagan, biroq azitromitsinning Cmax (18%) klinik ahamiyatsiz pasayishi kuzatilgan. Indinavir Azitromitsin 1200 mg bir martalik doza va indinavir 800 mg uch marta kuniga 5 kun davomida birga qabul qilinganda, indinavir farmakokinetikasiga statistik ahamiyatli ta’sir ko‘rsatilmagan. Metilprednizolon Sog‘lom ko‘ngillilarda o‘tkazilgan farmakokinetik o‘zaro ta’sir tadqiqotida azitromitsin metilprednizolon farmakokinetikasiga ahamiyatli ta’sir ko‘rsatmagan. Midazolam Sog‘lom ko‘ngillilarda, azitromitsin 500 mg/kun 3 kun davomida birga qabul qilinganda, midazolamning 15 mg bir martalik dozasining farmakokinetikasi va farmakodinamikasida klinik ahamiyatli o‘zgarishlar kuzatilmagan. Nelfinavir Azitromitsin (1200 mg) va nelfinavir (750 mg uch marta kuniga) muvozanat holatida birga qabul qilinganda, azitromitsin kontsentratsiyasi oshgan. Klinik ahamiyatli nojo‘ya ta’sirlar kuzatilmagan va doza tuzatish talab qilinmaydi. Rifabutin Azitromitsin va rifabutin birga qo‘llanganda, ushbu preparatlarning plazmadagi kontsentratsiyasiga ta’sir qilmagan. Azitromitsin va rifabutin birga qo‘llanganda neytropeniya aniqlangan. Neytropeniya rifabutin qabul qilish bilan bog‘liq bo‘lsa-da, azitromitsin bilan birga qabul qilish sababli ekanligi aniqlanmagan. Sildenafil Sog‘lom erkak ko‘ngillilarda, azitromitsin (500 mg har kuni 3 kun davomida) sildenafil yoki uning asosiy aylanib yuruvchi metabolitining AUC va Cmax ga ta’siri aniqlanmagan. Terfenadin Farmakokinetik tadqiqotlarda azitromitsin va terfenadin o‘rtasida o‘zaro ta’sir haqida xabar berilmagan. Ba’zi hollarda o‘zaro ta’sir ehtimolini to‘liq istisno qilib bo‘lmaydi. Biroq, bunday o‘zaro ta’sir mavjudligini tasdiqlovchi aniq dalillar olinmagan. Teofillin Azitromitsin va teofillin sog‘lom ko‘ngillilar tomonidan birga qabul qilinganda klinik ahamiyatli farmakokinetik o‘zaro ta’sirga oid dalillar yo‘q. Triazolam 14 sog‘lom ko‘ngillida, azitromitsin 500 mg 1-kuni va 250 mg 2-kuni, triazolam 0,125 mg 2-kuni birga qabul qilinganda, triazolam va platsebo birga qabul qilingandagi farmakokinetik o‘zgaruvchilar bilan solishtirganda, triazolam uchun hech qanday ahamiyatli ta’sir aniqlanmagan. Trimetoprim/sulfametoksazol Trimetoprim/sulfametoksazol DS (160 mg/800 mg) 7 kun davomida va azitromitsin 1200 mg 7-kuni birga qabul qilinganda, trimetoprim yoki sulfametoksazolning maksimal kontsentratsiyasi, umumiy ta’siri yoki chiqarilishiga ahamiyatli ta’sir ko‘rsatilmagan. Azitromitsinning zardobdagi kontsentratsiyalari boshqa tadqiqotlarda kuzatilgan darajalarga o‘xshash bo‘lgan.

Doza oshirib yuborish haqida ma'lumotlar yetarli emas. Belgilari: ko'ngil aynishi, qusish, diareya, eshitishning vaqtincha yo'qolishi. Davolash: oshqozonni yuvish, faollashtirilgan ko'mir qabul qilish va simptomatik davolashni tayinlash.