100 ml eritmada quyidagilar mavjud: Faol modda: tsitikolin natriy - 10,45 g; Yordamchi modda: sorbitol 70%, glitserin, metilparagidrok­sibenzоat, propilparagidrok­sibenzоat, natriy tsitrat, natriy saxarin, qulupnay aromati, kaliy sorbat, limon kislotasi, tozalangan suv 100 ml gacha. Chiqarilish shakli. 30 yoki 50 ml li flakonlarda, o‘lchov qoshiq yoki stakan bilan birga.

O'tkir ishemik insult davri (kompleks terapiya tarkibida).- Ishemik va gemorragik insultlarning tiklanish davri.- Bosh miya jarohati (BMJ), o'tkir (kompleks terapiya tarkibida) va tiklanish davri.- Degenerativ yoki tomirli kelib chiqishga ega bo'lgan serebral patologiya bilan bog'liq kognitiv, sensitiv, motor va neyropsixologik buzilishlar.

preparatning har qanday komponentiga yuqori sezuvchanlik;
- yaqqol vagotoniya (vegetativ asab tizimining parasimpatik qismi tonusining ustunligi);
- fruktozani o'zlashtira olmaslik bilan bog'liq kam uchraydigan irsiy kasalliklar;

Preparat peroral tarzda buyuriladi. Qo‘llashdan oldin preparatni oz miqdordagi suvda (120 ml yoki 1/2 stakan) eritish mumkin. Ovqat paytida yoki ovqatlar orasida qabul qilinadi.Tavsiya etilgan dozalash rejimiO‘tkir ishemik insult va bosh miya jarohati (BMJ) davrida: 1000 mg (10 ml) har 12 soatda. Davolash davomiyligi kamida 6 hafta.Ishemik va gemorragik insultlarning tiklanish davri, BMJ tiklanish davri, bosh miya degenerativ va tomir kasalliklarida kognitiv va xulq-atvor buzilishlari: kuniga 500-2000 mg (5-10 ml) 1-2 marta. Dozalash va davolash davomiyligi kasallik simptomlarining og‘irligiga qarab belgilanadi.KeksalarPreparat keksalarga buyurilganda doza tuzatish talab qilinmaydi.

Nojo'ya ta'sirlar tez-tezligi Juda kam (<1/10000) (individual hollarni o'z ichiga oladi): Allergik reaksiyalar (toshma, teri qichishishi, anafilaktik shok), bosh og'rig'i, bosh aylanishi, issiqlik hissi, tremor, ko'ngil aynishi, qusish, diareya, gallyutsinatsiyalar, shishlar, nafas qisishi, uyqusizlik, qo'zg'alish, ishtahaning pasayishi, falajlangan a'zolarda uvishish, jigar fermentlari faolligining o'zgarishi. Ba'zi hollarda preparat parasimpatik tizimni stimulyatsiya qilishi, shuningdek, arterial bosimning qisqa muddatli o'zgarishiga olib kelishi mumkin. Agar ko'rsatilgan nojo'ya ta'sirlar kuchaysa yoki ko'rsatmada ko'rsatilmagan boshqa nojo'ya ta'sirlar paydo bo'lsa, bu haqda shifokorga xabar berish kerak.

Tsitikolin, hujayra membranasining asosiy ultra tuzilmaviy komponentlari (asosan fosfolipidlar) ning oldingi moddasidir, keng ta’sir doirasiga ega – zararlangan hujayra membranalarini tiklashga yordam beradi, fosfolipazalar ta’sirini ingibitsiya qiladi, erkin radikallar ortiqcha hosil bo‘lishining oldini oladi, shuningdek, apoptoz mexanizmlariga ta’sir qilib hujayra o‘limining oldini oladi. Insultning o‘tkir davrida tsitikolin bosh miya to‘qimalarining zararlanish hajmini kamaytiradi, xolinergik uzatishni yaxshilaydi. Bosh miya jarohatida travmadan keyingi komaning davomiyligini va nevrologik simptomlar og‘irligini kamaytiradi, shuningdek, tiklanish davri davomiyligini qisqartirishga yordam beradi. Bosh miyaning surunkali gipoksiyasida tsitikolin xotira yomonlashuvi, tashabbussizlik, kundalik harakatlar va o‘z-o‘ziga xizmat ko‘rsatishda yuzaga keladigan qiyinchiliklar kabi kognitiv buzilishlarni davolashda samaralidir. Diqqat va ong darajasini oshiradi, shuningdek, amneziya namoyon bo‘lishini kamaytiradi. Tsitikolin degenerativ va tomir etiologiyali sezgi va harakat nevrologik buzilishlarini davolashda samaralidir.

Sovuqda konservantning vaqtinchalik qisman kristallanishi natijasida oz miqdorda kristallar paydo bo'lishi mumkin. Keyingi saqlashda tavsiya etilgan sharoitlarda kristallar bir necha oy ichida eriydi. Kristallarning mavjudligi preparat sifatiga ta'sir qilmaydi. Davolash davrida alohida e'tibor va tezkor reaksiya talab qiladigan potentsial xavfli faoliyat turlari (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishlari va h.k.)ni bajarishda ehtiyotkorlikka rioya qilish kerak.

Tsitikolin levodopaning ta'sirini kuchaytiradi. Meklofenoksat saqlovchi dori vositalari bilan bir vaqtda buyurilmasligi kerak.

Saqlash sharoitlari: Quruq, yorug‘likdan himoyalangan joyda, 25ºC dan yuqori bo‘lmagan haroratda saqlansin. Bolalardan uzoqda saqlansin!
Yaroqlilik muddati: 3 yil. Preparat yaroqlilik muddati tugaganidan keyin qo‘llanilmasligi kerak.

Preparatning past toksikligi hisobga olinib, dozani oshirib yuborish holatlari tavsiflanmagan.