Kamdan-kam hollarda qizarish, qichish, toshma kuzatiladi. Ushbu simptomlar davolashni to'xtatgandan so'ng tezda o'tadi. 

 Trokserutin venotonizirlovchi, angioprotektor, qarshi shish, antioksidant va yallig‘lanishga qarshi ta’sirga ega. Trokserutin oksidlanish-qaytarilish jarayonlarida ishtirok etadi, gialuronidazani bloklaydi, hujayra membranalari gialuron kislotasini barqarorlashtiradi va kapillyarlarning o‘tkazuvchanligi hamda mo‘rtligini kamaytiradi, ularning tonusini oshiradi. Tomir devorining zichligini oshiradi, suyuq qismning ekssudatsiyasini va qon hujayralarining diapedezini kamaytiradi. Tomir devorida yallig‘lanishni kamaytiradi, trombotsitlarning uning yuzasiga yopishishini cheklaydi. 

 Shilliq qavatlarga va ochiq yaralarga surtilmasin! Homila va yangi tug‘ilgan chaqaloqlarga nojo‘ya ta’siri haqida ma’lumot yo‘q. Dori vositasini homiladorlikning ikkinchi va uchinchi trimestrida, shuningdek emizish davrida qo‘llash mumkin.  

Potensial xavfli faoliyat turlarini bajarish qobiliyatiga, alohida e’tibor va tezkor reaksiya talab qiladigan holatlarga ta’siri

Dori vositasini qo‘llash transport vositalarini boshqarish va yuqori diqqat hamda psixomotor reaksiyalar tezligini talab qiladigan potensial xavfli faoliyat turlari bilan shug‘ullanish qobiliyatiga ta’sir qilmaydi.