Magniy - hujayralarning energiya bilan ta’minlanishi, ferment reaksiyalarini faollashtirish uchun muhim element bo‘lib, almashinuv jarayonlarida ishtirok etadi va qondagi glyukoza darajasini barqarorlashtiradi. Kalsiy va V guruhi vitaminlarini o‘zlashtirishda ishtirok etadi. Suyaklarning mustahkamligini oshiradi - organizmda kalsiy va kaliyning membranalarga o‘tishida muhim rol o‘ynaydi.
Vitamin V1 - almashinuv jarayonlarida ishtirok etadi, asab tizimining normal faoliyatini qo‘llab-quvvatlaydi, miya funksiyalarini, jumladan, emotsional va kognitiv jarayonlarni yaxshilaydi.
Vitamin V6 - asab tizimi metabolizmini tartibga solishda ishtirok etadi, shuningdek, magniyning me’da-ichak yo‘llaridan so‘rilishini va hujayralarga kirib borishini yaxshilaydi.
Vitamin V12 - asab, gemopoez tizimi va me’da-ichak trakti funksiyasining normal ishlashiga yordam beradi. Miya emotsional va kognitiv (bilish) funksiyalarining normal bo‘lishi V12 vitamini optimal darajada bo‘lishiga bog‘liq.
Vitamin S - suvda eriydigan vitamin va antioksidant bo‘lib, immun tizimining himoya xususiyatlarini oshiradi, kollagen sintezida ishtirok etadi, qizil qon hujayralari, suyak va to‘qimalarni shakllantiradi, milk va qon tomirlarini mustahkamlaydi va ovqatdan temirni o‘zlashtirishga yordam beradi.