1 таблетка қўйидагини сақлайди:

фаол модда: ципрофлоксацин гидрохлориди ципрофлоксацинга қайта ҳисоблаганда – 250 мг, 500 мг, 750 мг.

ёрдамчи моддалар: маккажўхори крахмали, коллидон CL, сут қанди, микрокристаллик целлюлоза, магний стеарати, тальк;

қобиқ: гипромеллоза, макрогол 4000, пропиленгликоль, тальк, титан икки оксиди.

 

 

Ципрофлоксацинга сезгир микроорганизмлар чақирган инфекцион ва яллиғланиш касалликлари:

-Нафас йўллари инфекцияси. Ципрофлоксацинни Klebsiella spp., Enterobacter spp., Proteus spp., Escherichia coli, Pseudomonas aeruginosa, Haemophilus spp., Moraxella catarrhalis, Legionella spp. ва стафилококклар чақирган зотилжамда буюриш тавсия қилинадти;

- асосан грамм мусат микроорганизмлар, Pseudomonas aeruginosa ёки стафилококклар чақирган ўрта қулоқ инфекцияси (ўрта отит), ёндош бўшлиқ инфекцияси (синусит);

- буйраклар ва сийдик чиқариш йўллари инфекцияси; 

- жинсий аъзолар инфекцияси, жумладан аднексит, гонорея, простатит;

- кўз инфекциялари;

- овқат ҳазм қилиш тизими (меъда ичак тизимини бактериал инфекцияси, жумладан оғиз, тишлар, жағлар, перитонит), ўт пуфаги ва сафро чиқариш йўлларининг;

- тери қопламалари, шиллиқ қаватлар ва юмшоқ тўқималарнинг;

- таянч-ҳаракат аппаратининг инфекциялари

- Neisseria meningitidis чақирган инвазив инфекциялар профилактикасида;

- қорин бўшлиги инфекциясида

- Ципрофлоксацин иммунитети пасайган беморларда инфекцияларни олдини олиш ва даволаш учун (иммунодепрессантлар билан даволашда), шунингдек куйдиргининг ўпка шаклини (Bacillus anthracis инфекцияланиш) инфекцион-яллиғланиш касалликларини олдини олиш ва даволаш учун қўлланади. 

5 ёшдан 17 ёшгача ўпка муковисцидози бўлган болаларда Pseudomonas aeruginosa чақирган асоратини даволаш. 

Куйдиргининг ўпка шаклини (Bacillus anthracis инфекцияланиш) олдини олиш ва даволаш.

 

 

 

- ципрофлоксацинга ёки фторхинолонлар гуруҳига мансуб бошқа препаратларга ўта юқори сезувчанлик;

- тизанидин билан бир вақтда қабул қилиш (артериал босимни яққол пасайиши, уйқучанлик хавфи);

- ҳомиладорлик;

- лактация даври;

- 18 ёшгача бўлган болалик ва ўсмирлик ёши ( 5 ёшдан 17 ёшгача бўлган болаларда қанд миқдорини ўпка шаклини (Bacillus anthracis билан касалланиш) профилактикаси ва даволашдан ташқари); 

- сохтамембраноз колитда қўллаш мумкин эмас.

Эҳтиёткорлик билан – бош мия қон томирларининг яққол атеросклерози, мияда қон айланишини бузилиши, руҳий касалликлар, тутқаноқ, яққол буйрак ва/ёки жигар етишмовчилиги, анамнезида хинолонларни қабул қилиш билан боғлиқ бўлган пайларнинг касалликлари ишорага эга бўлган пациентлар, кексалик ёши, Q-T интервалини туғма узайиши синдроми, юрак касалликлари (юрак етишмовчилиги, миокард инфаркти, брадикардия), электролит дисбаланси (гипокалиемия, гипонатриемия). Q-T интервалини узайтирувчи дори воситаларини (шу жумладан I A ва III синфи антиаритмик) воситаларини бир вақтда қабул қилиш, CYP450 1A 2 изоферментлари томонидан метаболизмга учрайдиган дори воситалари (шу жумладан теофиллин, кофеин, дулоксетин, клозапин) билан бир вақтда қўллаш.

 

 

Ҳар доим ЦИПРОФЛОКСАЦИН-НИКА ни Сизнинг даволовчи шифокорингиз тавсияларига аниқ қатъий амал қилган ҳолда қўлланг. Агар Сиз нимададир иккилансангиз, ўзингизнинг шифокорингиз ёки фармацевтингиздан сўранг.

