1 tabletkada quyidagilar mavjud: azitromitsin digidrat - 524,00 mg (azitromitsinga ekvivalent 500,00 mg).

Azitromitsinga sezgir mikroorganizmlar chaqirgan infeksion-yallig‘lanish kasalliklari: • Yuqori nafas yo‘llari va LOR-organlar infeksiyalari (faringit, tonzillit, sinusit, o‘rta otit); • Pastki nafas yo‘llari infeksiyalari (o‘tkir bronxit, surunkali bronxitning zo‘rayishi, pnevmoniya, shu jumladan atipik qo‘zg‘atuvchilar sababli); • Terining va yumshoq to‘qimalarning infeksiyalari (o‘rtacha og‘irlikdagi akne vulgaris, ro‘ja, impetigo, ikkilamchi infeksiyalangan dermatozlar); • Laym kasalligining boshlang‘ich bosqichi (borrelioz) - migratsiyalanuvchi eritema (erythema migrans); • Chlamydia trachomatis sababli siydik-jinsiy yo‘llar infeksiyalari (uretrit, servitsit).

Azitromitsin, eritromitsin, boshqa makrolidlar yoki ketolidlarga yoki preparatning boshqa komponentlariga yuqori sezuvchanlik; jigar faoliyatining og'ir darajada buzilishi (Chayld-Pyu bo'yicha S sinfi); 12 yoshgacha bo'lgan bolalar va tana vazni 45 kg dan kam bo'lganlar (500 mg tabletkalar uchun); emizish davri; ergotamin va digidroergotamin bilan bir vaqtda qabul qilish. Ehtiyotkorlik bilan Miyasteniya; jigar faoliyatining yengil va o'rtacha darajada buzilishi; terminal buyrak yetishmovchiligi, GFR (glomerulyar filtrlash tezligi) 10 ml/min dan kam bo'lsa; aritmiya, proaritmogen omillar mavjud bo'lsa (ayniqsa, keksalarda), shu jumladan tug'ma yoki orttirilgan QT intervalining uzayishi, IA (xinidin, prokainamid) va III (dofetilid, amiodaron va sotalol) sinf antiaritmik preparatlari, tsizaprid, terfenadin, antipsixotik preparatlar (pimozid), antidepressantlar (tsitalopram), ftorxinolonlar (moksifloksasin, levofloksasin) bilan davolanayotgan bemorlarda, suyuqlik-elektrolit muvozanati buzilgan bemorlarda, ayniqsa gipokaliemiya yoki gipomagniemiya bo'lsa, klinik ahamiyatli bradikardiya, yurak aritmiyasi yoki og'ir yurak yetishmovchiligi bo'lsa; varfarin, digoksin, siklosporin bilan bir vaqtda qo'llashda.

Og‘iz orqali, chaynalmay, kamida 1 soat oldin yoki ovqatdan 2 soat o‘tib, kuniga 1 marta. Kattalar va tana vazni 45 kg dan ortiq bo‘lgan 12 yoshdan katta bolalar. Yuqori va pastki nafas yo‘llari, LOR-organlar, teri va yumshoq to‘qimalar infeksiyalarida: 1 tabletka (500 mg) kuniga 1 marta 3 kun davomida (kurs doza 1,5 g). O‘rtacha og‘irlikdagi akne vulgarisda: 1 tabletka (500 mg) kuniga 1 marta 3 kun davomida, so‘ngra 1 tabletka (500 mg) haftasiga 1 marta 9 hafta davomida (kurs doza 6,0 g). Birinchi haftalik tabletkani birinchi kunlik tabletkani qabul qilganidan 7 kun o‘tib (davolash boshlanganidan 8-kun) qabul qilish kerak, keyingi 8 haftalik tabletkalar 7 kunlik interval bilan. Laym kasalligining boshlang‘ich bosqichi (borrelioz) - migratsiyalanuvchi eritema (erythema migrans): kuniga 1 marta 5 kun davomida: 1-kuni - 1000 mg (2 ta 500 mg tabletkadan), so‘ng 2-kunidan 5-kunigacha - 1 tabletka (500 mg) (kurs doza 3,0 g). Chlamydia trachomatis sababli siydik-jinsiy yo‘llar infeksiyalarida (uretrit, servitsit): asoratsiz uretrit/servitsitda - 1000 mg (2 ta 500 mg tabletkadan) bir martalik qabul. Buyrak funksiyasi buzilganda: GFR 10-80 ml/min bo‘lgan bemorlarda doza tuzatish talab qilinmaydi. GFR < 10 ml/min bo‘lgan bemorlarda ehtiyotkorlik bilan qo‘llash kerak. Jigar funksiyasi buzilganda: yengil va o‘rtacha darajadagi jigar funksiyasi buzilgan bemorlarda doza tuzatish talab qilinmaydi. Qariyalar: doza tuzatish talab qilinmaydi. Qariyalarda proaritmogen holatlar bo‘lishi mumkinligi sababli, preparatni qo‘llashda ehtiyotkorlikka rioya qilish kerak, chunki yurak aritmiyalari, shu jumladan «piruet» tipidagi aritmiyalar rivojlanish xavfi yuqori.

