Bitta flakon tarkibida: tsefepim – 1 g (tsefepim gidroxloridi va L-arginin ko‘rinishida). Yordamchi moddalarning to‘liq ro‘yxati 6.1-bo‘limda keltirilgan.

Kattalar Mos mikroorganizmlarning sezgir shtammlari keltirib chiqargan infeksiyalarni davolash: - Streptococcus pneumoniae tomonidan chaqirilgan (o‘rtacha og‘irlikdan og‘ir darajagacha) pnevmoniya, shu jumladan bir vaqtda bakteriemiya holatlari, Pseudomonas aeruginosa, Klebsiella pneumonia yoki Enterobacter turlari; - Neytropenik isitma bilan kasallangan bemorlarning empirik terapiyasi. Tsepefim monoterapiya sifatida febril neytropeniya bilan kasallangan bemorlarni empirik davolash uchun ko‘rsatilgan. Og‘ir infeksiya xavfi yuqori bo‘lgan bemorlarda (shu jumladan yaqinda suyak iligi transplantatsiyasini boshdan kechirgan bemorlarda (bu bemorlarda tsepefim monoterapiyasining samaradorligini tasdiqlovchi ma’lumotlar yetarli emas; zarur bo‘lsa, bemorning individual xavf profilini hisobga olgan holda aminoglikozidlar yoki glikopeptidlar guruhiga mansub antibiotiklar bilan kombinatsiyalangan terapiya tavsiya etiladi), gipotoniyada, gematologik yomon sifatli o‘smada, og‘ir yoki uzoq davom etuvchi neytropeniyada) – kombinatsiyalangan terapiya tarkibida; - Escherichia coli yoki Klebsiella pneumoniae tomonidan chaqirilgan har qanday og‘irlikdagi murakkablanmagan va murakkab siydik yo‘llari infeksiyalari (shu jumladan pielonefrit), shuningdek Proteus mirabilis tomonidan chaqirilgan yengil va o‘rtacha og‘irlikdagi infeksiyalar, shu jumladan ushbu mikroorganizmlar bilan bir vaqtda bakteriemiya holatlari; - Staphylococcus aureus (faqat metitsillin sezgir shtammlar) yoki Streptococcus pyogenes tomonidan chaqirilgan murakkablanmagan teri va uning tuzilmalari infeksiyalari; - Echerichia coli, viridens guruhi streptokokklari, Pseudomonas aeruginosa, Klebsiella pneumoniae, Enterobacter turlari yoki Bacteroides fragilis tomonidan chaqirilgan murakkab intraabdominal infeksiyalar (metronidazol bilan birga). Bolalar Tsepefimga sezgir mikroorganizmlar keltirib chiqargan infeksiyalar: - yuqorida ko‘rsatilgan infeksiyalardan biri bilan bog‘liq yoki taxminan bog‘liq bakteriemiya; - og‘ir pnevmoniya; - og‘ir siydik yo‘llari infeksiyalari; - bakterial meningit; - o‘rtacha (neytrofillar < 1000/mm3) yoki og‘ir (neytrofillar ≤ 500/mm3) neytropeniya bilan kasallangan bemorlarda febril epizodlarni empirik davolash. Og‘ir infeksiya xavfi yuqori bo‘lgan bemorlarda (masalan, yaqinda suyak iligi transplantatsiyasi o‘tkazilgan, boshlang‘ich arterial bosimi past, onkogematologik kasalliklar yoki og‘ir yoki uzoq davom etuvchi neytropeniya) antimikrob monoterapiya qo‘llanilmaydi. Bunday bemorlarda tsepefim monoterapiyasining samaradorligi bo‘yicha mavjud ma’lumotlar yetarli emas. Zarur bo‘lsa, bemorning individual xavf profilini hisobga olgan holda aminoglikozidlar yoki glikopeptidlar guruhiga mansub antibiotik bilan kombinatsiyalangan terapiya tavsiya etiladi. Dori vositalariga chidamli bakteriyalar rivojlanishini kamaytirish va Tsepefim hamda boshqa antibakterial preparatlarning samaradorligini saqlab qolish uchun dori vositasi faqat sezgir bakteriyalar keltirib chiqargan infeksiyalarni davolash uchun qo‘llanilishi kerak. Agar madaniyat va sezgirlik haqidagi ma’lumotlar mavjud bo‘lsa, preparat faqat sezgir bakteriyalar keltirib chiqargan infeksiyalarni davolash uchun qo‘llanilishi kerak. Bunday ma’lumotlar bo‘lmaganda, empirik terapiya tanloviga epidemiologik ma’lumotlar yordam berishi mumkin.