Препарат тахмин қилинган ёки тасдиқланган инфицирланишдан сўнг қабул қилинади

Ичга буюрилади. Таблеткаларни бутунлигича, кўп бўлмаган миқдордаги суюқлик билан бирга овқатдан кейин ютиш керак. Таблеткалар оч қоринга қабул қилинганида фаол модда тезроқ сўрилади.

Ципрофлоксацин дозаси ва даволаш давомийлиги касалликнинг оғирлигига инфекциянинг турига, пациентнинг ёшига, вазнига ва буйрак фаолиятига боғлиқ. Тафсия этилган одатий дозалар:

- Қуйи нафас йўлларининг енгил ва ўртача даражали инфекцияларида – 500 мг суткада 2 марта. Даволаш курси – 7-14 кун.

- Ўткир синуситда – 500 мг суткада 2 марта. Даволаш курси – 10 кун.

- Тери ва юмшоқ тўқималарнинг енгил ва ўртача даражали инфекцияларида – 500 мг суткада 2 марта. Даволаш курси – 7-14 кун.

- Суяклар ва бўғимларнинг инфекцияларида – енгил ва ўртча даражали – 500 мг суткада 2 марта. Даволаш курси – 4-6 ҳафта.

- Сийдик чиқариш йўлларининг инфекцияларида – 500 мг дан суткада 2 марта; даволаш курси – 7-14 кун, аёллардаги асоратланмаган циститда – 3 кун.

- Сурункали бактериал простатитда – 500 мг дан суткада 2 марта, даволаш курси – 28 кун.

- Асоратланмаган гонореяда –500 мг бир марта.

- Қорин тифида – 500 мг дан 2 марта. Даволаш курси – 10 кун

- Инфекцион диареяда –500 мг дан 2 марта. Даволаш курси – 5-7 кун.

- Асоратланган интраабдоминал инфекцияларда – 500 мг дан ҳар 12 соатда 7-14 кун давомида.

- Бошқа инфекцияларда – 500 мг дан суткада 2 марта.

Куйдиргининг ўпка шаклини олдини олиш ва даволаш учун – 500 мг дан суткада 2 марта 60 кун давомида.

- Муковисцидози бўлган 5 ёшдан 17 ёшгача бўлган болаларда Pseudomonas aeruginosa чақирган асоратларни даволашда – 20 мг/кг суткада 2 марта. (максимал доза 1500 мг). Даволашнинг давомийлиги – 10-14 кун.

- Куйдиргининг ўпка шаклида (олдини олиш ва даволаш) – 15 мг/кг кунига 2 марта.

Максимал бир марталик доза – 500 мг, суткалик – 1000 мг. Ципрофлоксацинни умумий қабул қилишнинг давомийлиги – 60 кун. 

Сурункали буйрак етишмовчилиги бўлган беморлар учун препаратнинг тавсия қилинган дозаларини жадвали:

Креатинин клиренсимл/мин | Доза
>50 | Дозалашнинг одатдаги тартиби
30-50 | 500 мг 12 соатда 1 марта
5-29 | 500 мг 18 соатда 1 марта
Гемо- ёки перитонеал диализда бўлган беморлар | диализдан кейин 500 мг 24 соатда 1 марта 

 

Ҳар қандай дори воситаси каби, ЦИПРОФЛОКСАЦИН-НИКА ҳам, ҳар бир истеъмолчида кузатилмасада, ножўя таъсирлар чақириши мумкин.

инфекцион ва паразитар касалликлар: баъзида – замбуруғли суперинфекциялар; кам холларда – колит (жуда кам холларда ўлим билан тугаши мумкин)

қон яратиш тизими томонидан: баъзида – эозинофилия; кам холларда - лейкопения, анемия, нейтропения, лейкоцитоз, тромбоцитопения, тромбоцитемия; жуда кам холларда - гемолитик анемия, агранулоцитоз, панцитопения (ўлимга олиб келиши мумкин), суяк кўмигини сусайтириш (ўлимга олиб келиши мумкин);

иммун тизим томонидан – кам холларда – аллергик реакциялар, аллергик шиш/ангионевротик шиш; жуда кам холларда – анафилактик реакциялар, анафилактик шок (ўлимга олиб келиши мумкин), зардоб касаллиги;

