1 g kremda: Faol modda: Dekspantenol – 45 mg. Yordamchi modda: D,L-pantolakton, Fenoksietanol, Kaliy tsetilfosfat (amfizol K), Stearil spirti, Lanolin, Izopropilmiristat, Propilenglikol, Tozalangan suv.

Teri qurishini oldini olish, mayda shikastlanishlardan (yoriqlar va boshqalar), shu jumladan sut bezlari so‘rg‘ichining yoriqlaridan himoya qilish uchun. Shuningdek, chaqaloqlar va go‘daklar terisini parvarish qilish vositasi sifatida tavsiya etiladi (to‘shama, taglik toshmasi, yoriqlar va qizarishlar). Kosmetik vosita sifatida terining elastikligi, silliqligini saqlash, ortiqcha ajinlanish, qurish va yorilishdan himoya qilish uchun. Quyosh nurlari, shamol (yozgi davr, alpinizm va boshqalar) kuchli ta’sir qilganda teri butligini saqlash uchun. Ayniqsa, kasbiy faoliyati zararli omillar (insolyatsiya, sovuq, mayda jarohatlar, kimyoviy moddalar) bilan uzoq muddatli kontaktga bog‘liq bo‘lgan shaxslarga tavsiya etiladi.

Krem komponentlariga individual toqat qilmaslik.

Tashqi qo‘llanadi. Krem shikastlangan yuzaga yupqa qatlamda surtiladi va yengil uqalab singdiriladi. 1-2 marta/kun qo‘llaniladi.

B guruhi vitamini hisoblanadi — pantoten kislotasining hosilasi, muhim biologik birikmalar (koenzim A, atsetilxolin, kortikosteroidlar) sintezi uchun zarur, organizm metabolizmida, hujayra almashinuvini normallashtirishda ishtirok etadi, shuningdek, shikastlangan teri va shilliq qavatlarning shakllanishi va bitishida muhim rol o‘ynaydi. Teri va shilliq qavatlarning regeneratsiyasini rag‘batlantiradi, kollagen tolalarining mustahkamligini oshiradi. Pantoten kislotasiga ehtiyoj ayniqsa teri yoki to‘qimalar shikastlanganda ortadi, uning yetishmasligini esa dekspantenolni mahalliy qo‘llash orqali to‘ldirish mumkin. Regeneratsiyalovchi, metabolik va kuchsiz yallig‘lanishga qarshi ta’sir ko‘rsatadi.