Tsefepim yoki L-argininga, shuningdek, tsefalosporin antibiotiklariga, penisillinlarga yoki boshqa β-laktam antibiotiklariga yuqori sezuvchanlik. 1 oylikgacha bo‘lgan bolalar yoshi. L-arginin tarkibi tufayli ushbu preparat L-argininga va atsidozga yuqori sezuvchanligi bo‘lgan bemorlarga ham qarshi ko‘rsatilgan. Shuning uchun giperkaliemiya holatlarida ehtiyotkorlik tavsiya etiladi.

Vena ichiga (v/v), mushak ichiga (v/m). Dozalar va yuborish yo‘li qo‘zg‘atuvchilarning sezuvchanligi, infeksiya og‘irligi, buyrak funksiyasi holati va bemorning umumiy holatiga bog‘liq. Vena ichiga yuborish hayot uchun xavfli yoki og‘ir infeksiyali bemorlarga, ayniqsa, sepsis shok xavfi bo‘lsa, tavsiya etiladi. Kattalar va tana vazni 40 kg dan ortiq bo‘lgan bolalar, buyrak funksiyasi normal bo‘lsa: - siydik chiqarish yo‘llari infeksiyalari yengil va o‘rta og‘irlikda – 0,5-1 g v/v yoki v/m har 12 soatda; - boshqa joylardagi yengil va o‘rta og‘irlikdagi infeksiyalar – 1 g v/v yoki v/m har 12 soatda; - og‘ir infeksiyalar – 2 g v/v har 12 soatda; - juda og‘ir va hayot uchun xavfli infeksiyalar, jumladan febril neyropeniya – 2 g v/v har 8 soatda. Davolashning odatdagi davomiyligi 7-10 kun; og‘ir infeksiyalarda uzoqroq davolash talab qilinishi mumkin. Febril neyropeniya davolashda odatdagi davomiylik 7 kun yoki neyropeniya yo‘qolguncha. Jarrohlik amaliyotlarida infeksiya profilaktikasi: jarrohlik amaliyoti boshlanishidan 60 daqiqa oldin 2 g preparat vena ichiga infuzion tarzda 30 daqiqa davomida yuboriladi. Infuziya tugagandan so‘ng darhol 0,5 g metronidazol vena ichiga yuboriladi. Farmatsevtik nomutanosiblik tufayli metronidazol va tsefepim eritmalari bir infuzion flakonda aralashtirilmasligi kerak. Metronidazol yuborishdan oldin infuzion tizimni yuvish kerak. Uzoq (12 soatdan ko‘p) davom etadigan jarrohlik amaliyotlarida birinchi dozadan 12 soat o‘tgach, tsefepimni xuddi shu dozada qayta yuborish va keyin metronidazol yuborish tavsiya etiladi. 2 oylikdan boshlab tana vazni 40 kg gacha bo‘lgan bolalar: - siydik yo‘llari infeksiyalari, teri va yumshoq to‘qimalar infeksiyalari, pnevmoniya – 50 mg/kg v/v yoki v/m kuniga 2 marta 10 kun davomida; og‘ir infeksiyalarda – har 8 soatda; - febril neyropeniya, septisemiya, bakterial meningit – 50 mg/kg har 8 soatda 7-10 kun davomida. Bolalar uchun doza kattalar uchun maksimal tavsiya etilgan dozadan oshmasligi kerak – 2 g v/v har 8 soatda. Bolalarda v/m qo‘llash tajribasi cheklangan. Buyrak funksiyasi buzilgan bemorlar: buyrak yetishmovchiligida preparat dozasini kreatinin klirensiga qarab tuzatish talab qilinadi. Dozalash rejimi buyrak funksiyasi buzilish darajasi va infeksiya og‘irligiga bog‘liq. Buyrak funksiyasi yengil yoki o‘rtacha buzilgan bemorlarda tsefepimning boshlang‘ich doza miqdori normal buyrak funksiyali bemorlarnikidan farq qilmaydi. Qon zardobidagi ma’lum kreatinin konsentratsiyasiga