Ta’sir qiluvchi moddalari: xondroitin sulfat natriy – 50 mg, meloksikam – 10 mg. Yordamchi moddalari: dimetilsulfoksid – 100 mg, propilenglikol – 100 mg, makrogol tsetostearat – 12 mg, tsetostearil spirti [tsetil spirti 60 % dan ko‘p emas, stearil spirti 40 % dan kam emas] – 42 mg, suyuq parafin – 100 mg, vazelin – 80 mg, imidomochevina – 3 mg, natriy disulfit – 0,5 mg, suv − 1,00 g gacha.

Preparat tayanch-harakat apparatining degenerativ-distrofik kasalliklari: osteoartroz, umurtqa osteoxondrozi; og‘riq sindromi bilan kechuvchi boshqa bo‘g‘im kasalliklarida kompleks terapiya tarkibida qo‘llash tavsiya etiladi.

Preparat tarkibiy qismlariga (shuningdek, boshqa nosteroid yallig‘lanishga qarshi vositalarga) yuqori sezuvchanlik, surtilishi mo‘ljallangan joylarda teri butunligining buzilishi, bolalar yoshi (12 yoshgacha).

Tashqi. 1 dan 5 sm gacha krem chizig‘ini yengil surib, kuniga 2-3 marta qo‘llanadi. Kerakli preparat miqdori og‘riqli sohaning kattaligiga bog‘liq. Preparat surtilgandan so‘ng qo‘llarni yaxshilab yuvish kerak. Davolash davomiyligi ko‘rsatmalar va kuzatilayotgan ta’sirga bog‘liq. Preparatni 2 hafta qo‘llagandan so‘ng shifokor bilan maslahatlashish lozim.

Terining allergik reaksiyalari (qichishish, qizarish, teri toshmasi) mumkin. Har qanday nojo‘ya ta’sirlar paydo bo‘lsa, kremni qo‘llashni to‘xtatish va shifokorga murojaat qilish kerak.

Terafleks® Xondrokrem Forte preparati kombinatsiyalangan ta’sirga ega: osteoartroz va osteoxondroz rivojlanishini sekinlashtiradi, og‘riqni kamaytiradi, bo‘g‘imlar harakat hajmini oshiradi (krem surtilgan sohada), yallig‘lanishga qarshi ta’sir ko‘rsatadi, bo‘g‘imlarning shishishini kamaytiradi. Krem tarkibiy qismlarining optimal uyg‘unligi tufayli ularning og‘riqni kamaytiruvchi va yallig‘lanishga qarshi ta’siri o‘zaro kuchayadi. Xondroitin sulfat – yuqori molekulyar mukopolisaxarid bo‘lib, tog‘ay to‘qimasining tabiiy komponentidir. Xondroitin sulfat tog‘ay to‘qimasida fosfor-kalsiy almashinuvini yaxshilaydi, tog‘ay to‘qimasiga zarar yetkazuvchi fermentlarni ingibitsiya qiladi, tog‘ay to‘qimasining degeneratsiya (parchalanish) jarayonlarini sekinlashtiradi, glikozaminoglikanlar sintezini rag‘batlantiradi, bo‘g‘imlarning tog‘ay yuzalarini regeneratsiya (tiklanish) jarayoniga yordam beradi, ularning reparatsiya jarayonlarini tezlashtiradi, biriktiruvchi to‘qimaning kollapsiga to‘sqinlik qiladi. Bu esa zararlangan bo‘g‘imlarda og‘riqning kamayishi va harakatchanlikning oshishiga olib keladi. Meloksikam – nosteroid yallig‘lanishga qarshi vosita bo‘lib, yallig‘lanishga qarshi va analgetik ta’sirga ega. Meloksikam selektiv ravishda siklooksigenaza-2 ni ingibitsiya qiladi, araxidon kislotasi almashinuvini buzadi, yallig‘lanish o‘chog‘ida prostaglandinlar (og‘riq va yallig‘lanish mediatorlari) miqdorini kamaytiradi. Meloksikam xondroneytral preparat bo‘lib, tog‘ay to‘qimasiga salbiy ta’sir ko‘rsatmaydi, bo‘g‘im tog‘ayining xondrositlari tomonidan proteoglikan sinteziga ta’sir qilmaydi.

Buyrak va jigar funksiyasi buzilganda, oshqozon-ichak trakti og‘ir patologiyasida (yarali kasallikning zo‘rayish bosqichida), qon tizimining og‘ir patologiyasida, keksalikda ehtiyotkorlik bilan qo‘llaniladi.

Boshqa dori vositalari bilan o‘zaro ta’siri yoki nomutanosiblik holatlari tavsiflanmagan.

Preparatning tashqi qo‘llanilishida faol komponentlarning tizimli so‘rilishi nihoyatda past bo‘lgani sababli, dozani oshirib yuborish deyarli mumkin emas.