faol modda:
o‘rtacha molekulyar massali gidroksietilkrakhmal 130000 Da, o‘rnini bosish darajasi 0,42                                                                                                 60,0 g;
Natriy atsetat trigidrat                                                                                        4,63 g;
Natriy xlorid                                                                                                         6,02 g;
Kaliy xlorid                                                                                                           0,30 g;
Magniy xlorid geksagidrat                                                                                   0,30 g;
yordamchi modda: xlorid kislotasi eritmasi, pH 5,7-6,5 gacha yetkazish uchun 1M; in'ektsiya uchun suv 1000 ml gacha.

har qanday kelib chiqishli gipovolemiya va shokni davolash va oldini olish (jarohatlar, shu jumladan orqa miya shikastlanishi bilan bo'lgan jarohatlar, qon yo'qotilishi, ko'p a'zoli yetishmovchilik, operatsiyadan keyingi davr, o'tkir buyrak usti bezlari yetishmovchiligi, anafilaksiya va kollaps rivojlanishi bilan kechadigan boshqa holatlar natijasida);
o'tkir normovolemik va terapevtik gemodilyutsiya;
leykotsitar massani sentrifugirovka yo'li bilan yig'ishni oshirish (leykoferezda qo'shimcha vosita sifatida);
qon o'rnini bosuvchi preparatlarni yuboriladigan hajmini kamaytirish uchun;
ekstrakorporal qon aylanishi apparatini to'ldirish uchun.

Volyustim Plyus – sun’iy kolloid bo‘lib, aylanuvchi qon hajmini (AQH) to‘ldirish uchun qo‘llaniladi. Volyustim Plyus izoonkotik plazmani almashtiruvchi gidroksietilkrakhmal (GEK) eritmasi bo‘lib, uning yuborilishi natijasida tomir ichidagi suyuqlik hajmi preparat yuborilgan hajmga proporsional ravishda oshadi.

Volyustim Plyus – qon tomir tizimida uzoq vaqt aylanadi (kolloidoosmotik xususiyat), AQHni oshiradi, gemodinamik ko‘rsatkichlarni normallashtirish va yaxshilashga yordam beradi. Hajmni uzoq muddat saqlash effektini yaratadi, shuningdek, qonni reologik xususiyatlariga ijobiy ta’sir ko‘rsatadi. Volyustim Plyus – makro- va mikrosirkulyatsiyaga samarali ta’sir qiladi, to‘qimalarning oksigenatsiyasini yaxshilaydi, qondagi glyukoza darajasiga ta’sir qilmaydi, bu esa qandli diabet bilan kasallangan bemorlarda qo‘llash imkonini beradi, to‘qimalarda va retikulo-endotelial tizimda to‘planmaydi.

GEK tuzilishi jihatidan glikogenga o‘xshash bo‘lib, bu uning yuqori tolerantligi va anafilaktik reaksiyalar xavfining pastligi bilan izohlanadi. Volyustim Plyus eritmasining yuqori barqarorligi bilan ajralib turadi va harorat o‘zgarishida flokulyatsiya bermaydi.

Volyustim Plyus preparatining izotonik eritmasi tarkibiga quyidagi elektrolitlar kiradi: natriy (Na+), kaliy (K+), magniy (Mg2+), xlor (Cl−) va atsetat-ion (CH3COO−). Kationlar tarkibi plazmadagi elektrolitlarning fiziologik konsentratsiyasiga identikdir. Atsetat-ion turli organlarda oksidlanadi va ishqoriy ta’sir ko‘rsatadi, bu esa atsidoz xavfini minimallashtirish imkonini beradi.

Xlor ionlari kamaytirilgan miqdorda mavjud bo‘lib, giperkhloremik metabolik atsidoz rivojlanishining oldini oladi. Bu, ayniqsa, preparatning katta dozalari kiritilishi va metabolik atsidoz xavfi yuqori bo‘lgan hollarda muhimdir.