Har bir paketda (8 g) quyidagilar mavjud
Faol modda fosfomitsin 3 g. (fosfomitsin trometamol shaklida 5,631 g);
Qo'shimcha moddalar apelsin va mandarin aromatizatorlari, sakarin, sacharoz (shakar kukuni), etil spirti.

Fosfomitsin, sezgir patogenlar sabab bo'lgan murakkab bo'lmagan pastki siydik yo'llari infektsiyalarini davolashda qo'llaniladi. Shuningdek, diagnostik va jarrohlik protseduralarida profilaktika uchun qo'llaniladi.

Fosfomitsin yoki preparatning boshqa biron bir komponentiga nisbatan oshkora sezuvchanlik. Kreatinin klirensi 10 ml/min dan kam bo'lgan og'ir buyrak yetishmovchiligi.

Murakkab bo'lmagan siydik yo'llari infektsiyalari uchun tavsiya etilgan dozasi kattalar, shu jumladan 75 yoshgacha bo'lgan qariyalar uchun 3 g bir marta. Transuretral jarrohlik yoki diagnostik aralashuvlardan oldin tavsiya etilgan profilaktik dozasi kattalar, shu jumladan qariyalar uchun 3 g ikki marta. Birinchi doza jarrohlik aralashuvidan 3 soat oldin qabul qilinishi kerak, ikkinchisi - aralashuvdan 24 soat o'tgach. Bir paket Urfozin™ tarkibini bir stakan suvda eritib, eritilgandan so'ng ichish kerak.

Urfozin™ odatda yaxshi qabul qilinadi. Ba'zan oshqozon-ichak traktida (qayt qilish, diareya, yurak qizishi) muammolar haqida xabar berilgan va juda kam hollarda teri toshmasi. Ushbu reaksiyalar maxsus davolanishni talab qilmaydi va o'z-o'zidan o'tadi. Nojo'ya ta'sirlar paydo bo'lganda shifokorga murojaat qiling.

So'rilishi va biofaolligi
Fosfomitsin trometamol kattalar, qariyalar va bolalarda oshqozon-ichak traktidan tez so'riladi. Og'iz orqali va venaga yuborilgandan so'ng, plazmadagi konsentratsiya va siydik bilan chiqarilgan miqdor bo'yicha aniqlangan mutlaq biofaollik 1,5-3 g dozasi uchun 31% - 58% ni tashkil etadi. Odatda, plazmadagi maksimal konsentratsiya qo'llanilgandan 2-3 soat o'tgach erishiladi va taxminan 4 mg/l (0,5 g) - 33 mg/l (3 g) oralig'ida o'zgaradi.

 Fosfomitsin plazma va siydikdagi konsentratsiyasining kamayishi ehtimoli tufayli metoklopramid bilan bir vaqtda qo‘llash tavsiya etilmaydi. Tsimetidin bilan bir vaqtda qo‘llanganda preparatning farmakokinetikasiga ta’sir qilmaydi. 

 Urfotsin bir dona paketda chiqariladi, shuning uchun dozani oshirib yuborish xavfi kichik. Biroq, agar dozani oshirib yuborish sodir bo‘lsa, dori vositasini siydik bilan chiqarib yuborish maqsadida turli suyuqliklarni peroral qabul qilish yetarli. 

 

Oziq-ovqat bilan qabul qilish faol moddaning so‘rilishini sekinlashtirishi va dori vositasining qon va siydikdagi darajasining mo‘’tadil pasayishiga olib kelishi mumkin. Urfotsin och qoringa (ovqat qabul qilgandan 2-3 soat o‘tib) qabul qilinishi kerak. Kechqurun, peshob pufagini bo‘shatgandan so‘ng, uxlashdan oldin qabul qilish tavsiya etiladi.

Dorini fruktozani, glyukoza-galaktoza malabsorbsiyasini yoki saxaraza-izomaltaza yetishmovchiligini kam uchraydigan irsiy muammosi bo‘lgan bemorlarda qabul qilish mumkin emas. Yuqori siydik yo‘llari infeksiyalarida, masalan, nefrid, pielonefritda qo‘llash tavsiya etilmaydi. 12 yoshgacha bo‘lgan bolalarda fosfomitsin samaradorligi va xavfsizligi bo‘yicha yetarli va yaxshi nazorat qilingan klinik tadqiqotlar yo‘qligi sababli qo‘llash tavsiya etilmaydi. Qandli diabeti bo‘lgan bemorlarga preparat buyurilganda, 3 g fosfomitsin saqlovchi bir paketda 2,107 g saxaroza ham mavjudligini hisobga olish kerak.

Dorini yaroqlilik muddati tugagandan so‘ng qo‘llash mumkin emas va bolalar uchun yaroqsiz joyda saqlash kerak 
 

Homiladorlik

Homiladorlik davrida fosfomitsin qo‘llanishi bo‘yicha yetarli ma’lumotlar yo‘q. Hayvonlarda o‘tkazilgan tadqiqotlarda teratogenlik kuzatilmagan.

Laktatsiya

Fosfomitsin trometamol ona sutiga o‘tadimi noma’lum. Ko‘plab dori vositalari ona sutiga o‘tishi va potentsial nojo‘ya ta’sirlarni chaqirishi mumkinligi sababli, davolash vaqtida emizishni to‘xtatish yoki emizikli ayollarda preparatni qo‘llamaslik kerak.

Transport vositalarini va boshqa potentsial xavfli mexanizmlarni boshqarish qobiliyatiga ta’siri

Preparatning diqqat va tezkorlikka ta’siri bo‘yicha hech qanday ma’lumot yo‘q.