O‘tkir va surunkali infeksion-yallig‘lanishli nafas yo‘llari kasalliklarini davolashda, qiyin ajraladigan balg‘am bilan kechadigan yo‘tal (bronxitlar, traxeobronxitlar, bronxopnevmoniya, bronxoektatik kasallik va boshqalar). Kombinatsiyalangan terapiya tarkibida sekretsiya funksiyasi oshgan surunkali gastritda, asoratsiz me’da va o‘n ikki barmoqli ichak yarasi kasalligida.
Organizmning noxos xususiy rezistentligini oshiruvchi vosita sifatida zaiflashgan bemorlarda.
Bola yoshidagi allergik dermatitlar, allergik dermatozlar.

Preparatga yuqori sezuvchanlik.

Ichkariga qo‘llanadi, 1-2 choy qoshiq siropni bir stakan suv yoki choyga qo‘shib, kuniga 1-2 marta 10-30 kun davomida qabul qilinadi. Preparatni uzoq muddat qo‘llash tavsiya etilmaydi.

Allergik reaksiyalar. Uzoq muddat qo‘llanganda arterial bosimning oshishi, suyuqlikning ushlanishi, hatto shishlar paydo bo‘lishi mumkin.

Ekspektorant, yallig‘lanishga qarshi va allergiyaga qarshi ta’sir ko‘rsatadi, me’da va o‘n ikki barmoqli ichak yaralarining surunkali yallig‘lanish kasalliklarida, ayniqsa me’da shirasi kislotaligi oshgan hollarda, yaralarning bitishini tezlashtiradi. Glitsirrizinat kislota organizmda metabolik o‘zgarishlarga uchrab, kortikosteroidga o‘xshash ta’sir ko‘rsatadi. Shuningdek, organizmning noxos xususiy rezistentligini oshiradi, stafilokokk, sil mikobakteriyasi, ichak tayoqchasiga nisbatan antimikrob faollikka ega.