ko‘ra, kreatinin klirensi quyidagi formula bo‘yicha hisoblanadi: Erkaklar uchun: tana vazni (kg) x (140 - yosh yillarda) Kreatinin klirensi (ml/min) 72 x zardob kreatinini (mg/100 ml) Ayollar uchun: xuddi shu formula ishlatiladi, olingan natija 0,85 ga ko‘paytiriladi. Doimiy ambulator peritoneal dializda tavsiya etilgan ushlab turuvchi dozalar – infeksiya og‘irligiga qarab 0,5 g, 1 g yoki 2 g, yuborish oralig‘i – 48 soat. Gemodializdagi bemorlar – davolashning birinchi kunida 1 g, keyin har 24 soatda 0,5 g barcha infeksiyalarda, febril neyropeniya bundan mustasno, bunda doza har 24 soatda 1 g ni tashkil etadi. Gemodializ kunlarida preparat gemodializ tugagandan so‘ng yuboriladi. Imkon qadar, yuborish har kuni bir vaqtda amalga oshiriladi. Buyrak funksiyasi buzilgan bolalarda doza kamaytirilishi yoki yuborish oralig‘i oshirilishi tavsiya etiladi (qo‘llanma qarang) Jigar funksiyasi buzilgan bemorlar: doza tuzatish talab qilinmaydi. Preparat eritmalarini tayyorlash va yuborish Vena ichiga sekin yuborish: 0,5 g yoki 1,0 g preparat mos ravishda 5 ml yoki 10 ml inyektsiya uchun suvda, 5 % dekstroza eritmasida yoki 0,9 % natriy xlorid eritmasida eritiladi (hosil bo‘lgan eritma hajmi mos ravishda 5,7 ml yoki 11,4 ml, tsefepimning taxminiy konsentratsiyasi 90 mg/ml). Vena ichiga sekin, 3-5 daqiqa davomida to‘g‘ridan-to‘g‘ri vena ichiga yoki vena ichiga yuborish tizimi orqali, mos keluvchi vena ichiga yuborish eritmasi bilan yuboriladi. Vena ichiga tomchilab yuborish: tayyorlangan eritma (yuqorida qarang) infuziya uchun mos keluvchi eritma saqlanadigan 50-100 ml flakonga o‘tkaziladi. Vena ichiga infuziya tizimi orqali kamida 30 daqiqa davomida yuboriladi. Preparat eritmalari 1-40 mg/ml konsentratsiyada quyidagi infuzion eritmalar bilan mos keladi: 0,9 % natriy xlorid eritmasi; 5 % yoki 10 % dekstroza eritmasi; 1/6 M natriy laktat eritmasi, 5 % dekstroza va 0,9 % natriy xlorid eritmasi; Ringer laktat eritmasi. Mushak ichiga yuborish: 0,5 g yoki 1,0 g preparat mos ravishda 1,5 ml yoki 3 ml inyektsiya uchun suvda, 0,9 % natriy xlorid eritmasida, bakteriostatik inyektsiya uchun suvda, 0,5 % yoki 1 % lidokain eritmasida eritiladi (hosil bo‘lgan eritma hajmi mos ravishda 2,2 ml yoki 4,4 ml, tsefepimning taxminiy konsentratsiyasi 230 mg/ml). Olingan eritma chuqur mushak ichiga, kuchli mushak qatlami bo‘lgan joylarga (dumba yuqori-tashqi kvadranti yoki sonning lateral yuzasi) yuboriladi. Eritmaning qon tomiriga noxush yuborilishini oldini olish uchun aspiratsion test o‘tkazish tavsiya etiladi. 1 g gacha bo‘lgan doza bir martalik inyektsiya tarzida yuborilishi mumkin. Maksimal doza (2 g) ikki inyektsiya tarzida, turli joylarga yuborilishi kerak. Preparat yuborilishi, odatda, og‘riqsiz bo‘lgani uchun, ko‘pchilik hollarda erituvchi sifatida lidokain eritmasidan foydalanishga ehtiyoj yo‘q. Tayyorlangan preparat eritmalari muzlatkichda (2-8) °S haroratda 24 soat yoki xona haroratida (25 °S dan yuqori bo‘lmagan) 12 soat davomida, faoliyatini sezilarli yo‘qotmasdan saqlanishi mumkin. Saqlashda kukun va tayyorlangan eritma qorayishi mumkin, bu preparatning faolligi va sifatiga ta’sir qilmaydi.

