Oqdan sarg‘ish ranggacha bo‘lgan kukun.

1 flakon tarkibida: faol modda: tsefotaksim natriy - 250 mg, 500 mg yoki 1000 mg.

Preparatga sezgir mikroorganizmlar chaqirgan og‘ir kechuvchi infeksiyalar: Markaziy asab tizimi infeksiyalari (meningit), nafas yo‘llari va LOR-organlari infeksiyalari, siydik chiqarish yo‘llari infeksiyalari, suyaklar, bo‘g‘imlar, teri va yumshoq to‘qimalar infeksiyalari, kichik chanoq a’zolari infeksiyalari (shu jumladan xlamidioz, gonoreya), infeksiyalangan yaralar va kuyishlar, peritonit, septitsemiya, bakteriemiya, abdominal infeksiyalar, endokardit, Laym kasalligi, tifoz isitmasi, immunitet yetishmovchiligi fonidagi infeksiyalar, jarrohlik amaliyotlaridan keyingi infeksiyalar profilaktikasi (shu jumladan urologik, akusher-ginekologik, me’da-ichak trakti operatsiyalaridan keyin).

Preparatga yuqori sezuvchanlik (shu jumladan, penisillinlar, boshqa sefalosporinlar, karbapenemlar, lidokain), homiladorlik, 2,5 yoshgacha bo‘lgan bolalar (mushak ichiga yuborish), anamnezda qon ketishlar, enterokolitlar.Muayyan ehtiyotkorlik bilan: yangi tug‘ilgan chaqaloqlar, surunkali buyrak yetishmovchiligi bo‘lgan bemorlar, noaniq yarali kolit (shu jumladan, anamnezda).Agar zarurat tug‘ilsa, preparatni homiladorlik davrida qo‘llash faqat onaga kutilayotgan foyda homilaga bo‘lgan potentsial xavfdan ustun bo‘lsa mumkin.Tsefotasim ko‘krak suti bilan ajraladi, shuning uchun preparat laktatsiya davrida buyurilganda emizishni to‘xtatish kerak.

Preparatni v/m va v/v (struyno yoki kapelno) buyuriladi. Kattalar va tana vazni 50 kg va undan ortiq bo‘lgan bolalarga: asoratsiz infeksiyalarda, shuningdek, siydik chiqarish yo‘llari infeksiyalarida – v/m va v/v, har 8-12 soatda 1 g; asoratsiz o‘tkir gonoreyada – v/m, 1,0 g bir marta; o‘rtacha og‘irlikdagi infeksiyalarda – v/m yoki v/v, har 12 soatda 1,0-2,0 g, infeksiya og‘ir kechganida, masalan, meningitda – v/v, har 4-8 soatda 2,0 g, maksimal sutkalik doza – 12 g. Davolash davomiyligi individual belgilanadi. Infeksiyalar rivojlanishining oldini olish maqsadida jarrohlik amaliyotidan oldin umumiy narkoz kiritilishi vaqtida bir marta 1,0 g yuboriladi. Zarurat tug‘ilganda 6-12 soatdan so‘ng takroran yuboriladi. Kesarcha kesishda – kindik venasiga qisqich qo‘yish paytida – v/v, 1,0 g, so‘ng birinchi dozadan 6 va 12 soat o‘tib qo‘shimcha 1,0 g dan yuboriladi. Kreatinin klirensi (K/K) 20 ml/min/1,73 m² va undan kam bo‘lsa, sutkalik doza 2 baravar kamaytiriladi. Muddatidan oldin tug‘ilgan va 1 haftagacha bo‘lgan yangi tug‘ilgan chaqaloqlarga – v/v, har 12 soatda 50 mg/kg; 1-4 haftalik yoshda – v/v, har 8 soatda 50 mg/kg; tana vazni 50 kg gacha bo‘lgan bolalarga – v/v yoki v/m (2,5 yoshdan katta bolalarga), 50-180 mg/kg 4-6 marta yuboriladi. Infeksiyalar og‘ir kechganida, shu jumladan meningitda, bolalarga sutkalik doza 100-200 mg/kg gacha oshiriladi, v/m yoki v/v, 4-6 marta, maksimal sutkalik doza – 12 g. Inyeksion eritmalar tayyorlash: v/v inyeksiya uchun erituvchi sifatida inyeksiya uchun suv ishlatiladi (1,0 g 4 ml erituvchida eritiladi); v/v infuziyalar (kapelno) uchun erituvchi sifatida 0,9% natriy xlorid eritmasi yoki 5% dekstroza eritmasi ishlatiladi (1,0 g 50-100 ml erituvchida eritiladi). Infuziya davomiyligi – 50-60 daqiqa. V/m yuborish uchun inyeksiya uchun suv yoki 1% lidokain eritmasi ishlatiladi (preparat dozasiga 1,0 g – 4 ml). Lidokain saqlovchi eritmani tomir ichiga yuborish mumkin emas!

