Aminoglikozidlar guruhiga mansub keng ta’sir doirasiga ega antibiotik. Past konsentratsiyalarda bakteriostatik ta’sir ko‘rsatadi (30S ribosoma subbirligini bloklaydi va oqsil sintezini buzadi), yuqoriroq konsentratsiyalarda esa bakteritsid ta’sir ko‘rsatadi.
Staphylococcus spp. (shu jumladan, Staphylococcus aureus, Staphylococcus epidermidis /koagulaza-manfiy va koagulaza-musbat/, shuningdek, penitsillinga chidamli shtammlar); Streptococcus spp. (shu jumladan, a-b-gemolitik turlar, ayrim negemolitik turlar, Streptococcus pneumoniae); Pseudomonas aeruginosa, Escherichia coli, Klebsiella pneumoniae, Serratia spp., Providencia spp., Shigella spp., Citrobacter spp., Enterobacter aerogenes, Proteus mirabilis (indol-manfiy) va indol-musbat Proteus spp. turlari, Hemophilius influenzae, Hemophilius aegyptius, Moraxella lacunata, Acinetobacter calcoaceticus (Herellea vaginacola), ayrim Neisseria spp. turlari (shu jumladan, Neisseria gonorrhoeae) ga nisbatan yuqori faollikka ega. 

 Preparatni qo‘llash davrida kontakt linzalarni taqish tavsiya etilmaydi.
Preparatga sezgir bo‘lmagan mikroorganizmlarning ko‘payish xavfi tufayli uzoq muddatli qo‘llashdan saqlanish kerak.
Homiladorlik va laktatsiya davrida qo‘llanishi
Preparatning ko‘z tomchilari homilador ayollar va emizikli onalarda faqat kutilayotgan terapevtik ta’sir potentsial nojo‘ya ta’sirlar xavfidan ustun bo‘lsa qo‘llanilishi mumkin.
Pediatriyada qo‘llanishi
Preparatning 2 oygacha bo‘lgan bolalarda samaradorligi va xavfsizligi o‘rganilmagan.
Avtotransport boshqarish va mexanizmlarni boshqarish qobiliyatiga ta’siri
Preparatni qo‘llash vaqtincha ko‘rishning buzilishiga olib kelishi mumkin, shuning uchun preparat tomizilgandan so‘ng darhol avtotransport va mexanizmlarni boshqarishdan voz kechish tavsiya etiladi. 

 Belgilar: nuqtali keratit, eritema, ko‘p yosh oqishi, qichishish va qovoq shishishi.Davolash: simptomatik terapiya o‘tkaziladi.