модда алмашинуви ва овқатланиш томонидан: - баъзида – иштахани пасайиши ва овқат қабул қилиш сонини камайиши; кам холларда - гипергликемия, гипогликемия;

рухий ўзгаришлар: баъзида – психомотор гипетактивлик/ ажитация; кам холларда -  онгни чалкашиши, ориентацияни бузилиши, хавотирлик, ғалати тушлар кўриш, депрессия, галлюцинация; жуда кам холларда – рухиятни бузилиши (рухий реакциялар) 

марказий нерв тизими томонидан: баъзида - бош оғриғи, бош айланиши, уйқусизлик, таъм билишни бузилиши; кам холларда – парастезия ва дизестезия, гипестезия, тремор, тиришиш (эпилепсия тиришишлари хам), вертиго; жуда кам холларда – мигрень, координацияни бузилиши, хидларни сезишни узилиши, гиперестезия, бош мия ички босимини ошиши; учраши аниқ эмас - периферик нейропатия ва полинейропатия; 

кўриш аъзолари томонидан: кам холларда – кўриш билан оғлиқ бўлган муаммолар; жуда кам холларда - ёруғликка юқори сезувчанлик,

эшитиш ва лабиринт аъзолари томонидан: кам холларда -  қулоқларда шовқин, эшитишни йўқолиши; жуда кам холларда - эшитишни пасайиши;

юрак-томир тизими томонидан:кам холларда - тахикардия, вазодилатация, артериал босимни пасайиши, хушдан кетиш; жуда кам холларда – васкулит; учраши аниқ эмас - Q-T интервалини узайиши, қоринча аритмиялари (шу жумладан «пируэт» тури);

нафас тизими томонидан: кам холларда - нафасни бузилиши (шу жумладан бронхоспазм);

овқат ҳазм қилиш тизими томонидан: тез-тез - кўнгил айниши, диарея; кам холларда - қусиш, қоринда оғриқ, диспепсия, метеоризм; жуда кам холларда – панкреатит;

жигар ва сафро чиқариш йўллари томонидан: баъзида – “жигар” трансаминазалари фаоллигини ошиши, билирубин концентрациясини ошиши; кам холларда – жигар иш фаолиятини бузилиши, сариқлик, гепатит (ноинфекцион); жуда кам холларда – жигар тўқимасини некрози (баъзи бир холларда авжланувчи жигар етишмовчилиги ривожланиши хаёт учун хавф туғдиради) 

тери ва тери ости тўқималари томонидан: баъзида - тери тошмаси, қичишиш, эшак еми; кам холларда - фотосенсибилизация, қавариқларни ҳосил бўлиши; жуда кам холларда - терига нуқтали қон қуйилиши (петехиялар), майда шаклли эритема, тугунли эритема, Стивенс-Джонсон синдроми (хавфли экссудатив эритема), Лайелл синдроми (токсик эпидермал некролиз); учраши аниқ эмас – ўткир тарқалган экзантематоз пустулез;

таянч-ҳаракат аппарати томонидан: баъзида – артралгия; кам холларда – миалгия, артрит, мушак тонусини ошиши, мушак тиришишлари; жуда кам холларда - мушак кучсизлиги, тендинит, пайларни (ахиллов пайларини) узилиши, миастения симптомларини зўрайиши.

буйрак ва сийдик чиқариш тизими томонидан: баъзида – буйрак фаолиятини бузилиши; кам холларда – буйрак етишмовчилиги, гематурия, кристаллурия, тубулоинтерстициал нефрит;

умумий ўзгаришлар ва юборилган жойда бузилишлар: баъзида – ноаниқ этиологияли оғриқ синдроми, узини ёмон хис қилиш, иситма; кам холларда – шиш, терлаш (гипергидроз); жуда кам холларда – харакланишни бузилиши;

лаборатор кўрсаткичлар: баъзида – қонда ишқорий фосфатаза активлигини ошиши; кам холларда – протромбинни миқдорини ўзгариши, амилаза активлигини ошиши; учраши аниқ эмас – МНО ошиши (витамин К антагонистини олган беморларда) кузатилиши мумкин.

Болаларда артропатия келиб чииши хақида кўп хабарлар бор. Артропатияни (артралгия, артрит) учраш салмоғи катталарда ўтказилган клиник синовлар натижаси асосига асосланган. Болаларда артропатияни юзага келиши хусусий деб бахоланади.

