Preparat tarkibidagi komponentlarga yuqori sezuvchanlik, me'da va o'n ikki barmoqli ichak yarasi kasalligining zo‘rayish bosqichi, bolalar yoshi (12 yoshgacha).

Ichga kattalarga 1 tabletka 3 marta kuniga buyuriladi. Davolash kursi 3-5 kun. Termopsisga hisoblaganda eng yuqori bir martalik doza – 0,1 g (14 tabletka). Termopsisga hisoblaganda eng yuqori sutkalik doza – 0,3 g (42 tabletka). 12 yoshdan katta bolalarga – 1 tabletka 2-3 marta kuniga. Davolash kursi 3-5 kun. Takroriy kurs buyurish zarurati shifokor tomonidan belgilanadi.

Allergik reaksiyalar mumkin; ko'ngil aynishi.

Termopsis o'simligi balg'am ko'chiruvchi ta'sirga ega, me'da shilliq qavati retseptorlariga mo''tadil ta'sir qilib, reflektor tarzda bronx bezlari sekretsiyasini oshiradi. Termopsis o'simligida mavjud alkaloidlar (tsitizin, metiltsitizin, paxikarpin, anagirin, termopsis, termopsidin) nafas olish markaziga va yuqori dozalarda qusish markaziga qo'zg'atuvchi ta'sir ko'rsatadi. Natriy gidrokarbonat bronx bezlari sekretsiyasini rag'batlantiradi, balg'amning quyuqligini kamaytirishga yordam beradi.

Belgilari: ko‘ngil aynishi, qusish. Davolash: me'dani yuvish, simptomatik.

Adsorbentlar, bog‘lovchi va qoplovchi vositalar termopsis o‘simligi tarkibidagi alkaloidlarning me'da-ichak yo‘llarida so‘rilishini kamaytirishi mumkin. Yo‘tal tabletkalarini kodein va boshqa yo‘talga qarshi dori vositalarini o‘z ichiga olgan preparatlar bilan bir vaqtda qo‘llash tavsiya etilmaydi, chunki bu balg‘amni yo‘talib chiqarishni qiyinlashtiradi.