Sirob - 5 ml:

Preparatning har qanday komponentiga yuqori sezuvchanlik, tarkibida Rinikold Bronxo preparatining tarkibiga kiruvchi moddalar mavjud bo‘lgan boshqa preparatlarni bir vaqtda qabul qilish, tritsiklik antidepressantlar, monoaminooksidaza ingibitorlari, beta-adrenoblokatorlarni bir vaqtda qabul qilish, har qanday etiologiyadagi tutqanoq, koronar arteriyalarning yaqqol aterosklerozi, arterial gipertenziya, qandli diabet, tireotoksikoz, feoxromotsitoma, yopiq burchakli glaukoma, me’da va o‘n ikki barmoqli ichak yarasi, prostata bezining adenomasi, glyukoza-6-fosfatdegidrogenaza fermenti yetishmovchiligi, saxaroza/izomaltaza yetishmovchiligi, fruktozani o‘zlashtira olmaslik, glyukoza-galaktoza malabsorbsiyasi, homiladorlik, laktatsiya davri, bolalar yoshi (6 yoshgacha). Ehtiyotkorlik bilan – buyrak va/yoki jigar yetishmovchiligi, 12 yoshgacha bo‘lgan bolalar yoshi.

Qabul qilishdan oldin chayqatilsin! Kattalar va 12 yoshdan katta bolalar uchun tavsiya etiladigan doza: 20 ml (4 choy qoshiq) kuniga 3 marta. 6 – 12 yoshli bolalar uchun tavsiya etiladigan doza: 10 ml (2 choy qoshiq) kuniga 2 – 3 marta. Preparatni qabul qilish kun davomida teng taqsimlanishi kerak.

Arterial bosimning ko‘tarilishi, taxikardiya, bosh og‘rig‘i, uyquchanlik paydo bo‘lishi, bosh aylanishi, shilliq qavatlarning qurishi, ishtahaning yomonlashuvi, siyishning qiyinlashuvi, toshma va qichishish, eshakemi, Kvinke shishi ko‘rinishidagi allergik reaksiyalar; ko‘ngil aynishi, qusish, qabziyat, diareya, epigastral sohada og‘riq, qo‘zg‘aluvchanlikning oshishi, uxlab qolishning buzilishi, midriaz, akkomodatsiya falaji, ko‘z ichki bosimining oshishi, feoxromotsitoma mumkin. Bolalarda qo‘zg‘aluvchanlik, bezovtalik va asabiylik paydo bo‘lishi mumkin. Qariyalarda shuningdek ongning chalkashishi yoki asabiylik kuzatilishi mumkin.

Preparatni shifokor tayinlovisiz 7 kundan ortiq qabul qilish tavsiya etilmaydi. Siydikning pushti rangga bo‘yalishi mumkin. Preparatni yo‘tal refleksi susaygan yoki mukotsiliyar transport buzilgan bemorlarda balg‘am to‘planishi ehtimoli tufayli ehtiyotkorlik bilan qo‘llash kerak. Davolanish vaqtida yetarli miqdorda suyuqlik qabul qilish tavsiya etiladi. Preparat tarkibiga kiruvchi gvayfenezin siydikda 5-gidroksiindoluksus va vinililmindal kislotalarni aniqlashda gvayfenezinning metabolitlari rangga ta’siri tufayli soxta musbat natijalar berishi mumkin (mazkur test uchun siydik yig‘ishdan 48 soat oldin gvayfenezin qabul qilishni to‘xtatish kerak).

 

Rinikold Bronxo-sirop - kombinasiyalangan preparat, uning tarkibiga kiruvchi gwayfenezin va ambroksol bronxial sekretsiyaning quyuqligini kamaytiradi va balg'am ko'chishini osonlashtiradi.

Xlorfenamin maleat antiallergik ta'sir ko'rsatadi: ko'z va burunda qichishish, yosh oqishini bartaraf etadi.

Fenilefrin gidroxlorid tomirlarni toraytiruvchi ta'sir ko'rsatadi, yuqori nafas yo'llari va qo'shimcha bo'shliqlarning shilliq qavatlarida shish va giperemiyani kamaytiradi. 

 

Preparat sedativ vositalar, etanolning ta'sirini kuchaytiradi.

Antidepressantlar, fenotiazin hosilalari (xlorpromazin, trifluoperazin, levomepromazin), antiparkinson va antipsixotik vositalar bilan birga qo'llanganda siydik tutilishi, og'iz qurishi, qabziyat rivojlanish xavfi oshadi, glyukokortikosteroidlar (prednizolon, deksametazon, triamtsinolon) bilan birga qo'llanganda glaukoma rivojlanish xavfi oshadi.

Xlorfenamin bir vaqtda monoaminooksidaza ingibitorlari (nialamid), furazolidon bilan qo'llanganda gipertonik kriz, qo'zg'alish, giperpireksiya rivojlanishiga olib kelishi mumkin.

Trisiklik antidepressantlar bilan birga qo'llanganda ularning simpatomimetik ta'sirini kuchaytiradi, galotan bilan birga qo'llanganda qorinchalik aritmiya rivojlanish xavfini oshiradi, guanidin bilan birga qo'llanganda uning gipotenziya ta'sirini kamaytiradi, guanidin esa o'z navbatida fenilefrinning alfa-adrenostimulyatsion faolligini kuchaytiradi.

Ambroksol va gwayfenezinni yo'talga qarshi vositalar bilan birga qo'llash balg'am ajralishini qiyinlashtiradi.