Nojo'ya ta'sirlar chastotasi JSST tavsiyalariga muvofiq tasniflangan: juda tez-tez - kamida 10%; tez-tez - kamida 1%, lekin 10% dan kam; kamdan-kam - kamida 0,1%, lekin 1% dan kam; kam - kamida 0,01%, lekin 0,1% dan kam; juda kam - 0,01% dan kam; noma'lum chastota - mavjud ma'lumotlarga asoslanib baholab bo'lmaydi. Infeksion kasalliklar: kamdan-kam - kandidoz, shu jumladan og'iz bo'shlig'i va jinsiy a'zolar shilliq qavatining kandidozi, pnevmoniya, zamburug'li infeksiya, bakterial infeksiya, faringit, gastroenterit, nafas yo'llari kasalliklari, rinit; noma'lum chastota - soxta membranoz kolit. Qon va limfa tizimi tomonidan: kamdan-kam - leyopeniya, neytropeniya, eozinofiliya; juda kam - trombotsitopeniya, gemolitik anemiya. Modda almashinuvi va ovqatlanish tomonidan: kamdan-kam - anoreksiya. Immun tizimi tomonidan: kamdan-kam - angionevrotik shish, gipersensitivlik reaksiyasi; noma'lum chastota - anafilaktik reaksiya. Nerv tizimi tomonidan: tez-tez - bosh og'rig'i; kamdan-kam - bosh aylanishi, ta'm sezish buzilishi, paresteziya, uyquchanlik, uyqusizlik, asabiylik; kam - ajitatsiya; noma'lum chastota - gipesteziya, tashvish, tajovuzkorlik, hushdan ketish, tutqanoq, psixomotor giperkativlik, hid sezishning yo'qolishi, hid sezishning buzilishi, ta'm sezishning yo'qolishi, miasteniya, bred, gallyutsinatsiyalar. Ko'rish organi tomonidan: kamdan-kam - ko'rish buzilishi. Eshitish organi va labirint buzilishlari tomonidan: kamdan-kam - eshitish buzilishi, vertigo; noma'lum chastota - eshitish buzilishi, shu jumladan karsoqlik va/yoki quloqda shovqin. Yurak-qon tomir tizimi tomonidan: kamdan-kam - yurak urishini sezish, yuzga qon "to'lishi"; noma'lum chastota - arterial bosimning pasayishi, elektrokardiogrammada QT intervalining uzayishi, "piruet" tipidagi aritmiya, qorinchalar taxikardiyasi. Nafas olish tizimi tomonidan: kamdan-kam - nafas qisishi, burundan qon ketishi. Ovqat hazm qilish tizimi tomonidan: juda tez-tez - diareya; tez-tez - ko'ngil aynishi, qusish, qorin og'rig'i; kamdan-kam - meteorizm, dispepsiya, qabziyat, gastrit, disfagiya, qorin shishishi, og'iz bo'shlig'i shilliq qavatining qurishi, qaltirash, og'iz bo'shlig'i shilliq qavatining yaralari, so'lak bezlari sekretsiyasining oshishi; juda kam - til rangining o'zgarishi, pankreatit. Jigar va o't yo'llari tomonidan: kamdan-kam - gepatit; kam - jigar funksiyasi buzilishi, xolestatik sariqlik; noma'lum chastota - jigar yetishmovchiligi (kam hollarda - o'lim bilan yakunlangan, asosan og'ir darajadagi jigar funksiyasi buzilishi fonida); jigar nekrozi, fulminant gepatit. Teri va teri osti to'qimalari tomonidan: kamdan-kam - teri toshmasi, qichishish, eshakemi, dermatit, teri qurishi, terlash; kam - fotosensibilizatsiya reaksiyasi; noma'lum chastota - Stivens-Djonson sindromi, toksik epidermal nekroliz, ko'p shaklli eritema, eozinofiliya va tizimli namoyonlar bilan dori toshmasi (DRESS-sindrom). Skelet-mushak tizimi va biriktiruvchi to'qima tomonidan: kamdan-kam - osteoartrit, mialgiya, bel og'rig'i, bo'yin og'rig'i; noma'lum chastota - artralgiya. Buyrak va siydik chiqarish yo'llari tomonidan: kamdan-kam - dizuriya, buyrak sohasida og'riq; noma'lum chastota - interstitsial nefrid, o'tkir buyrak yetishmovchiligi. Jinsiy a'zolar va sut bezlari tomonidan: kamdan-kam - metroragiya, moyaklar funksiyasi buzilishi. Boshqalar: kamdan-kam - shish, asteniya, holsizlik, charchoq hissi, yuz shishi, ko'krak og'rig'i, isitma, periferik shishlar. Laborator ko'rsatkichlar: tez-tez - limfotsitlar sonining kamayishi, eozinofillar sonining oshishi, bazofillar sonining oshishi, monotsitlar sonining oshishi, neytrrofillar sonining oshishi, qon plazmasida bikarbonatlar konsentratsiyasining kamayishi; kamdan-kam - aspartataminotransferaza, alaninaminotransferaza faolligining oshishi, qon plazmasida bilirubin konsentratsiyasining oshishi, qon plazmasida mochevina konsentratsiyasining oshishi, qon plazmasida kreatinin konsentratsiyasining oshishi, qon plazmasida kaliy miqdorining o'zgarishi, qon plazmasida ishqoriy fosfataza faolligining oshishi, qon plazmasida xloridlar miqdorining oshishi, qonda glyukoza konsentratsiyasining oshishi, trombotsitlar sonining oshishi, gematokritning kamayishi, qon plazmasida bikarbonatlar konsentratsiyasining oshishi, qon plazmasida natriy miqdorining o'zgarishi.