Allergik reaksiyalar: eshakemi, sovuq urishi yoki isitma, toshma, teri qichishishi, kamdan-kam hollarda - bronxospazm, eozinofiliya, yomon sifatli ekssudativ eritema (Stivens-Djonson sindromi), toksik epidermal nekroliz (Layell sindromi), angionevrotik shish, anafilaktik shok.Nerv tizimi tomonidan: bosh og‘rig‘i, bosh aylanishi.Siydik ajratish tizimi tomonidan: buyrak funksiyasining buzilishi, oliguriya, interstitsial nefrite.Oshqozon-ichak tizimi tomonidan: ko‘ngil aynishi, qusish, diareya yoki qabziyat, meteorizm, qorin og‘rig‘i, disbakterioz, jigar funksiyasining buzilishi, kamdan-kam hollarda - stomatit, glossit, soxta membranoz enterokolit.Qon hosil qiluvchi organlar tomonidan: leyopeniya, neytropeniya, granulositopeniya, trombotsitopeniya, gemolitik anemiya, gipokoagulyatsiya.Yurak-qon tomir tizimi tomonidan: markaziy venaga tez bolyus yuborilganda hayot uchun xavfli aritmiyalar.Mahalliy reaksiyalar: flebit, vena bo‘ylab og‘riq, mushak ichiga yuborish joyida og‘riq va infiltrat.Laborator ko‘rsatkichlar: azotemiya, qonda mochevina konsentratsiyasining oshishi, "jigar" transaminazalari va ishqoriy fosfataza faolligining oshishi, giperkreatininemiya, giperbilirubinemiya, ijobiy Kumbs reaksiyasi.Boshqalar: superinfeksiya (xususan, kandidozli vaginit).

