Og‘riq sindromi yengil va o‘rtacha darajada (turli kelib chiqishli) bosh og‘rig‘i, migren, tish og‘rig‘i, nevralgiya, mialgiya, artralgiya, algodisminoreya. O‘tkir respirator kasalliklar (ORK), grippda isitma sindromi.

• Oshqozon va o‘n ikki barmoqli ichak yara kasalligi zo‘rayish bosqichida; • Ovqat hazm qilish yo‘llaridan qon ketishi {shu jumladan anamnezda); • Jigar va/yoki buyrak funksiyasining og‘ir buzilishlari, podagra; • Gemorragik diatezlar, gipokoagulyatsiya; • Ko‘p qon ketish bilan kechuvchi jarrohlik aralashuvlari; • Homiladorlik (I va III trimestr), laktatsiya davri; • Glyukoza-6-fosfatdegidrogenaza yetishmovchiligi; • Glaukoma; • Preparat komponentlariga yuqori sezuvchanlik, asetilsalisil kislotasiga toqat qilmaslik, asetilsalisil kislotasi, salitsilatlar va boshqa nosteroid yallig‘lanishga qarshi vositalarni qabul qilish bilan bog‘liq bronxial astma, burun polipozi; • Bolalar yoshi (15 yoshgacha - virusli kasalliklar fonida gipertermiya bilan bo‘lgan bolalarda Rey sindromi rivojlanish xavfi); • Yuqori qo‘zg‘aluvchanlik, uyqu buzilishlari; • Yurak-qon tomir tizimining organik kasalliklari (shu jumladan o‘tkir miokard infarkti, ateroskleroz); • Arterial gipertenziya; • Portal gipertenziya; • K vitamini yetishmovchiligi. Ehtiyotkorlik bilan Buyrak yetishmovchiligining yengil va o‘rta darajasi, transaminazalar darajasining oshishi bilan kechuvchi jigar yetishmovchiligi, yaxshi sifatli giperbilirubinemiyalar (shu jumladan Jilber sindromi, alkogolli jigar shikastlanishi), alkogolizm, epilepsiya va tutqanoq xurujlariga moyillik, keksalik yoshi, podagra.

Preparatni analgezik dori vositasi sifatida 5 kundan ortiq va isitmani tushiruvchi sifatida 3 kundan ortiq qabul qilish tavsiya etilmaydi (shifokor tayinlovi va nazoratisiz). Og‘iz orqali (ovqat paytida yoki ovqatdan keyin), har 4 soatda 1 tabletka, og‘riq sindromida 1-2 tabletka; o‘rtacha sutkalik doza 3-4 tabletka, maksimal sutkalik doza 8 tabletka. Davolash kursi 3-5 kundan oshmasligi kerak. Me’da-ichak yo‘llariga ta’sirini kamaytirish uchun tabletkani sut yoki ishqoriy mineral suv bilan ichish tavsiya etiladi.

Asetilsalitsil kislotasi, paratsetamol, kafeinga xos bo‘lgan nojo‘ya reaksiyalar kuzatilishi mumkin: anoreksiya, ko‘ngil aynishi, qusish, gastralgiya, trombotsitlar agregatsiyasining pasayishi, me’da-ichak yo‘llari va o‘n ikki barmoqli ichakning eroziyali-yarali shikastlanishlari, me’da-ichak qon ketishlari, allergik reaksiyalar, bronxospazm, ko‘p shaklli ekssudativ eritema (jumladan, Stiven-Jonson sindromi), toksik epidermal nekroliz (Layell sindromi), buyrak yetishmovchiligi, jigar yetishmovchiligi, bosh aylanishi, taxikardiya, arterial bosimning oshishi.

Kombinatsiyalangan preparat. Asetilsalisil kislotasi isitmani tushiruvchi va yallig‘lanishga qarshi ta’sirga ega, ayniqsa yallig‘lanish jarayoni bilan bog‘liq og‘riqni kamaytiradi, shuningdek, trombotsitlar agregatsiyasi va tromb hosil bo‘lishini mo‘’tadil darajada susaytiradi, yallig‘lanish o‘chog‘ida mikrosirkulyatsiyani yaxshilaydi. Kofein orqa miya reflektor qo‘zg‘aluvchanligini oshiradi, nafas olish va tomir harakat markazlarini qo‘zg‘atadi, skelet mushaklari, bosh miya, yurak, buyrak qon tomirlarini kengaytiradi, trombotsitlar agregatsiyasini kamaytiradi; uyquchanlikni, charchoq hissini kamaytiradi. Ushbu kombinatsiyada kofein kichik dozalarda asab tizimiga deyarli stimulyatsion ta’sir ko‘rsatmaydi, biroq miya tomirlarining tonusini regulyatsiya qilishga yordam beradi. Paratsetamol analgetik, isitmani tushiruvchi va kuchsiz yallig‘lanishga qarshi ta’sirga ega, bu uning gipotalamusdagi termoregulyatsiya markaziga ta’siri va periferik to‘qimalarda prostaglandinlar (Pg) sintezini inhibe qilish qobiliyatining kuchsiz ifodalanganligi bilan bog‘liq.

Preparatni 15 yoshgacha bo‘lgan bolalarga Reyye sindromi rivojlanishining yuqori xavfi tufayli buyurmaslik kerak. Reyye sindromi uzoq davom etuvchi qusish, o‘tkir ensefalopatiya, jigar kattalashuvi bilan namoyon bo‘ladi. Atsetilsalisil kislotasi qon ivishini sekinlashtiradi. Agar bemorga jarrohlik aralashuvi rejalashtirilgan bo‘lsa, preparat qabul qilinayotgani haqida shifokorni oldindan ogohlantirish kerak. Mochevina kislotasi to‘planishiga moyil bemorlarda preparat qabul qilinishi podagra xurujini qo‘zg‘atishi mumkin. Qabul qilish davrida alkogol iste'mol qilishdan tiyilish kerak (oshqozon-ichak qon ketishi va jigar toksik shikastlanishi xavfi oshadi). Atsetilsalisil kislotasi homiladorlikning I trimestrida qo‘llanilganda teratogen ta'sirga ega; III trimestrda - tug‘ruq faoliyatining susayishiga olib keladi. Ona suti bilan ajraladi, shuning uchun laktatsiya davrida qo‘llash mumkin emas. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.

Tavsiya etilgan doza va qo‘llash davomiyligini oshirmaslik kerak! Belgilari - yengil intoksikatsiyalarda ko‘ngil aynishi, qusish, qorin og‘rig‘i, bosh aylanishi, quloqda shovqin; - og‘ir intoksikatsiyada sustlik, uyquchanlik, kollaps, tutqanoq, nafas olishning qiyinlashuvi, anuriya, qon ketishlar. Davolash: oshqozonni faollashtirilgan ko‘mir yordamida yuvish, simptomatik terapiya, moddalar almashinuvi holatiga qarab - natriy gidrokarbonat, natriy sitrat yoki natriy laktat kiritish, bu atsetilsalisil kislotasining chiqarilishini siydikni ishqoriylashtirish hisobiga kuchaytiradi.