Monoterapiya sifatida sezgir mikroorganizmlar keltirib chiqargan infeksiyalarni davolash uchun:
• nafas yo‘llari infeksiyalari (yuqori va pastki bo‘limlar);
• intraabdominal infeksiyalar (peritonit, xoletsistit, xolangit va boshqalar);
• siydik chiqarish yo‘llari infeksiyalari (yuqori va pastki bo‘limlar);
• septitsemiya;
• meningit;
• teri va yumshoq to‘qimalar infeksiyalari;
• suyak va bo‘g‘imlar infeksiyalari;
• kichik tos a'zolarining yallig‘lanish kasalliklari, endometritlar;
• gonoreya va jinsiy a'zolarning boshqa infeksiyalari.
Muayyan ko‘rsatmalarga ko‘ra, Prazobak boshqa antibiotiklar bilan birga kombinatsiyalangan terapiya tarkibida qo‘llanilishi mumkin. 

Sulbaktam, tsefoperazon yoki boshqa tsefalosporinlar, penisillin va beta-laktam antibiotiklarga yuqori sezuvchanlik.
Extiyotkorlik bilan: Buyrak va jigar funksiyasining og‘ir darajadagi buzilishi; yangi tug‘ilganlar, shu jumladan muddatidan oldin tug‘ilgan bolalar. 

Prazobak tomir ichiga va mushak ichiga yuborish uchun mo‘ljallangan. Davolashni boshlashdan oldin bemorda yuqori sezuvchanlik mavjudligini istisno qilish uchun teri testi o‘tkazish zarur.
Kattalarda qo‘llanilishi. Prazobakning tavsiya etilgan sutkalik dozasi 2-4 g ni tashkil etadi. Preparat har 12 soatda teng taqsimlangan dozada yuborilishi kerak. Og‘ir yoki refrakter infeksiyalarda Prazobakning sutkalik dozasi 8 g gacha oshirilishi mumkin. Prazobak qabul qilayotgan bemorlarda tsefoperazon preparatlarini qo‘shimcha buyurish zarurati paydo bo‘lishi mumkin (har 12 soatda teng taqsimlangan dozada yuborilishi kerak). Sulbaktamning maksimal sutkalik dozasi 4 g ni tashkil etadi.
Jigar funksiyasi buzilganida qo‘llanilishi. Dozani tuzatish og‘ir obstruktiv sariqlik va og‘ir jigar kasalliklarida yoki ushbu patologiyalar buyrak funksiyasi buzilishi bilan birga kechsa zarur bo‘lishi mumkin. Jigar funksiyasi buzilgan va birga buyrak funksiyasi ham buzilgan bemorlarda plazmadagi tsefoperazon konsentratsiyasini nazorat qilish va zarur bo‘lsa, dozani mos ravishda tuzatish zarur. Agar preparatning plazmadagi konsentratsiyasi sinchkovlik bilan nazorat qilinmasa, tsefoperazonning doza sutkada 2 g dan oshmasligi kerak.
Buyrak funksiyasi buzilganida qo‘llanilishi. Kreatinin klirensi 30 ml/min dan kam bo‘lgan bemorlarda Prazobak qo‘llanilganda sulbaktam klirensining pasayishini qoplash uchun preparat dozasini tuzatish zarur. Kreatinin klirensi 15-30 ml/min bo‘lsa, sulbaktamning maksimal bir martalik dozasi har 12 soatda 1 g ni tashkil etadi; kreatinin klirensi 15 ml/min dan kam bo‘lsa – har 12 soatda 500 mg. Shuning uchun og‘ir infeksiyalarda tsefoperazon preparatlarini qo‘shimcha buyurish zarurati paydo bo‘lishi mumkin.
Dializda qo‘llanilganda Prazobak preparatining dozalash tartibini tuzatish zarur (qarang Qo‘llash xususiyatlari).
Bolalarda qo‘llanilishi. Prazobakning tavsiya etilgan sutkalik dozasi tana vazniga 40-80 mg/kg ni tashkil etadi. Preparat har 6-12 soatda teng taqsimlangan dozada yuborilishi kerak. Og‘ir yoki refrakter infeksiyalarda Prazobakning sutkalik dozasi 160 mg/kg gacha oshirilishi va 2-4 teng dozalarga bo‘linishi mumkin.
Hayotining birinchi haftasidagi chaqaloqlarga preparat har 12 soatda yuborilishi kerak. Chaqaloqlar uchun maksimal sutkalik doza 80 mg/kg dan oshmasligi kerak.
Tomir ichiga qo‘llash. Tomchilab yuborish uchun 1 flakon (1,5 g) tarkibini 6,7 ml 5 % glyukoza eritmasida, 0,9 % natriy xlorid eritmasida yoki in'ektsiya uchun steril suvda eritish, so‘ngra shu erituvchi bilan 20 ml gacha suyultirish kerak. Preparat infuzion tarzda 15-60 daqiqa davomida yuboriladi.
Prazobak in'ektsiya uchun suv, 5 % glyukoza eritmasi 0,225 % natriy xlorid eritmasida, 5 % glyukoza eritmasi 0,9 % natriy xlorid eritmasida tsefoperazon 10 mg/ml va sulbaktam 10 mg/ml dan tsefoperazon 250 mg/ml va sulbaktam 250 mg/ml gacha bo‘lgan konsentratsiyalarda mos keladi.
Ringer laktat eritmasi tomir ichiga infuziya uchun suyultirishda mos keladi, lekin birlamchi suyultirish uchun emas.
Tomir ichiga in'ektsiya uchun flakon tarkibini yuqorida ta'riflanganidek eritish va kamida 3 daqiqa davomida yuborish kerak.
Mushak ichiga qo‘llash. Lidokain eritmasi mushak ichiga qo‘llashda suyultirish uchun mos keladi, lekin birlamchi eritish uchun emas. 

Insonga tsefoperazon natriy va sulbaktam natriyning o‘tkir toksikligi haqida ma’lumot cheklangan.
Dozani oshirib yuborishda preparatni qo‘llashda qayd etilgan nojo‘ya ta’sirlarni kutish mumkin.
Beta-laktam antibiotiklarining orqa miya suyuqligidagi yuqori konsentratsiyasi nevrologik buzilishlarga, jumladan, tutqanoqlarga olib kelishi mumkinligini hisobga olish zarur.
Davolash: simptomatik, gemodializ samarali, ayniqsa, buyrak funksiyasi buzilgan bemorlarda. 

30° S dan yuqori bo‘lmagan haroratda saqlansin.
Preparatning tomir ichiga va mushak ichiga yuborish uchun tayyorlangan eritmalari xona haroratida 24 soat davomida barqaror.
Bolalar ololmaydigan joyda saqlansin. 

 3 yil. Amal qilish muddati tugaganidan keyin ishlatmang.

 

Transport vositalarini, mexanizmlarni boshqarish qobiliyatiga ta'siri

Tsefoperazon+sulbaktamni klinik qo'llanilishi tajribasiga asoslanib, uning avtomobil boshqarish va mexanizmlarni boshqarish qobiliyatiga ta'siri ehtimoli pastdir.