Tsefalosporin antibiotigi III avlod, parenteral yuborish uchun. Bakteritsid ta'sir ko‘rsatadi, mikroorganizmlar hujayra devori sintezini buzadi. Keng ta'sir doirasiga ega. Gram-musbat va gram-manfiy mikroorganizmlarga nisbatan faol, boshqa antibiotiklarga chidamli: Staphylococcus spp. (shu jumladan Staphylococcus aureus, penitsillinaza hosil qiluvchi shtammlar jumlasidan), Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Enterococcus species, Enterobacter spp., Escherichia coli, Haemophilus influenzae (shu jumladan penitsillinaza hosil qiluvchi shtammlar), Haemophilus parainfluenzae, Klebsiella spp. (shu jumladan Kl. pneumoniae), Morganella morganii, Neisseria gonorrhoeae (shu jumladan penitsillinaza hosil qiluvchi shtammlar), Acinetobacter species, Corynebacterium diphtheriae, Erysipelothrix insidiosa, Eubacterium spp., Propionibacterium spp., Bacillus subtilis, Clostridium spp. (shu jumladan Clostridium perfringens), Escherichia coli, Citrobacter spp., Proteus mirabilis, Proteus indole, Proteus vulgaris, Providencia spp. (shu jumladan Providencia rettgeri), Serratia spp., Pseudomonas aeruginosa, Neisseria meningitidis, Bacteroides spp. (shu jumladan ayrim Bacteroides fragilis shtammlari), Fusobacterium spp. (shu jumladan Fusobacterium nucleatum), Peptococcus spp., Peptostreptococcus spp. Gram-musbat va gram-manfiy mikroorganizmlarning ko‘pchilik beta-laktamazalariga, stafilokokklarning penitsillinazasiga, Clostridium difficile ga chidamli. Farmakokinetika Bir martalik vena ichiga (v/i) 1,0 g yuborilganda maksimal konsentratsiya (Cmax) 5 daqiqada erishiladi va 100 mkg/ml ni tashkil etadi. Mushak ichiga (m/i) 1 g yuborilganda Cmax 0,5 soatda erishiladi va 21 mkg/ml ni tashkil etadi. Plazma oqsillari bilan bog‘lanishi - 25-40%. Organizmning ko‘pchilik to‘qimalarida (miokard, suyaklar, o‘t pufagi, teri, yumshoq to‘qimalar) va suyuqliklarida (sinovial, perikardial, plevral, balg‘am, o‘t, siydik, orqa miya suyuqligi) terapevtik konsentratsiyalar hosil qiladi. Taqqoslash hajmi (Vd) 0,25 - 0,39 l/kg. Yarim chiqarilish davri (T1/2) v/i yuborilganda 1 soat, m/i yuborilganda 1-1,5 soatni tashkil etadi. Buyraklar orqali chiqariladi - 60-70% o‘zgarmagan holda, qolgan qismi metabolitlar ko‘rinishida. Surunkali buyrak yetishmovchiligi va keksalarda T1/2 2 barobar oshadi. Yangi tug‘ilgan chaqaloqlarda T1/2 - 0,75-1,5 soat, muddatidan oldin tug‘ilgan chaqaloqlarda 4,6 soatgacha oshadi. 1,0 g dozada har 6 soatda 14 kun davomida takroriy v/i yuborilganda kumulyatsiya kuzatilmaydi. Plasentar to‘siqdan o‘tadi va ko‘krak suti tarkibiga o‘tadi.

Belgilar: tutqanoq, ensefalopatiya (katta dozalarda, ayniqsa buyrak yetishmovchiligi bo‘lgan bemorlarda), tremor, nerv-mushak qo‘zg‘aluvchanligi.Davolash: simptomatik, maxsus antidot yo‘q.

Dastlabki haftalarda og‘ir va uzoq davom etuvchi diareya bilan namoyon bo‘ladigan soxta membranoz kolit rivojlanishi mumkin. Bunda preparat qabul qilinishini to‘xtatish va adekvat terapiya, shu jumladan vankomitsin yoki metronidazol buyuriladi.Anamnezida penisillinlarga allergik reaksiyalar bo‘lgan bemorlarda sefalosporin antibiotiklarga yuqori sezuvchanlik bo‘lishi mumkin.Preparat bilan 10 kundan ortiq davolashda qon shaklli elementlari sonini nazorat qilish zarur.Tsefotasim bilan davolash vaqtida soxta ijobiy Kumbs testi va siydikda glyukozaga soxta ijobiy reaksiya bo‘lishi mumkin.Tsefotasim va etanol bir vaqtda qo‘llanganda disulfiramga o‘xshash reaksiyalar (yuzning qizarishi, oshqozon sohasida spazm, ko‘ngil aynishi, qusish, bosh og‘rig‘i, arterial bosimning pasayishi, taxikardiya, nafas qisilishi) rivojlanishi mumkin.

Antiagregantlar, nosteroid yallig‘lanishga qarshi preparatlar bilan birga qo‘llanganda qon ketish xavfini oshiradi. Aminoglikozidlar, polimiksin V va "halqali" diuretiklar bilan bir vaqtda qabul qilinganda buyrak zararlanishi ehtimoli oshadi. Kanalchali sekretsiyani bloklovchi dori vositalari tsefotaksimning plazmadagi kontsentratsiyasini oshiradi va uning chiqarilishini sekinlashtiradi. Farmatsevtik jihatdan boshqa antibiotiklarning eritmalari bilan bir shprits yoki tomchilatkichda mos kelmaydi.