Eng ko‘p uchraydigan nojo‘ya ta’sirlar me’da-ichak trakti va allergik reaksiyalar bilan bog‘liq. Quyida nojo‘ya ta’sirlar organ va tizimlar bo‘yicha ularning tez-tezligi bilan ko‘rsatilgan: juda tez-tez (>10 %); tez-tez (>1 % va <10 %); kamdan-kam (>0,1 % va <1 %); kam (>0,01 % va <0,1 %); tez-tezligi noma’lum (mazkur nojo‘ya ta’sir rivojlanish tez-tezligi haqida ma’lumot yo‘q). Allergik reaksiyalar: tez-tez - teri toshmasi; kamdan-kam - eritema, eshakemi, teri qichishishi; kam - anafilaktik reaksiyalar; tez-tezligi noma’lum - anafilaktik shok, toksik epidermal nekroliz, ko‘p shaklli eritema, Stivens-Djonson sindromi. Infeksiyalar: kamdan-kam - og‘iz bo‘shlig‘i shilliq qavatining kandidozi, vaginit; kam - kandidoz (aniqlanmagan joylashuvda). Markaziy asab tizimi tomonidan: kamdan-kam - bosh og‘rig‘i; kam - tutqanoq, paresteziya, disgeziya, bosh aylanishi; tez-tezligi noma’lum - ong buzilishi, gallyutsinatsiyalar, koma, stupor, ensefalopatiya, mioklonik tutqanoqlar. Tomirlar tomonidan: kam - vazodilatatsiya; tez-tezligi noma’lum - qon ketish. Nafas olish tizimi tomonidan: kam - nafas qisishi. Me’da-ichak trakti tomonidan: tez-tez - diareya, kamdan-kam - ko‘ngil aynishi, qusish, kolit (shu jumladan psevdomembranoz kolit); kam - qorin og‘rig‘i, qabziyat; tez-tezligi noma’lum - ovqat hazm qilish buzilishi. Siydik ajratish tizimi tomonidan: tez-tezligi noma’lum - buyrak yetishmovchiligi, toksik nefropatiya. Umumiy reaksiyalar va yuborish joyidagi reaksiyalar: tez-tez - yuborish joyida flebit, yuborish joyida og‘riq, kamdan-kam - harorat ko‘tarilishi va yuborish joyida yallig‘lanish; kam - titroq. Boshqa: kam - genital qichishish, ta’m o‘zgarishi, gemolizsiz soxta musbat Kumbs testi. Laborator ko‘rsatkichlar o‘zgarishi: tez-tez - alaninaminotransferaza, aspartataminotransferaza, ishqoriy fosfataza, umumiy bilirubin faolligining oshishi, anemiya, eozinofiliya, protrombin vaqti yoki qisman tromboplastin vaqtining oshishi; kamdan-kam - qonda siydik azoti, zardob kreatinini oshishi, trombotsitopeniya, leykopeiya va neytropeniya; tez-tezligi noma’lum - aplastik anemiya, gemolitik anemiya, agranulotsitoz. Ro‘yxatdan o‘tkazilgandan keyingi tajriba: ensefalopatiya (ong buzilishi, shu jumladan ong chalkashligi, gallyutsinatsiyalar, stupor va koma), mioklonus, tutqanoqlar va tutqanoqsiz epileptik status. Ko‘pchilik holatlarda buyrak yetishmovchiligi bo‘lgan va tavsiya etilgan dozadan yuqori dozalarda tsefepim olgan bemorlarda kuzatilgan bo‘lsa-da, ba’zi hollarda ensefalopatiya buyrak yetishmovchiligi darajasiga qarab doza tuzatmasi o‘tkazilgan bemorlarda ham kuzatilgan.

