“Vitaminlashtirilgan baliq yog‘i” kapsulalari - hayvonlardan olingan dori vositasi bo‘lib, uning ta’siri tarkibiga kiruvchi A va D vitaminlari hamda to‘yinmagan yog‘ kislotalari effektlari bilan belgilanadi. A va D vitaminli, gipo-lipidemik, bilvosita vazodilatatsion ta’sir ko‘rsatadi. Trombotsitlar agregatsiyasini sekinlashtiradi, qonni reologik xususiyatlarini yaxshilaydi. A vitamini - yog‘da eriydigan vitamin, oksidlanish-qaytarilish jarayonlarida muhim rol o‘ynaydi, mukopolisaxaridlar, oqsillar, lipidlar sintezida ishtirok etadi. Normal tun va rangli ko‘rish uchun zarur bo‘lgan ko‘ruv pigmentlari hosil bo‘lishida ishtirok etadi; epiteliy to‘qimalarining yaxlitligini ta’minlaydi, suyaklarning o‘sishini tartibga soladi. D vitamini - ichakda kalsiy va fosfor so‘rilishini, buyraklarda kalsiy va fosfor reabsorbtsiyasini, kalsiyning hujayra membranalari orqali transportini rag‘batlantiradi, suyak tuzilmasi shakllanishi jarayonini tartibga soladi. Shuningdek, immun tizimi rivojlanishiga, hujayralar proliferatsiyasi va differentsiatsiyasiga, lipidlar va bir qator gormonlar sinteziga, yurak-qon tomir tizimi va me’da-ichak trakti funksional faolligiga ijobiy ta’sir ko‘rsatadi, qonda paratireoid gormoni darajasini pasaytiradi. U parashitovid bezlarning normal faoliyati uchun zarur, ATF sintezida ishtirok etadi. To‘yinmagan yog‘ kislotalari araxidon kislotasi, leykotrienlar va prostaglandinlar sintezida ishtirok etadi, qonda xolesterin va triglitseridlar konsentratsiyasini pasaytiradi.
 

 D vitamini faolligi uni bir vaqtda tutqanoqka qarshi vositalar yoki barbituratlar bilan qo‘llanganda kamayishi mumkin. Estrogenlar bilan birga qo‘llanganda A vitamini gipervitaminozi xavfi oshadi. A vitamini glyukokortikoidlarning yallig‘lanishga qarshi ta’sirini pasaytiradi. 

 “Vitaminlashtirilgan baliq yog‘i” dori vositasini tarkibida A va D vitaminlari bo‘lgan boshqa vitamin preparatlari bilan birga qo‘llash tavsiya etilmaydi, bu vitaminlarning dozadan oshib ketishini oldini olish uchun. Dori vositasini homiladorlik va emizish davrida faqat shifokor bilan maslahatlashgandan so‘ng qo‘llash mumkin. Yurak zararlanishlari, buyrak, jigar va me’da-ichak trakti o‘tkir va surunkali kasalliklarida, me’da va 12 barmoqli ichak yarasida, gipotiroidizmda, keksalikda ehtiyotkorlik bilan qo‘llanadi. Avtomobil va murakkab mexanizmlarni boshqarish qobiliyatiga ta’siri Yo‘q. Preparatni yaroqlilik muddati tugagandan so‘ng qo‘llash mumkin emas va bolalar uchun yetib bo‘lmaydigan joyda saqlash lozim. 

 Kattalarda simptomlar - uyquchanlik, sustlik, bosh og‘rig‘i; bolalarda - tana haroratining ko‘tarilishi, uyquchanlik, ortiqcha terlash, qusish, teri toshmalari. Davolash simptomatik, preparatni bekor qilish, ovqat bilan kalsiy qabulini keskin/cheklash.