1 flakon tarkibida
faol modda kreatin fosfat dinatriy tuzi (kreatin fosfat dinatriy tuzi tetrahidrat ko‘rinishida).

O‘tkir miokard infarkti; surunkali yurak yetishmovchiligi; yurakda operatsiyalar; o‘tkir miya qon aylanishining buzilishi (asosiy terapiyaga qo‘shimcha sifatida); skelet mushaklarining zo‘riqish holati.

Doriga individual yuqori sezuvchanlik.

Miokard infarktida dastlabki doza birinchi kuni - 2 g, tomir ichiga tez (struynoy) yuboriladi (in'ektsiya 4 daqiqadan ko‘proq davom etishi kerak). 2 soatdan so‘ng 5 g preparat tomchilab yuboriladi, har bir grammi 30 ml 5% glyukoza eritmasida eritiladi (tomchilab yuborish 1 soat davomida amalga oshiriladi). Ikkinchi kundan beshinchi kungacha tomir ichiga tomchilab har kuni 5 g preparat yuborilishi mumkin. Agar bemor kritik holatda bo‘lsa yoki terapevtik ta’sir yetarli bo‘lmasa, doza 10 g gacha oshirilishi mumkin.
Yurak yetishmovchiligida dastlabki 14 kun davomida kuniga 2 marta 1 g dan tomir ichiga in'ektsiya tarzida yuboriladi. Preparatni sekin (2 daqiqadan ko‘proq) yuborish kerak. 15-kundan 44-kungacha doza kuniga 0,5-1 g gacha tomir ichiga yoki 0,5 g mushak ichiga kamaytirilishi mumkin. Mushak ichiga in'ektsiya uchun preparatni 4 ml erituvchida, 40 mg lidokain saqlovchi erituvchida eritish kerak, in'ektsiya joyida og‘riqni oldini olish uchun.
Yurak operatsiyalarida operatsiyadan ikki kun oldin har kuni sekin (kamida 4 daqiqa) tomir ichiga 2 g preparat, 12 ml steril in'ektsiya uchun suvda eritilgan holda yuborish tavsiya etiladi. So‘ng, aorta qisqichlanishidan oldin va to‘liq anesteziyagacha, tomir ichiga 1 g/soat dozada yuboriladi, kardioflegik eritma ishlatilguncha. Operatsiya vaqtida ushbu preparat kardioflegik eritmaga 2,5 g/l (10 mmol/l) konsentratsiyaga yetkazish uchun qo‘shiladi va so‘ngra koronar arteriyaga 4°C haroratda dastlabki doza 15 mmol/kg tana vazniga, keyingi doza 10 mmol/kg/30 daqiqa davomida, aorta qisqichi olib tashlanmaguncha yuboriladi. Operatsiya tugagach va aorta qisqichi olib tashlangach, preparat 48 soat davomida uzluksiz yuboriladi, kunlik doza 8 g (4 g 500 ml 5% glyukoza eritmasida, yuborish tezligi 40 ml/soat).

Allergik reaksiyalar bo‘lishi mumkin.

Kardiohimoya qiluvchi, membranostabilizatsiyalovchi, antiaritmik, metabolik. Kreatin fosfat endogen fiziologik faol modda bo‘lib, organizmning turli to‘qimalarida, ayniqsa miokardda keng tarqalgan. Kreatin fosfat molekulasida mavjud bo‘lgan yuqori energiyali fosfor kislotasi bog‘i miokardni energiya bilan ta’minlashi mumkin. Ekzogen kreatin fosfat hujayra ichidagi fosforillovchi birikmalar, ya’ni hujayrada energiya manbai bo‘lgan birikmalar miqdorini normal darajada ushlab turadi. Ushbu preparat 5'-nukleotidaza faolligini bostirish orqali ATF sintezini oshirishi va fosfolipazani ingibitsiya qilish orqali hujayra membranasini barqarorlashtirishi mumkin. Shu tariqa hujayralarni erkin radikallar ta’sirida yuzaga keladigan shikastlanishlardan himoya qiladi. Ishemik reperfuziya vaqtida kreatin fosfat energiyaga bog‘liq sekin kalsiy kanali faolligini oshiradi va sekin kalsiy oqimini kuchaytiradi, maksimal depolyarizatsiya tezligini pasaytiradi, bu esa uning antiaritmik ta’sirini ta’minlaydi. Kreatin fosfat yuqori samarali va past toksik kardiohimoya qiluvchi vosita bo‘lib, miokard infarkti vaqtida nekroz zonasini sezilarli darajada kamaytirishi, o‘tkir qorinchalar aritmiyasini kamaytirishi va miokard hujayralariga membranostabilizatsiyalovchi ta’sir ko‘rsatishi, ularning ishemiyasini oldini olishi mumkin. Revarton oddiy terapiya bilan birga yurak funksiyasi ko‘rsatkichini oshiradi va surunkali yurak yetishmovchiligi bo‘lgan bemorlarda klinik holatni yaxshilaydi, nojo‘ya ta’sirlar rivojlanmasdan. Yurakda jarrohlik amaliyotlari vaqtida miokard ishemiyasidan samarali himoya qilish kreatin fosfatni kardioplegik eritmaga qo‘shish orqali erishiladi. Bunda yurak funksiyasi tiklanishi tezlashadi, yurak aritmiyasi va boshqa asoratlar rivojlanishi oldi olinadi.

Dori inyeksiya uchun suvda 1 g 6 ml nisbatda eritilishi mumkin, tomir ichiga yuborish vaqti kamida 2 daqiqa bo‘lishi kerak.
Dori kamida 16 soat davomida 5% glyukoza eritmasida, inyeksiya uchun suvda, fiziologik va kardioplegik eritmada barqaror.
Dori kardiohimoya vositasi hisoblanadi, lekin u kardiokinetik terapiyani almashtira olmaydi.
Diabet bilan kasallangan bemorlar uchun dori 5% glyukoza eritmasida suyultirilmasligi kerak, lekin inyeksiya uchun suvda yoki fiziologik eritmada eritilishi mumkin.
Homilador va laktatsiya davrida qo‘llanilishi
Hozirgi vaqtgacha homilaga toksik ta’siri yoki homiladorlikka ta’siri haqida hech qanday ma’lumot aniqlanmagan.
Dorini bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.

Dori bilan dozani oshirib yuborish holatlari haqida hozirgacha xabar berilmagan.