IV avlod tsefalosporin antibiotigi parenteral qo‘llash uchun. Gram-musbat va gram-manfiy bakteriyalarga, shu jumladan aminoglikozidlarga va/yoki III avlod tsefalosporinlarga, shuningdek boshqa antibiotiklarga rezistent shtammlarga nisbatan keng ta’sir doirasiga ega. Bakteritsid ta’sir ko‘rsatadi, bakteriyalarning hujayra devori sintezining yakuniy bosqichlarini buzadi (transpeptidaza fermentini inaktivatsiya qiladi). Gram-manfiy bakteriyalarning tashqi membranasi orqali tez kiradi; penitsillin bilan bog‘lovchi oqsillar yoki bakterial transpeptidazalarga yuqori afinitetga ega. Ko‘pchilik beta-laktamazalar tomonidan gidrolizga yuqori darajada chidamli. Tsepefim quyidagi mikroorganizmlarga nisbatan faol: Gram-musbat aeroblar: Staphylococcus aureus (beta-laktamaza ishlab chiqaruvchi shtammlarini o‘z ichiga oladi); Staphylococcus epidermidis (beta-laktamaza ishlab chiqaruvchi shtammlarini o‘z ichiga oladi); boshqa Staphylococcus spp. shtammlari, jumladan, Staphylococcus hominis, Staphylococcus saprophytics; Streptococcus pyogenes (A guruhi streptokokklari); Streptococcus agalactiae (B guruhi streptokokklari); Streptococcus pneumoniae (penitsillinga o‘rtacha chidamli shtammlarini o‘z ichiga oladi – minimal to‘xtatuvchi konsentratsiyasi 0,1 dan 1 mkg/ml gacha); boshqa beta-gemolitik Streptococcus spp. (C, G, F guruhlari), Streptococcus bovis (D guruhi), Viridans guruhi Streptococcus spp. Gram-manfiy aeroblar: Acinetobacter calcoaceticus (anitratus, hvoffii pastammlari); Aeromonas hydrophila; Capnocytophaga spp.; Citrobacter spp., jumladan Citrobacter diversus, Citrobacter freundii; Campylobacter jejuni; Enterobacter spp., jumladan Enterobacter cloacae, Enterobacter aerogenes, Enterobacter sakazakii, Escherichia coli, Gardnerella vaginalis, Haemophilus ducreyi; Haemophilus influenzae (beta-laktamaza ishlab chiqaruvchi shtammlarini o‘z ichiga oladi); Haemophilus parainfluenzae; Hafnia alvei; Klebsiella spp., jumladan Klebsiella pneumoniae, Klebsiella oxytoca, Klebsiella ozaena; Morganella morganii; Moraxella catarrhalis (Branhamella catarrhalis) (beta-laktamaza ishlab chiqaruvchi shtammlarini o‘z ichiga oladi); Neisseria gonorrhoeae (beta-laktamaza ishlab chiqaruvchi shtammlarini o‘z ichiga oladi); Neisseria meningitidis; Pantoea agglomerans (ilgari Enterobacter agglomerans nomi bilan ma’lum); Proteus spp., jumladan Proteus mirabilis, Proteus vulgaris; Providencia spp., jumladan Providencia rettgeri, Providencia stuartii; Pseudomonas spp., jumladan Pseudomonas aeruginosa, Pseudomonas itida, Pseudomonas stutzeri; Salmonella spp.; Serratia, jumladan Serratia marcescens, Serratia liquefaciens; Shigella spp.; Yersinia enterocolitica. Anaeroblar: