Og'iz orqali qabul qilish uchun: teri dermotofitlar bilan qo'zg'atilgan zamburug'li zararlanishlar - trixofitiya, epidermofitiya, mikrosporiya, tirnoqlarning zamburug'li zararlanishlari (onixomikozlar), kandidoz.

Tashqi qo'llash uchun: teri dermotofitlar bilan qo'zg'atilgan zamburug'li zararlanishlar, kandidoz; rangli temiratki. 

 Terbinafin ichga qabul qilish uchun jigar va/yoki buyrak funksiyasi buzilgan bemorlarda, shuningdek, keksalarda ehtiyotkorlik bilan qo‘llanilishi kerak.

Homiladorlik va emizish davrida qo‘llash

Homiladorlikda terbinafin qo‘llash tajribasi cheklangan. Laktatsiya davrida buyurish zarur bo‘lsa, emizishni to‘xtatish masalasini hal qilish kerak. 

 Jigar mikrosomal fermentlarini induksiya qiluvchi preparatlar terbinafin klirensini oshiradi; jigar mikrosomal fermentlarini ingibitsiya qiluvchi preparatlar terbinafin klirensini kamaytiradi. 

 Ta'siri zamburug' hujayra membranasida skvalenepoksidazani bostirish orqali amalga oshiriladi. Bu ergosterol yetishmovchiligiga va hujayra ichida skvalen to'planishiga olib keladi, natijada qo'zg'atuvchi hujayrasining o'lishiga sabab bo'ladi.

Dermatofitlar, mog'or va ayrim dimorf zamburug'lar, xamirturush va xamirturushga o'xshash zamburug'larga fungitsid ta'sir ko'rsatadi. Ayrim xamirturush zamburug'lariga fungistatik ta'sir ko'rsatishi mumkin.

Dermatomikoz qo'zg'atuvchilariga (Trichophyton /jumladan Trichophyton rubrum, Trichophyton mentagrophytes, Trichophyton tonsurans, Trichophyton verrucosum, Trichophyton violaceum/, shuningdek Microsporum canis va Epidermophyton floccosum); Candida turidagi xamirturushga o'xshash zamburug'lar (asosan Candida albicans); rangli temiratki qo'zg'atuvchisi (Malassezia furfur) ga nisbatan faol.

Farmakokinetika

Og'iz orqali qabul qilingandan so'ng me'da-ichak traktidan yaxshi so'riladi. Plazma oqsillari bilan bog'lanishi - 99%. Terbinafin teri dermal qavatidan diffuziya qiladi va lipofil qattiq qatlamda to'planadi, ter yog'iga ajraladi, natijada soch follikulalari, tirnoqlarda yuqori konsentratsiyalar hosil bo'ladi. Qabul qilish boshidagi dastlabki bir necha haftada terbinafin teri va tirnoq plastinkalarida fungitsid ta'sir ko'rsatadigan konsentratsiyalarda to'planadi. Jigarda inaktiv metabolitlar hosil bo'lishi bilan metabolizatsiyalanadi. Asosan metabolitlar ko'rinishida siydik bilan chiqariladi. T1/2 - 17 soat.