 

 

Фторхинолонлар гуруҳига мансуб кенг таъсир доирасига эга микробларга қарши препарат. Бактерицид таъсир қилади. Препарат бактериал ДНК-гиразасини бостиради, натижада ДНК репликацияси ва бактерияларнинг ҳужайра оқсилларининг синтези бузилади. Ципрофлоксацин кўпаяётган микроорганизмларга ҳам, тинч фазада бўлганларга ҳам таъсир қилади. Ципрофлоксацинга грамманфий аэроб бактериялар: Escherichia coli, Salmonella spp., Shigella spp., Citobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spp.; Haemophilus spp., Pseudomonas aeruginosa, Moraxella catarrhalis, Aeromonas spp., Pasteurella miltocida, Plesiоmonas shigelloides, Campylobacter jejuni, Neisseria spp.; айрим хужайра ички қўзғатувчилар: Legionella pneunophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Mycobacterium avium-intracellulare сезгир.

Ципрофлоксацинга шунингдек граммусбат аэроб бактериялар: Staphylococcus spp. (Staphylococcus aureus, Staphylococcus haemolyticus, Staphylococcus hominis, Staphylococcus saprophyticus), Streptococcus spp. (Streptococcus pyogenes, Streptococcus agalactiae) ҳам сезгир. Метициллинга чидамли кўпчилик стафилококклар, ципрофлоксацинга ҳам чидамли. Streptococcus pneumoniae, Enterococcus faecalis бактерияларининг сезгирлиги ўртача.

Ҳам in vinto шароитида, ҳам қон плазмасидаги препаратнинг концентрациясини текшириш маълумотлари бўйича (суррогат маркер сифатида), ципрофлоксацинга шунингдек Bacillus anthracis ҳам сезгир. 

Препаратга резистентлар: Corynebacterium spp., Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium diffi cile, Nocardia asteroids. Treponema pallidum га нисбатан препаратнинг таъсири етарлича ўрганилмаган. 

 

Оғир инфекцияларни, стафилококли инфекцияларни ва анаэробли бактерияли инфекцияларни даволашда, ципрофлоксацинни қуйидаги антибактериал воситалар билан биргаликда ишлатиш керак.

Ципрофлоксацин Streptococcus pneumoniae чақиргани гумон қилинган ёки аниқланган пневмонияда танлов препарати эмас.

Кристаллурия ривожланишидан сақланиш учун тавсия қилинган суткалик дозани ошириш мумкин эмас, шунингдек суюқликни етарли истеъмол қилиш ва сийдикнинг кислотали реакциясини тутиб туриш керак.

Даволаниш вақтида юқори диққатни ва тезкор руҳий ва ҳаракат реакцияларни талаб қилувчи потенциал хавфли фаолият турлари билан шуғулланишдан сақланиш керак.

Тутқаноғи, анамнезида тиришиш хуружлари, қон томир касалликлари ва бош миянинг органик касалликлари бўлган беморларга, марказий нерв тизими томонидан ножўя реакциялар ривожланишининг хавфи туфайли, ципрофлоксацинни фақат “ҳаётий” кўрсатмалар бўйича буюриш керак.

Даволаш вақтида ёки кейин оғир ва давомли диарея пайдо бўлганида сохтамембраноз колит ташхисини истисно қилиш керак, у препаратни дарҳол бекор қилишни ва мувофиқ даволашни буюришни талаб қилади.

Пайларда оғриқлар ёки тендовагинитнинг биринчи белгилари пайдо бўлганида даволашни тўхтатиш керак (фторхинолонлар билан даволаш вақтида пайларни яллиғланиши ва хатто узилишнинг алохида холлари таърифланган). 

Даволаниш вақтида УБ-нурланишдан (шу жумладан тўғри қуёш нурлари билан контактдан) сақланиш керак. Оғир инфекцияларни, стафилококкли инфекцияларни ва анаэроб бактериялар билан боғлиқ бўлган инфекцияларни даволашда, ципрофлоксацин мувофиқ антибактериал воситалар билан мажмуада ишлатиш керак.

Фторхинолонларга чидамли Neisseria gonorrhoeae штаммлари чақирганлиги тахмин қилинган инфекцияларда, ципрофлоксацинга резистентлик бўйича маҳаллий маълумотни ҳисобга олиш ва лаборатория тестларида қўзғатувчининг сезгирлигини тасдиқлаш керак.

