Nafas yo'llarining infeksion-yallig'lanish kasalliklarini kompleks davolashda, balg'am ajralishi va yo'tal bilan kechuvchi (o'tkir va surunkali bronxitlar, traxeobronxitlar, pnevmoniya, bronxoektatik kasalliklar). Surunkali giperasid gastritda yordamchi vosita sifatida.

Preparat komponentlariga yuqori sezuvchanlik, qandli diabet, jigar va buyrak funksiyasining buzilishi, arterial gipertenziya, gipokaliemiya, og‘ir darajadagi semizlik.

Kattalar va 12 yoshdan oshgan bolalarga ovqatdan keyin kuniga 3-4 marta 1 osh qoshiq (15 ml) sirop qabul qilish tavsiya etiladi. Davolash kursining davomiyligini shifokor har bir bemor uchun alohida, kasallikning og'irligi va xususiyatlarini, erishilgan terapevtik ta'sirning barqarorligini va preparatga toqat qilishni hisobga olgan holda belgilaydi. Bolalar. 12 yoshgacha bo'lgan bolalarga preparat buyurilmaydi.

Individual yuqori sezuvchanlikda allergik reaksiyalar rivojlanishi mumkin, jumladan toshma, qichishish, terining giperemiyasi, shishlar. Sоlodka preparatlarini uzoq muddat haddan tashqari dozada qo‘llash suv-elektrolit muvozanatining buzilishiga va shishlar paydo bo‘lishiga, gipokaliemiyaning rivojlanishiga olib kelishi mumkin; ayrim hollarda arterial bosimning oshishi, gipokaliemik miopatiya va mioglobinuriya mumkin. Har qanday nojo‘ya hodisalar yuzaga kelganda, bemor dori vositasini qo‘llashni to‘xtatishi va shifokorga murojaat qilishi kerak!

Yalang'och shirinmiya ildizlari glitsirizin, glitsirizinat kislota kaliy va kaltsiy tuzlari, flavon glikozidlari (likviritin, likviritogenin, likviritozid)ni o'z ichiga oladi. Shirinmiya preparatlarining balg'am ko'chiruvchi ta'siri glitsirizin tarkibiga bog'liq bo'lib, u traxeya va bronxlarning kiprikli epiteliy faoliyatini rag'batlantiradi, yuqori nafas yo'llari shilliq qavatlarining sekretor funksiyasini kuchaytiradi. Dori vositasining nafas yo'llari silliq mushaklariga spazmolitik ta'siri flavon birikmalari mavjudligi bilan bog'liq, ular orasida eng faol bo'lgan likviritozid, yallig'lanishga qarshi (kortikosteroid) effekt esa glitsirizin kislotasi mavjudligi bilan bog'liq, u glitsirizin gidrolizi natijasida ajralib chiqadi.

Sirop tarkibida shakar mavjud, shuning uchun uni qandli diabet bilan kasallangan bemorlarga qo'llash mumkin emas. Ushbu dori vositasi kamida 5 hajm. % etanol (spirt) o'z ichiga oladi, ya'ni 600 mg/doza, bu dozada 15 ml pivo, 6 ml vino ekvivalentiga teng. Alkogolizm bilan kasallangan bemorlar uchun zararli. 12 yoshdan katta bolalar va epilepsiya bilan kasallangan bemorlarga ehtiyotkorlik bilan qo'llash kerak. Preparatni uzoq muddat davomida qo'llash tavsiya etilmaydi, chunki bu suv-tuz almashinuvi buzilishiga, shishlarga olib kelishi mumkin. Diuretiklar, yurak glikozidlari, kortikosteroidlar, stimulyatsion ich ketkazuvchi vositalar yoki elektrolit muvozanatini buzishi mumkin bo'lgan boshqa dori vositalari bilan bir vaqtda qo'llash tavsiya etilmaydi (qarang bo'lim «Boshqa dori vositalari bilan o'zaro ta'siri va boshqa o'zaro ta'sir turlari»). Homiladorlik yoki emizish davrida qo'llash Dori vositasi homiladorlik davrida kontrendikatsiyalangan, chunki yalang'och shirinmiya estrogenlar darajasini oshiradi, natijada gormonal muvozanat buziladi. Bachadon faoliyatini rag'batlantiradi. Katta dozalarda embriotoksik ta'sir ko'rsatadi. Preparat emizish davrida kontrendikatsiyalangan. Avtotransport yoki boshqa mexanizmlarni boshqarishda reaksiya tezligiga ta'sir qilish qobiliyati Preparatni qo'llash davrida avtotransport boshqarish va potentsial xavfli mexanizmlar bilan ishlashdan tiyilish kerak.

Uzoq muddatli qo'llash (4 haftadan ortiq) va/yoki shirinmiya haddan tashqari dozada qabul qilinganda quyidagi simptomlar bilan dozani oshirib yuborish holatlari haqida xabar berilgan: suyuqlik ushlanishi, gipokaliemiya, gipertoniya, yurak ritmi buzilishi, gipertonik ensefalopatiya. Dozani oshirib yuborishda nojo'ya ta'sirlar kuchayishi mumkin. Davolash simptomatik.