Clostridium perfringens; Fusobacterium spp.; Mobiluncus spp.; Peptostreptococcus spp.; Prevotella melaninogenica, Bacteroides melaninogenicus nomi bilan ham ma’lum; Veillonella spp. Tsepefim ko‘plab Stenotrophomonas maltophilia shtammlariga (ilgari Xanthmonas maltophilia va Pseudomonas maltophilia nomi bilan ma’lum) (gram-manfiy aeroblar); Bacteroides fragilis va Clostridium difficile (anaeroblar) ga nisbatan faol emas. Enterokokklarning ko‘pchilik shtammlari, masalan, Enterococcus faecalis, va metitsillinga rezistent stafilokokklar tsefalosporin antibiotiklarining, jumladan tsepefimning, ta’siriga chidamli. Ko‘plab Stenotrophomonas maltophilia (ilgari Xanthomonas maltophilia va Pseudomonas maltophilia nomi bilan ma’lum), Bacteroides fragilis va Clostridium difficile shtammlariga nisbatan faol emas.

Davolashni boshlashdan oldin bemorda tsefepim, boshqa tsefalosporin antibiotiklar, penisillinlar va boshqa beta-laktam antibiotiklarga, shuningdek, boshqa allergiya shakllariga allergik reaksiyalar mavjudligini aniqlash kerak. Allergik reaksiya rivojlanganida preparat bilan davolashni to‘xtatish va mos choralarni ko‘rish lozim. Anafilaktik reaksiya (anafilaktik shok) rivojlanganida preparat yuborilishini darhol to‘xtatish kerak; epinefrin va boshqa yordamchi terapiya qo‘llanilishi mumkin. Tsefepim mikroorganizmlar aniqlanmaguncha monoterapiya sifatida qo‘llanilishi mumkin, chunki u gram-musbat va gram-manfiy mikroorganizmlarga nisbatan keng spektrli antibakterial ta’sirga ega. Aralash aerob/anaerob infeksiya xavfi bo‘lsa (ayniqsa, tsefepimga chidamli mikroorganizmlar bo‘lishi mumkin bo‘lsa), tsefepim preparatini anaeroblarga ta’sir qiluvchi preparat bilan birga, mikroorganizmlar aniqlanmaguncha boshlash mumkin. Mikroorganizmlar aniqlangandan va antibiotiklarga sezuvchanligi aniqlangandan so‘ng davolash test natijalariga muvofiq olib borilishi kerak. Empirik davolash buyurilganda mikroorganizmlar-vozitachilarning orttirilgan chidamliligi haqidagi ma’lumotlarni hisobga olish zarur. Mikroorganizmlarning chidamliligi vaqt va geografik joylashuvga qarab o‘zgarishi mumkin. Mikroorganizmlar-vozitachilarni aniqlash va tsefepimga sezuvchanligini aniqlash uchun mos testlar o‘tkazilishi kerak. Boshqa antibiotiklar kabi, tsefepim preparati bilan davolash natijasida sezuvchan bo‘lmagan mikroflora kolonizatsiyasi yuzaga kelishi mumkin. Davolash davomida superinfeksiyalar rivojlanganida mos choralar ko‘rish zarur. Keng spektrli deyarli barcha antibiotiklarni qo‘llashda Clostridium difficile bilan bog‘liq diareya rivojlanishi mumkin, bu yengil, o‘z-o‘zidan o‘tib ketadigan diareyadan tortib, umumiy simptomlar (isitma, degidratatsiya