Камдан-кам ҳолларда биринчи марта қўлланганидан кейин, хатто анафилактик шоккача бўлган анафилактик реакциялар пайдо бўлиши мумкин. Бундай ҳолларда ципрофлоксацинни қўллашни дарҳол тўхтатиш ва мувофиқ даволашни ўтказиш керак. Пайларнинг касалликлари бўлган ёки илгари глюкокортикостероидлар билан даволанган кекса пациентларда, пайларни (асосан ахиллов пайини) узилиш ҳоллари кузатилиши мумкин. 

Марказий нерв тизими томонидан ножўя реакциялар препарат биринчи марта қўлланганида пайдо бўлиши мумкин. Камдан-кам ҳолларда психоз суицидал уринишлар билан намоён бўлиши мумкин. Бундай ҳолларда препаратни қабул қилишни дарҳол тўхтатиш ва бу ҳақида шифокорга хабар бериш керак. Ципрофлоксацин CYP450 1A 2 изоферментининг ўртача ингибитори ҳисобланади. Ципрофлоксацин ва бу изоферментлар томонидан метаболизмга учрайдиган препаратлар (шу жумладан теофиллин, кофеин, дулоксетин, клозапин) бир вақтда қўлланганида эҳтиёткорликка риоя қилиш керак, чунки ципрофлоксацин томонидан уларнинг метаболизмини ингибирланиши билан боғлиқ бўлган, қон зардобида бу препаратларнинг концентрациясини ошиши, специфик нохуш реакциялар чақириши мумкин.

In vitro лаборатория тестларида ципрофлоксацин Mycobacterium spp. нинг ўсишини бостиради, бу ципрофлоксацинни қабул қилаётган пациентларда бу қўзғатувчини ташхисида сохта манфий натижаларга олиб келиши мумкин.

Пай касалликлари бор ёки олдин глюкокортикостероидлар билан даволанган кекса ёшли пациентларда пайларни (ахиллов пайларини) узилиши холати кузатилиши мумкин.

Ҳомиладорлик ва лактация вақтида препаратни буюриш мумкин эмас. 

Хомиладорларда ципрофлоксацинни хавфсизлиги аниқланмаган. Хайвонларда ўтказилган текширув натижалари асосида чақалоқларнинг бўғим тоғайига ножўя таъсирини бутунлай инкор қилиб бўлмайди, шунинг учун хомиладорларга ципрофлоксацин буюриш мумкин эмас.  

Ципрофлоксацин кўкрак сути билан ажралиб чиқади. Чақалоқларда бўғим тоғайини шикастлаш хавфи юқорилиги сабабли ципрофлоксацин эмизикли аёлларга буюрилмайди.

Ципрофлоксацинни 18 ёшгача бўлган болаларда бошқа инфекцияларни даволаш учун қўллаш тавсия қилинмайди. Фақат ўпка муковисцидози бўлган болаларда (5 ёшдан 17 ёшгача) Pseudomonas aeruginosa чақирган асоратларини ва куйдиргининг ўпка шаклини (Bacillus anthracis инфицирланиш тасдиқланган ёки гумон қилинган холда) олдини олиш ва даволаш учун қулланилади.

ЦИПРОФЛОКСАЦИН-НИКА ни қабул қилаётган пациентлар, автомобилни ҳайдаш ва юқори диққатни ва тезкор психомотор реакцияларни талаб қилувчи бошқа потенциал хавфли фаолият турлари билан шуғулланишда эҳтиёткорликка риоя қилишлари керак.

Препарат болалар олаолмайдиган жойда сақлансин ва яроқлилик муддати ўтгач қўлланилмасин. 

 

 

QT интервалини узайишига олиб келувчи дори воситалар (мисол учун, I А ёки III синф антиаритмик препаратлар, трициклик антидепрессантлар, макролидлар, нейролептиклар) қабул қилаётган пациентлар ципрофлоксацин ва бошқа фторхинолонларни эхтиёткорлик  билан бирга қабул қилиш керак.

Таблетка шаклидаги ципрофлоксацинни ва катион сақловчи препаратларни, минерал қўшимчаларни – кальций, магний, алюминий, темир, сукральфат сақловчи, антацид, полимер фосфат бирикмалар (жумладан, севеламер, лантан каронат) ва катта буфер сиғимли препаратлар (диданозин таблеткаси) – магний, алюминий ёки кальций сақловчи препаратлар билан биргаликда қабул қилиш ципрофлоксацинни сўрилишини камайтиради. Бундай холларда ципрофлоксацинни 1-2 соат олдин ёки бу препаратларни кабул қилгандан 4 соатдан сўнг қабул қилиш керак.

