Triptofan 50 mg Griffoniya 60 mg Ashvaganda 150 mg Magniy 57 mg

- asabiy qo‘zg‘aluvchanlik va asabiylikning oshishi; - jismoniy va intellektual yuklamalarning oshishi; - surunkali stress; - depressiv holatlar; - xavotir va tushkunlik hissi; - charchoqlikning oshishi; - uyqu buzilishi; - mushaklardagi og‘riq va spazmlar; - yurak-qon tomir tizimi kasalliklarini, jumladan aritmiya, arterial gipertenziya, yurak yetishmovchiligi, stenokardiya, ateroskleroz va miokard infarktini boshdan kechirgan holatlarni davolash uchun kompleks terapiya tarkibida.

Preparat tarkibiy qismlariga yuqori sezuvchanlik, 12 yoshgacha bo‘lgan bolalar yoshi.

Yuqori asabiy qo‘zg‘aluvchanlik, asabiy zo‘riqish, asabiylashish, xavotir va tushkunlik hissi bo‘lganda odatda kuniga 2-3 marta 1 tabletka buyuriladi. Maksimal sutkalik doza – 3 tabletka. Uyqu buzilishi va uyqusizlikda uxlashdan yarim soat oldin 2 tabletka qabul qilish kerak. Og‘iz orqali, yetarli miqdorda suv bilan ichiladi. Qo‘llash kursi 1-3 oy.

Odatda yaxshi o‘zlashtiriladi. Kamdan-kam: allergik reaksiyalar, holsizlik.

O‘simlikdan olingan sedativ vosita, bir vaqtning o‘zida magniy yetishmovchiligini to‘ldiradi. Faol moddalarning xususiyatlari: L-triptofan – bu almashtirib bo‘lmaydigan aminokislota bo‘lib, oqsil almashinuvda ishtirok etadi, serotonin («baxt gormoni»), melatonin (antioksidant va «uyqu gormoni») va xolin (nootrop va antidepressant) ishlab chiqarilishiga yordam beradi. Triptofan organizmda ishlab chiqarilmaydi, shuning uchun uni faqat oziq-ovqat orqali olish mumkin. Ushbu aminokislotaning yetishmovchiligi surunkali uyqusizlik, kayfiyatning pasayishi, depressiv holatlar, ovqatlanish buzilishlariga sabab bo‘lishi mumkin. Griffoniya – bu o‘simlik antidepressanti. Faol komponent 5-HTP (5-gidroksitriptofan) endorfin gormonlari sintezida ishtirok etadi, natijada kayfiyatni yaxshilaydi, sog‘lom uyquning barcha fazalarini tiklashga yordam beradi, uyquga ketishni yaxshilaydi. Premenstrual sindrom, klimaksda emotsional holatni yaxshilaydi: tushkunlik va xavotir, zo‘riqish, asabiylikni kamaytiradi. Ashvaganda – bu adaptogen o‘simlik bo‘lib, organizmdagi disbalansni samarali barqarorlashtiradi, stress davrida kortizol darajasini pasaytiradi. Ashvaganda qalqonsimon bezning gipofunksiyasi va gipertirozida ham samarali. Ashvaganda nafaqat stressga qarshi tabiiy vosita, balki immunitetni mustahkamlash va degenerativ kasalliklarning oldini olishga yordam beradi. Magniy – bu hayot uchun muhim element bo‘lib, organizmning barcha to‘qimalarida mavjud va hujayralarning normal faoliyati uchun zarur, modda almashinuvi reaksiyalarining aksariyatida ishtirok etadi, energiya ishlab chiqarishga yordam beradi. Magniy mushaklarda, shu jumladan miokardda ion muvozanatini saqlashda muhim fiziologik rol o‘ynaydi. Stressda organizm katta miqdorda magniy yo‘qotadi, chunki ushbu mikroelementning eng muhim funksiyalaridan biri asab tizimini stress omillarining salbiy ta’siridan himoya qilishdir. Magniy yetishmovchiligida yurak-qon tomir patologiyalari, jumladan arterial gipertenziya, insult, aritmiya va to‘satdan yurak-qon tomir o‘limi rivojlanish xavfi ortadi.