100 ml eritmada quyidagilar mavjud: faol modda: moksifloksatsin (moksifloksatsin gidroxlorid shaklida) – 0,16 g; yordamchi modda: natriy xlorid, natriy gidroksid, xlorid kislotasi, in'ektsiya uchun suv.

Kattalarda preparatga sezgir mikroorganizmlar chaqirgan infeksion-yallig‘lanish kasalliklari: o‘tkir sinusit; kasalxonadan tashqari pnevmoniya; surunkali bronxitning zo‘rayishi; teri va yumshoq to‘qimalar infeksiyalari; siydik-jinsiy yo‘llar infeksiyalari (pielonefrit, tsistit, uretrit va boshqalar).

homiladorlik; laktatsiya (ko'krak suti bilan emizish); bolalar va o'smirlar yoshi 18 yoshgacha; moksifloksasinga va preparatning boshqa komponentlariga yuqori sezuvchanlik. Markaziy asab tizimi kasalliklarida (shu jumladan, markaziy asab tizimi ishtirok etishiga shubha bo'lgan kasalliklarda), tutqanoq xurujlari rivojlanishiga moyillik va tutqanoq tayyorgarligi chegarasini pasaytiruvchi holatlarda, QT intervalining uzayishi, gipokaliemiya, bradikardiya, o'tkir miokard ishemiyasi, QT intervalini uzaytiruvchi preparatlar va I A va III sinf antiaritmik vositalar bilan bir vaqtda qo'llanganda, og'ir jigar yetishmovchiligida ehtiyotkorlik bilan qo'llash.

Infuzion eritma tomir ichiga 60 daqiqa davomida yuborilishi kerak. U bevosita suyultirilmasdan yoki infuziya uchun mos eritmalar bilan birga yuborilishi mumkin. Preparat quyidagi eritmalar bilan mos keladi: in'ektsiya uchun suv, 0,9% natriy xlorid eritmasi, natriy xlorid 1 molyarli, glyukoza 5%, glyukoza 10%, glyukoza 40% eritmasi, Ringer eritmasi, Ringer-laktat eritmasi. Preparat quyidagi eritmalar bilan mos kelmaydi: natriy xlorid 10% va 20% (cho‘kma hosil bo‘lishi, kristallanish), natriy bikarbonat 4,2% va 8,4% (pH o‘zgarishi va karbonat angidrid hosil bo‘lishi). Agar Pimoksin infuziyasi boshqa dori vositasi bilan buyurilgan bo‘lsa, har bir preparat alohida yuborilishi kerak. Faqat shaffof eritmadan foydalanish kerak. Loyqalangan eritmadan foydalanishga yo‘l qo‘yilmaydi.

Ko‘pchilik bemorlarda preparat yaxshi o‘zlashtiriladi. Klinik sinovlar o‘tkazilganda nojo‘ya ta’sirlarning aksariyati yengil yoki o‘rtacha og‘irlikda bo‘lgan (90%). Nerv tizimi va sezgi organlari tomonidan: uchrashish tezligi <1% - bosh og‘rig‘i, uyqusizlik, ta’m buzilishi, bosh aylanishi, asabiylik, uyquchanlik, xavotir, tremor, paresteziya, ong chalkashligi, depressiya, asteniya, umumiy noqulaylik hissi, ambliopiya. Yurak-qon tomir tizimi va qon (gemopoez, gemostaz) tomonidan: <1% - taxikardiya, periferik shishlar, arterial bosimning oshishi, yurak urishi, leykopeniya, protrombin vaqtining oshishi, eozinofiliya, trombotsitopeniya, anemiya. Ovqat hazm qilish tizimi tomonidan: <10% - qorin og‘rig‘i, ko‘ngil aynishi, diareya, qusish, dispeptik holatlar, jigar testlari ko‘rsatkichlarining buzilishi; <1% - og‘iz qurishi, meteorizm, qabziyat, og‘iz bo‘shlig‘i kandidiozi, ishtahaning yo‘qolishi, stomatit, glosit. Siydik-jinsiy tizim tomonidan: <1% - vaginal kandidoz, vaginit. Tayanch-harakat apparati tomonidan: <1% - bel og‘rig‘i, artralgiya, mialgiya. Allergik reaksiyalar: <1% - toshma, qichishish, eshakemi. Boshqalar: <1% - oyoqlarda og‘riq, qonda amilaza darajasining oshishi, terlashning kuchayishi.