va elektrolit buzilishlari simptomlari, jumladan, taxikardiya, arterial gipotenziya, ventilyatsion buzilishlar, yuqori leykozitoz), tez-tez suyuq najas, ba’zan qon aralashmasi, qorin og‘rig‘i bilan kechuvchi og‘ir kasallik – soxta membranoz kolit shakliga qadar bo‘lishi mumkin. Clostridium difficile bilan bog‘liq diareya antibiotiklarni qo‘llash to‘xtatilganidan keyin 2 oydan ko‘proq vaqt o‘tib ham qayd etilgan. Clostridium difficile bilan bog‘liq diareyadan shubha qilinganda yoki tasdiqlanganda, Clostridium difficile ni bostirish uchun buyurilganlardan tashqari antibiotiklarni qo‘llashni to‘xtatish kerak. Ichak peristaltikasini sekinlashtiruvchi preparatlarni qo‘llash mumkin emas. Og‘ir buyrak va buyrak-jigar yetishmovchiligida preparatning plazmadagi konsentratsiyasini muntazam aniqlash va doza kreatinin klirensiga qarab tuzatib borish kerak. Uzoq muddatli davolashda periferik qon, jigar va buyrak funksional holati ko‘rsatkichlarini muntazam nazorat qilish zarur. Postregistratsion kuzatuv davrida quyidagi jiddiy, hayot uchun xavfli bo‘lgan nojo‘ya reaksiyalar qayd etilgan: ensefalopatiya (ong buzilishi, shu jumladan, ongning chalkashishi, gallyutsinatsiyalar, stupor va koma), mioklonus, tutqanoqlar va tutqanoqsiz epileptik status (qarang "Nojo‘ya ta’siri": Postregistratsion tajriba). Ko‘pchilik holatlarda buyrak yetishmovchiligi bo‘lgan, doza tuzatish o‘tkazilmagan bemorlarda kuzatilgan. Biroq, ba’zi hollarda, buyrak yetishmovchiligiga qarab doza tuzatish o‘tkazilgan bemorlarda ham neyrotoksiklik qayd etilgan. Ko‘pchilik hollarda neyrotoksiklik simptomlari qaytar edi va preparat bekor qilingandan va/yoki gemodializ o‘tkazilgandan so‘ng yo‘qolgan. Agar neyrotoksiklik tsefepim qo‘llanilishi bilan bog‘liq bo‘lsa, tsefepim terapiyasini to‘xtatish yoki buyrak yetishmovchiligi bo‘lgan bemorlarda dozasini tuzatish masalasini ko‘rib chiqish kerak. Preparatning transport vositalarini va boshqa mexanizmlarni boshqarish qobiliyatiga ta’siri: Preparatning diqqatni jamlash qobiliyatiga ta’siri o‘rganilmagan, biroq markaziy asab tizimi tomonidan nojo‘ya ta’sirlar rivojlanishi mumkinligini hisobga olib, davolash davomida transport vositalarini boshqarish va yuqori diqqat va tez psixomotor harakatlarni talab qiluvchi boshqa potensial xavfli faoliyat turlari bilan shug‘ullanishdan tiyilish lozim.

Simptomlar: epsefalopatiya (ongning chalkashishi, gallyutsinatsiyalar, stupor, koma), mioklonik tutqanoqlar, asab-mushak qo‘zg‘aluvchanligining oshishi. Davolash: simptomatik va qo‘llab-quvvatlovchi terapiya. Tavsiya etilgan dozalardan sezilarli darajada oshib ketgan hollarda, ayniqsa buyrak funksiyasi buzilgan bemorlarda, gemodializ ko‘rsatilgan.