5 ml eritmada quyidagilar mavjud: Faol modda: metiletilpiridinola gidroxlorid – 150 mg; Yordamchi modda: natriy sulfit bezvodniy, dinatriy fosfat digidrat, in'ektsiya uchun suv.

Nevrologiya va neyroxirurgiyada kompleks terapiyada: gemorragik insult; ichki uyqu arteriyasi va vertebrobazilyar tizimda ishemik insult; miya qon aylanishining o'tkinchi buzilishlari; miya qon aylanishining surunkali yetishmovchiligi; bosh miya lat yeyishi bilan kechuvchi bosh miya jarohati; bosh miya jarohati bo'lgan, epi-, subdural va miya ichidagi gematomalar bo'yicha operatsiya qilingan, bosh miya lat yeyishi bilan birga kechuvchi bemorlarda operatsiyadan keyingi davr; bosh miya tomirlarining arterial anevrizmalari va arteriovenoz malformatsiyalari bo'lgan bemorlarda operatsiyadan oldin va keyingi davr.

Dori vositasiga yuqori individual sezuvchanlik, Homiladorlik, emizish davri, 18 yoshgacha bo‘lgan bolalar yoshi.

Dozalar, davolash kursining davomiyligi individual tarzda belgilanadi. Nevrologiya va neyroxirurgiyada preparatni kunlik 5-10 mg/kg dozada 10-12 kun davomida tomchilab vena ichiga yuboriladi. Kiritishdan oldin Vazaksin dori vositasi 200 ml izotonik natriy xlorid eritmasida suyultiriladi. 20-30 tomchi/minut tezlikda yuboriladi. Keyinchalik 2-10 ml Vazaksin dori vositasi (60-300 mg) 2-3 marta kuniga mushak ichiga 10-30 kun davomida yuborishga o‘tiladi. Dori vositasi bilan davolash arterial bosim va qonning ivish va qarshi ivish tizimlarining funksional holatini nazorat qilgan holda olib borilishi kerak. Dori vositasi ampula ochilgandan so‘ng darhol qo‘llaniladi. Dori vositasi ampulasi faqat bir martalik qo‘llash uchun mo‘ljallangan. Dori vositasining qoldiqlari yo‘q qilinishi kerak. Vena ichiga yuborish uchun tayyorlangan eritma darhol ishlatilishi lozim.

Immun tizimi tomonidan buzilishlar: allergik reaksiyalar. Nerv tizimi tomonidan buzilishlar: bosh og‘rig‘i, qo‘zg‘alish (qisqa muddatli) yoki uyquchanlik. Tomirlar tomonidan buzilishlar: arterial bosimning oshishi. Yurak tomonidan buzilishlar: yurak sohasida og‘riq. Ovqat hazm qilish tizimi tomonidan buzilishlar: ko‘ngil aynishi, epigastral sohada noqulaylik, dispepsiya. Teri va teri osti to‘qimalari tomonidan buzilishlar: terining qichishishi va qizarishi. Umumiy buzilishlar va yuborish joyidagi reaksiyalar: vena ichiga yuborilganda – vena bo‘ylab kuydiruvchi his.

Vazaksin qon ivish tizimiga ijobiy ta'sir ko'rsatadi: trombotsitlar agregatsiyasini sekinlashtiradi, umumiy koagulyatsiya indeksini pasaytiradi, qon ivish vaqtini uzaytiradi. Fibrinoliz jarayonini kuchaytiradi. Qon yopishqoqligini, tomir devorining o'tkazuvchanligini pasaytiradi. Qon tomirlari va eritrotsitlar hujayra membranalarini barqarorlashtiradi, eritrotsitlarning mexanik shikastlanish va gemolizga chidamliligini oshiradi. Angioprotektor xususiyatlarga ega. Mikrosirkulyatsiyani yaxshilaydi. Biomembranalarning erkin-radikal lipid oksidlanishini samarali inhibe qiladi, antioksidant fermentlar faolligini oshiradi. Sitoxrom R-450 ni barqarorlashtiradi, antitoksik ta'sirga ega. Ekstremal holatlarda, lipidlarning peroksid oksidlanishi va gipoksiya kuchayganida, bioenergetik jarayonlarni optimallashtiradi. Dori vositasi ko'z to'r pardasini yuqori intensivlikdagi yorug'likning zararli ta'siridan himoya qiladi, ko'z ichidagi qon quyilishlarni so'rilishiga yordam beradi. Qon aylanish yetishmovchiligida oksidlanish-qaytarilish tizimini tartibga solishga yordam beradi. Lipidlarning peroksid oksidlanishi kuchaygan holatlarda samarali.

Ushbu dori vositasi 5 ml da 1 mmol (23 mg) dan kam natriy saqlaydi, ya'ni amalda natriy saqlamaydi. Davolash davomida doimiy ravishda arterial bosim va qon ivish qobiliyatini nazorat qilish zarur. Dori vositasini boshqa dori vositalari bilan aralashtirish tavsiya etilmaydi. Dori vositasi ehtiyotkorlik bilan buyuriladi: gemostaz buzilishi bo'lgan bemorlarga, jarrohlik amaliyotlari vaqtida yoki og'ir qon ketish belgilari bo'lgan bemorlarga (trombotsitlar agregatsiyasiga ta'siri tufayli).