Glyukokortikosteroid (GKS) terapiyasiga bo‘ysunuvchi yallig‘lanishli teri kasalliklari, ekzema (atopik, bolalar, tangachali), kontakt dermatit, seborey dermatit, neyrodermit, quyosh dermatiti, eksfoliativ dermatit, nurlanish dermatiti, intertriginoz dermatit, psoriaz, anogenital va keksalik qichishishi.

Preparatning har qanday komponentiga yuqori sezuvchanlik. Homiladorlik (yuqori dozalarda qo‘llash, uzoq muddatli davolash). Laktatsiya davri. Bolalar yoshi – 6 oygacha.

Tashqi. Tselestoderm-V mazini zararlangan joylarga holat og‘irligiga qarab kuniga 1-3 marta yupqa qatlamda surtish kerak. Ko‘pgina hollarda samaraga erishish uchun kuniga 1-2 marta surtish yetarli bo‘ladi.

Betametazon sitokinlar va yallig‘lanish mediatorlarining ajralishini to‘xtatish, araxidon kislotasi almashinuvini kamaytirish, shishka qarshi faollikka ega bo‘lgan lipokortinlar hosil bo‘lishini induktsiyalash, tomirlar o‘tkazuvchanligini pasaytirish orqali yallig‘lanishga va allergiyaga qarshi ta’sir ko‘rsatadi. Ushbu glyukokortikosteroid (GKS) ning yog‘siz, hidsiz, kiyimda iz qoldirmaydigan, oson yuviladigan maz asosidagi mikrodispersiyasi teriga samarali kirib borishini va tez ta’sir boshlanishini ta’minlaydi.