Har bir tabletkada quyidagilar mavjud:

faol modda: serratiopeptidaza 10 mg,

yordamchi modda: makkajo‘xori kraxmali, ikki asosli kalsiy fosfati, natriy kroskarmelloza, tozalangan talk, magniy stearati, metakril kislotasi kukuni, titan dioksidi, gidroksipropilmetil selluloza, atsetatftalat selluloza, dibutil ftalat, temir oksidi qizil, izopropil spirti, dixlormetan.

Ta'sir qiluvchi modda - serratiopeptidaza, patogen bo'lmagan ichak bakteriyasi Serratia E15 dan ajratib olingan, proteolitik ferment bo'lib, fibrinolitik, yallig'lanishga qarshi va shishlarga qarshi faollikka ega. 
Yallig'lanish jarayonini kamaytirishdan tashqari, preparat yallig'lanish o'chog'idan og'riq mediatorlarining ajralishini bloklash orqali og'riqni kamaytiradi.
Preparat qonning alfa-2-makroglobulini bilan 1:1 nisbatda bog'lanadi, bu uning antigenligini niqoblaydi, lekin fermentativ faolligini saqlab qoladi. Yallig'lanish joyida ekssudatga sekin o'tadi va asta-sekin uning qondagi darajasi kamayadi. 
Bradikinin, gistamin va serotonin gidrolizi orqali serratiopeptidaza to'g'ridan-to'g'ri kapillyarlarning kengayishini va ularning o'tkazuvchanligini kamaytiradi. Preparat plazmin ingibitorlarini bloklaydi, shu tariqa fibrinolitik faollikning oshishiga yordam beradi.
Preparat shishning kamayishi va mikrosirkulyatsiyaning yaxshilanishi hisobiga balg'amning suyulishi va ajralishiga yordam beradi.

Preparat qon ivishiga ta'sir qilganligi sababli, uni qon ketish xavfi va qon ivish vaqti buzilgan bemorlarda, shuningdek, antikoagulyantlar qabul qilayotgan bemorlarda ehtiyotkorlik bilan qo'llash kerak. 

Ağir jigar va buyrak kasalliklarida preparat ehtiyotkorlik bilan qo'llaniladi. 

Dori vositasining transport vositasini yoki potensial xavfli mexanizmlarni boshqarish qobiliyatiga ta'sir qilish xususiyatlari

Ta'sir qilmaydi.