Бу холат Н2-гистамин рецепторларини блокловчи синф препаратларига таалуқли эмас.

Овқат ва сутли махсулотлар қабул қилиш

Ципрофлоксацинни минераллар билан бойитилган (мисол учун, сут, йогурт, кальций билан бойитилган апельсин шарбати) сутли махсулотлар ёки ичимликлар билан биргаликда кабул қилиниши ципрофлоксацинни сўрилишини камайишига олиб келади. Лекин бошқа озуқа махсулотлари таркибига кирувчи кальций ципрофлоксацинни сўрилишига таъсир қилмайди.

Ципрофлоксацин ва омепразол бир вақтда қўлланганида плазмада препаратнинг максимал концентрациясини бироз пасайиши ва «концентрация-вақт» фармакокинетик эгри чизиғи ости майдонини камайиши кузатилиши мумкин.  

Бир вақтда ципрофлоксацинни теофиллин сақловчи препаратлар билан биргаликда қўллаш, теофилинни қон плазмасидаги концентрациясини ошишига олиб келади, натижада теофиллин-индуцирланган ножўя таъсирга олиб келади; жуда кам холларда бу ножўя таъсир бемор хаётига хавф туғдириши мумкин. Агарда бу икки препаратни биргаликда ишлатиш зарурати бўлса, унда теофилинни қондаги концентрациясини доимо назорат қилиб туриш керак, зарурат бўлса теофилинни дозасини камайтириш.

Бир вақтда ципрофлоксацинни ва кофеинни ёки пентоксифилинни (окспентифиллин) қўллаш қон плазмасида ксантин унумларини концентрациясини ошишига олиб келади. 

Жуда катта дозаларда хинолонларни (ДНК-гираза ингибиторлари) ва баъзи ностероид яллиғланишга қарши препаратларни (ацетилсалицил кислотасидан ташқари) биргаликда қўшиб ишлатиш тиришишларни ривожланиш хавфини оширади.

Ципрофлоксацин ва циклоспорин сақловчи препаратларни бир вақтда қўллаш, қон плазмасида креатинин миқдорини қиска вақтли ошиши кузатилган. Бундай ҳолларда қондаги креатинин миқдорини хафтада икки марта аниқлаш керак.

Ципрофлоксацин ва перорал гипогликемик препаратларини бир вақтда қўллаш, асосан сульфонилмочевина (глибенкламид, глимепирид), гипогликемия холати перорал гипокликемик препаратлар самараси ошиши билан боғлиқ.

Пробенецид ципрофлоксацинни буйракдан чиқиш тезлигини камайтиради. Ципрофлоксацинни ва пробенецид сақловчи препаратларни биргаликда ишлатиш ципрофлоксацинни қон плазмасидаги миқдорини ошишига олиб келади.

Ципрофлоксацин ва фенитоин бир вақтда қўллаш натижасида қон плазмасида фенитоинни миқдорини ўзгариши (ошиши ва пасайиши) кузатилган. Фенитоинни қон плазмасидаги миқдорини икки препарат бир вақтда қўлланилиш вақтида ва биргаликдаги давони тугатилгандан сўнг хам қисқа вақт давомида текшириб туриш керак.

Бир вақтда ципрофлоксацин қўлланганида метотрексатнинг буйрак метаболизми секинлашиши мумкин, бу қон плазмасида метотрексатнинг концентрациясини ошиши билан бирга кечади. Метотрексатнинг ножўя самараларининг ривожланишини эҳтимоли ошади. Шунинг учун метотрексат ва ципрофлоксацин бир вақтда қўлланганда пациентлар доимий назоратга олиниши керак.

Соғлом кўнгиллиларда ўтказилган текширишлар кўрсатдики, ципрофлоксацин ва тизанидин сақловчи препаратларни бир вақтда қўллаш, тизанидинни қон плазмасидаги миқдорини ошиши кузатилган: тизанидиннинг Сmax ни 7 марта (4 дан 21 мартагача) ва «концентрация вақт» фармакологик эгри чизиғи остидаги майдонни (AUC) 10 марта (6 дан 24 мартагача) оширади. Тизанидинни қон плазмасидаги миқдорини ошиши артериал босимни яққол пасайишига ва уйқучанликка олиб келиши мумкин. Шу сабабли, ципрофлоксацин ва тизанидин сақловчи препаратларни биргаликда қўллаш мумкин эмас.