Azitromitsin - makrolid-azalidlar guruhiga mansub keng ta'sir doirasiga ega bakteriostatik antibiotik. Keng antimikrob ta'sir doirasiga ega. Azitromitsinning ta'sir mexanizmi mikroblar hujayrasida oqsil sintezini bostirish bilan bog'liq. 5OS-ribosoma subbirligiga bog'lanib, translatsiya bosqichida peptidtranslokazani susaytiradi va oqsil sintezini bostiradi, bakteriyalarning o'sishi va ko'payishini sekinlashtiradi. Yuqori konsentratsiyalarda bakteritsid ta'sir ko'rsatadi. Qator gram-musbat, gram-manfiy, anaerob, hujayra ichidagi va boshqa mikroorganizmlarga nisbatan faollikka ega. Mikroorganizmlar dastlab antibiotik ta'siriga chidamli bo'lishi yoki unga chidamlilik hosil qilishi mumkin. Ko'p hollarda sezgir mikroorganizmlar: Gram-musbat aeroblar: Staphylococcus aureus (metitsillin sezgir), Streptococcus pneumoniae (penitsillin sezgir), Streptococcus pyogenes; Gram-manfiy aeroblar: Haemophilus influenzae, Haemophilus parainfluenzae, Legionella pneumophila, Moraxella catarrhalis, Pasteurella multocida, Neisseria gonorrhoeae; Anaeroblar: Clostridium perfringens, Fusobacterium spp., Prevotella spp., Porphyromonas spp.; Boshqa mikroorganizmlar: Chlamydia trachomatis, Chlamydia pneumonia, Chlamydia psittaci, Mycoplasma pneumonia, Mycoplasma hominis, Borrelia burgdorferi. Azitromitsinga chidamlilik rivojlantirishi mumkin bo'lgan mikroorganizmlar: Gram-musbat aeroblar: Streptococcus pneumoniae (penitsillinga chidamli). Dastlabdan chidamli mikroorganizmlar: Gram-musbat aeroblar: Enterococcus faecalis, Staphylococcus spp. (metitsillinga chidamli stafilokokklar makrolidlarga juda yuqori darajada chidamlilik namoyon qiladi); Eritromitsinga chidamli gram-musbat bakteriyalar; Anaeroblar: Bacteroides fragilis.