Bitta tabletkada quyidagilar mavjud:
Faol modda: tsefpodoksim proksetil tsefpodoksimga ekvivalent 100 mg va 200 mg. Yordamchi moddalari: mikrokristallik tsellyuloza, izopropil spirti, magniy stearati, talk, natriy lauril sulfat, laktosa, metilen xlorid.
Tavsifi: dumaloq, biroz ikki tomoni qavariq, krem rangli plyonka qoplamali tabletkalar. Dog‘lar bo‘lishi mumkin.

Tsefpod sezgir mikroorganizmlar chaqirgan kasalliklarni davolashda qo‘llaniladi:
• Nafas yo‘llari infeksiyalari - bronxit, bronxoektaziya, pnevmoniya, plevrit.
• Quloq, tomoq, burun infeksiyalari – tonzillit, faringit, laringit, sinusit, otit, epiglotit.
• Terining va yumshoq to‘qimalarning infeksiyalari - limfangit, abstsess, sellulit, yotgan joy yaralari, mastit, furunkulyoz, karbunkullar, ro‘jli yallig‘lanish.
• Buyrak va siydik chiqarish yo‘llari infeksiyalari - pielonefrit, tsistit.
• Adneksit, endometrit.
• Jinsiy a’zolar infeksiyalari - gonoreya, uretrit.
• Immun tizimi faoliyati pasaygan bemorlardagi infeksiyalar.
• Qorin bo‘shlig‘i infeksiyalari (peritonit, oshqozon-ichak trakti va o‘t yo‘llarining yallig‘lanish kasalliklari).
• Jarrohlikda infeksiyalarni oldini olish va davolash.

Sephalosporinlarga yuqori sezuvchanlik.
Penitsillin qatoridagi antibiotiklarga allergik reaksiyalar bo'lgan bemorlarga ehtiyotkorlik bilan buyuriladi. Gistamin H2-reseptorlarini bloklovchi preparatlar, antatsid preparatlar tsefpodoksimning biologik mavjudligini kamaytiradi.

Kattalar va 12 yoshdan katta, tana vazni 50 kg dan ortiq bo'lgan bolalar uchun sutkalik doza 400 mg ni tashkil etadi (1 marta/sut yoki 200 mg dan 2 marta/sut). Davolash kursining davomiyligi 7-10 kun.
Oddiy kechuvchi siydik chiqarish kanali va bachadon bo'yni gonoreyasida 400 mg bir marta buyuriladi.
12 yoshgacha bo'lgan bolalarga preparat suspenziya ko'rinishida tana vazniga 8 mg/kg 1 marta/sut yoki 4 mg/kg har 12 soatda buyuriladi.
5-11 yoshli bolalarda sutkalik doza 8-10 ml suspenziya, 2-4 yoshda - 5 ml, 6 oylikdan 1 yoshgacha - 2,5-4 ml.
Streptococcus pyogenes chaqirgan infeksiyalarda davolash kursi kamida 10 kun bo'lishi kerak.
Buyrak funksiyasi buzilganda (KK 21 dan 60 ml/min gacha) yoki gemodializda bo'lgan bemorlarda sutkalik doza 25% ga kamaytiriladi. KK 20 ml/min bo'lsa yoki peritoneal dializda bo'lgan bemorlarda sutkalik doza 2 marta kamaytiriladi.
Hozirgi vaqtda 6 oylikkacha bo'lgan chaqaloqlarda tsefpodoksim samaradorligi va xavfsizligi bo'yicha ma'lumotlar yo'q.

Ovqat hazm qilish tizimi tomonidan:
- diareya, ko'ngil aynishi, qusish, qorin og'rig'i bo'lishi mumkin.

Dermatologik reaksiyalar:
- kamdan-kam hollarda - o'tkinchi teri toshmalari va qichishish.

Markaziy asab tizimi tomonidan:
- kamdan-kam hollarda - bosh og'rig'i.

Laborator ko'rsatkichlar tomonidan:
- kamdan-kam hollarda - jigar transaminazalari va SHF faolligining o'tkinchi o'rtacha oshishi, qonda siydik miqdori va kreatinin darajasining biroz oshishi;
- alohida hollarda - trombotsitoz, trombotsitopeniya, leykopeiya va eozinofiliya.

CEFПOD transpeptidazani susaytiradi va bakteriya hujayra devorining mukopeptid biosintezini to‘xtatadi. Beta-laktamazalarga chidamli, kislotali muhitda yemirilmaydi. Tsefpodoksim proksetil (prolek) ko‘rinishida qo‘llaniladi. U oshqozon-ichak traktidan so‘riladi va deesterifikatsiyalanib tsefpodoksim hosil qiladi.
Ko‘plab gram-musbat va gram-manfiy mikroorganizmlarga nisbatan faol: Staphylococcus aureus (penitsillinaza ishlab chiqaruvchi, lekin metitsillinrezistent shtammlar bundan mustasno), Staphylococcus saprophyticus, Streptococcus pneumoniae, Streptococcus pyogenes, Streptococcus agalactiae, Streptococcus spp. (C, F, G guruhlari), Escherichia coli, Haemophilus influenzae (beta-laktamaza ishlab chiqaruvchi shtammlar jumladan), Klebsiella pneumoniae, Moraxella catarrhalis, Neisseria gonorrhoeae (shu jumladan penitsillinaza ishlab chiqaruvchi shtammlar), Proteus mirabilis, Citrobacter diversus, Haemophilus parainfluenzae, Klebsiella oxytoca, Proteus vulgaris, Providencia rettgeri, anaeroblar (Peptostreptococcus magnus).

Nefrotoksik preparatlar bilan birga qo'llanganda buyrak funksiyasini nazorat qilish tavsiya etiladi. Disbakterioz va superinfeksiya rivojlanishi mumkinligini hisobga olish kerak (odatda uzoq muddatli buyurilganda).
Penitsillin qatoridagi antibiotiklarga allergik reaksiyalar bo'lgan bemorlarga preparat ehtiyotkorlik bilan buyuriladi. Davolash davrida Kumbs reaksiyasining ijobiy bo'lishi mumkin.

 

Gistamin H2-retseptor blokatorlari (ranitidin, tsimetidin va boshqalar) va antasid preparatlar (alyuminiy gidroksidi va natriy bikarbonat) so‘rilish to‘liqligini (lekin tezligini emas) va Cmax ni 27–32% ga kamaytiradi.

Peroral antixolinesteraza vositalari so‘rilish intensivligi va Cmax ga erishish vaqtini (47% ga) oshiradi. Probenetsid buyrak orqali chiqarilishni susaytiradi, AUC ni 37% ga oshiradi, Cmax ni -20% ga kamaytiradi.

Pетle diuretiklar (furosemid va boshqalar) (o‘zaro) nefrotoksikligini oshiradi.