Bakteritsid antibakterial preparat keng ta'sir doirasiga ega bo'lgan ftorxinolonlar hosilalari guruhiga kiradi. Preparatning bakteritsid ta'siri bakterial topoizomeraz II va IV ni ingibitsiyalash orqali yuzaga keladi, bu esa mikroblar hujayrasida DNK biosintezining buzilishiga va natijada mikroblar hujayralarining o'lishiga olib keladi. Preparatning minimal bakteritsid konsentratsiyalari, odatda, uning MPK ga mos keladi. Penisillinlar, sefalosporinlar, aminoglikozidlar, makrolidlar va tetratsiklinlarga chidamlilik rivojlanishiga olib keladigan mexanizmlar moksifloksatsinning antibakterial faolligini buzmaydi. Ushbu antibakterial preparatlar guruhlari va moksifloksatsin o'rtasida o'zaro chidamlilik aniqlanmagan. Moksifloksatsinga chidamlilik ko'p martalik mutatsiyalar orqali sekin rivojlanadi. Moksifloksatsin in vitro keng doiradagi grammanfiy va gramijobiy mikroorganizmlar, anaeroblar, kislota bardoshli bakteriyalar va atipik shakllarga, masalan, Mycoplasma spp., Chlamydia spp., Legionella spp. ga nisbatan faol. Moksifloksatsin beta-laktam va makrolid antibiotiklarga chidamli bakteriyalarga nisbatan samaralidir. Moksifloksatsinning antibakterial faollik spektri quyidagi gramijobiy mikroorganizmlarni o'z ichiga oladi: Streptococcus pneumoniae (penisillin va makrolidlarga chidamli shtammlar jumladan), Streptococcus pyogenes (A guruhi), Streptococcus milleri, Streptococcus mitis, Streptococcus agalactiae, Streptococcus dysgalactiae, Staphylococcus aureus (metitsillinga sezgir shtammlar jumladan), Staphylococcus cohnii, Staphylococcus epidermidis (metitsillinga sezgir shtammlar jumladan), Staphylococcus haemolyticus, Staphylococcus hominis, Staphylococcus saprophyticus, Staphylococcus simulans, Corynebacterium diphtheriae; grammanfiy mikroorganizmlar: Haemophilus parainfluenzae, Klebsiella pneumoniae, Moraxella catarrhalis (β-laktamaza ishlab chiqaruvchi shtammlar jumladan), Escherichia coli, Enterobacter cloacae, Bordetella pertussis, Klebsiella oxytoca, Enterobacter aerogenes, Enterobacter agglomerans, Enterobacter intermedius, Enterobacter sakazaki, Proteus mirabilis, Proteus vulgaris, Morganella morganii, Providencia rettgeri, Providencia stuartii; anaeroblar: Bacteroides distasonis, Bacteroides eggerthii, Bacteroides fragilis, Bacteroides ovatum, Bacteroides thetaiotaomicron, Bacteroides uniformis, Fusobacterium spp., Porphyromonas spp., Porphyromonas anaerobius, Porphyromonas asaccharolyticus, Porphyromonas magnus, Prevotella spp., Propionibacterium spp., Clostridium perfringens, Clostridium ramosum; boshqa mikroorganizmlar: Chlamydia pneumoniae, Mycoplasma pneumoniae, Legionella pneumophila, Coxiella burnetti. Moksifloksatsin Pseudomonas aeruginosa, Pseudomonia fluorescens, Burkholderia cepacia, Stenotrophomonas maltophilia ga nisbatan kamroq faol.