Клинник тадқиқотлар ўтказиш вақтида дулоксетин ва CYP450 1A 2 изоферментининг кучли ингибиторларини (флувоксамин каби) бир вақтда қўллаш, дулоксетиннинг AUC ва Cmax ни ошишига олиб келган. Ципрофлоксацин билан мумкин бўлган ўзаро таъсирининг клиник маълумотларини йўқлигига қарамасдан, ципрофлоксацин ва дулоксентин бир вақтда қўлланганида бундай ўзаро таъсирнинг эҳтимолини олдиндан кўра билиш мумкин.

Ропиринол ва AUC CYP450 1A 2 нинг ўртача ингибитори ципрофлоксацинни бир вақтда қўллаш, ропиринолнинг Cmax ва AUC ни мувофиқ 60% ва 84% га ошишига олиб келади. Ципрофлоксацин билан бирга қўлланш вақтида ва мажмуавий даволаш якунланганидан кейин, ропиренолнинг ножўя самараларини назорат қилиш керак.

Соғлом кўнгиллиларда ўтказилган текширишлар кўрсатдики, лидокаин ва CYP450 1A 2 нинг ўртача ингибитори ципрофлоксацинни бир вақтда қўллаш, лидокаинни вега ичига қилинганда унинг клиренсини 22% га тушишига олиб келади.

Лидокаинни ципрофлоксацин билан бир вақтда ишлатилишида яхши кўтара олишига қарамасдан, уларни ўзаро таъсири хисобига ножўя таъсири кучайиши мумкин.

Клозапин ва ципрофлоксацин 250 мг дозада 7 кун давомида бир вақтда қўлланганида клозапин ва N-дезметилклозапиннинг зардобдаги концентрациялари мувофиқ 29% ва 31% га ошиши мумкин (уни ципрофлоксацин билан қўллаш вақтида ва мажмуавий даволаш якунланганидан кейин қисқа вақт давомида клозапиннинг дозалаш тартибини тўғирлаш керак).

Ципрофлоксацин 500 мг дозада ва силденафил 50 мг дозада бир вақтда қўлланганида, силденафилнинг Cmax ва AUC 2 марта ошиши аниқланган. Шу сабабли бу мажмуани фақат фойда/хавф нисбати баҳоланганидан кейин қўллаш мумкин.

Ципрофлоксацин ва витамина К антагонистлари (мисол учун, варфарин, аценокумарол, фенпрокумон, флуиндон) бир вақтда қўлланганида антикоагулянт таъсирини ошишига олиб келади. Бу самара ёндош инфекция, ёш ва пациентни умумий ахволига қараб ўзгариши мумкин, шунинг учун ципрофлоксацинни ХНН (халқаро нормаллаштирувчи нисбат) ошишига таъсирини бахолаш қийинчилик туғдиради. Ципрофлоксацин ва витамина К антагонистлари бир вақтда қўлланганида ХННни тез тез назорат қилиб туриш керак, жумладан биргаликдаги даво тугагандан сўнг қисқа вақт давомида. 

Клиник синовларда маълум бўлишича, флувоксамин CYP450 1A 2 изоферментининг кучли ингибитори бўлиб агомелатин метаболизмини қисман ингибирлайди, бу эса агомелатинни таъсирини 60 баравар ошишига олиб келади. Ципрофлоксацин билан мумкин бўлган ўзаро таъсирининг клиник маълумотларини йўқлигига қарамасдан, CYP450 1A 2 изоферментининг ўртача ингибитори, ципрофлоксацин ва агомелатин бир вақтда қўлланганида бундай ўзаро таъсирнинг эҳтимолини олдиндан кўра билиш мумкин.

Ципрофлоксацин ва золпидемни биргаликда ишлатиш тавсия қилинмайди, чунки золпидемни қон плазмасидаги миқдорини ошишига олиб келиши мумкин.

 

 

Буйракларга қайтувчи токсик таъсири аниқланган. Специфик антидоти номаълум. Беморнинг ҳолатини синчиклаб назорат қилиш, меъдани ювиш, шошилинч ёрдамнинг одатдаги чоралари, етарлича суюқлик киришини таъминлаш керак. Гемо- ва перитонеал диализ ёрдамида препаратнинг фақат жуда кам миқдори (10% дан камроқ) чиқарилиши мумкин.