Ta'sir qiluvchi moddalari: retinola palmitat 1,7 Mio ME/g (vitamin A) - 900 ME, kolekaltsiferol 1 Mio ME/g (vitamin D3) - 100 ME, riboflavin fosfat natriy (vitamin B2) - 1 mg, piridoksin gidroxlorid (vitamin B6) - 0,6 mg, tiamin gidroxlorid (vitamin B1) - 1 mg, tsianokobalamin (vitamin B12) - 1 mkg, askorbin kislotasi (vitamin C) - 50 mg, nikotinamid (vitamin PP) - 5 mg, dekspantenol (D-pantenol) - 2 mg. Yordamchi moddalari: agar, tragakant saqich, saxaroza, dekstroza (glyukoza) suyuq, apelsin moyi, greyfrut aromatizatori, apelsin aromatizatori, polisorbat 80 (tvin 80), limon kislotasi, monogidrat, qizil bo'yoq [Ponso 4R] (E124), natriy benzoat, toza suv.

Pikovit siropini qabul qilish bo'yicha tavsiyalar: turli etiologiyali kasalliklarning oldini olish uchun; jismoniy va nerv-psixik yuklamalar paytida; charchashda; ishtahani yaxshilash uchun, shuningdek, to'liq va muvozanatli bo'lmagan ovqatlanishda; sog'ayish davrida; immunitetni mustahkamlash, organizmning sovuq, virusli, infeksion kasalliklarga qarshilik ko'rsatishini oshirish uchun; kimyoterapiya paytida kompleks qo'llab-quvvatlovchi davolash tarkibida.

Preparat komponentlariga yuqori sezuvchanlik. Qandli diabet (Pikovit® bolalar uchun sirop, 5 ml siropda 3 g shakar mavjud). A va D gipervitaminozi.

Preparat og'iz orqali qabul qilinadi. 1 yoshdan 3 yoshgacha bo'lgan bolalar: kuniga 2 marta 1 choy qoshiqdan (sutkada 10 ml sirop). 4 yoshdan 6 yoshgacha bo'lgan bolalar: kuniga 3 marta 1 choy qoshiqdan (sutkada 15 ml sirop) 7 yoshdan 14 yoshgacha bo'lgan bolalar: kuniga 3-4 marta 1 choy qoshiqdan (sutkada 15-20 ml sirop). Sirop qoshiq bilan berilishi yoki choy, sharbat yoki mevali pyure bilan aralashtirib berilishi mumkin. Ishtaha bo'lmaganda sirop har kuni 1 oy davomida berilishi kerak. Qayta qabul qilish kursi 1-3 oy o'tgach yoki shifokor tavsiyasiga ko'ra.

Allergik reaksiyalar bo'lishi mumkin. Tavsiya etilgan sutkalik doza oshirilmasin, tasodifan yuqori doza qabul qilinganda darhol shifokorga murojaat qiling.

Pikovit® bolalar uchun sirop, organizmdagi metabolik jarayonlarda muhim omillar bo‘lgan vitaminlar kompleksini o‘z ichiga oladi. Pikovit siropi 1 yoshdan boshlab bolalar uchun 9 ta eng muhim vitaminlarni o‘z ichiga oladi. Preparat profilaktik vosita sifatida, shuningdek, turli kasalliklarda umumiy terapiya tarkibida ahvolni yaxshilash, sog‘ayishni tezlashtirish uchun qo‘llaniladi. Polivitaminli kompleks yoqimli mevali ta’mga ega bo‘lib, u tabiiy greyfrut va apelsin ekstraktiga asoslangan, va suyuq shakli – sirop bo‘lgani uchun Pikovit eng kichik yoshdagi bolalarga ham oson beriladi. Hayotining ikkinchi yilidagi bolalarda organ va to‘qimalarning o‘sishi davom etadi, barcha tizimlar shakllanadi, shuning uchun vitaminlarga ehtiyoj ortadi, ular normal rivojlanishga yordam beradi, organ va tizimlar faoliyatini yaxshilaydi, kasalliklarga qarshilikni oshiradi. Vitamin A turli moddalar (oqsillar, lipidlar, mukopolisaxaridlar) sintezida ishtirok etadi va teri, shilliq qavatlar, shuningdek, ko‘rish organining normal funksiyasini ta’minlaydi. Vitamin D3 organizmdagi kalsiy va fosfor muvozanatini saqlashda muhim rol o‘ynaydi. Uning yetishmovchiligida suyak to‘qimasida kalsiy miqdori kamayadi (osteoporoz). Vitamin B1 yurak faoliyatini normallashtiradi va asab tizimining normal ishlashiga yordam beradi. Vitamin B2 to‘qimalar, shu jumladan teri hujayralarining regeneratsiya jarayonlariga yordam beradi. Vitamin B6 suyaklar, tishlar, milklarning tuzilishi va funksiyasini saqlashga yordam beradi; eritropoezga ta’sir ko‘rsatadi, asab tizimining normal ishlashiga yordam beradi. Vitamin B12 eritropoezda ishtirok etadi, asab tizimining normal ishlashiga yordam beradi. B guruhi vitaminlari organizmdagi moddalar almashinuvini tartibga soluvchi turli fermentlar hosil bo‘lishida ishtirok etadi. Vitamin S bir qator biologik faol moddalar oksidlanishida, biriktiruvchi to‘qima almashinuvi, uglevod almashinuvi, qon ivishi va to‘qimalar regeneratsiyasi tartibga solinishida ishtirok etadi, steroid gormonlar hosil bo‘lishini rag‘batlantiradi, kapillyarlarning o‘tkazuvchanligini normallashtiradi. Vitamin S organizmning infeksiyalarga chidamliligini oshiradi, yallig‘lanish reaksiyalarini kamaytiradi. Vitamin PP va D-pantenol – oqsil almashinuvida, yog‘ kislotalari va xolesterin sintezida, energiya ishlab chiqarishda ishtirok etuvchi kofermentlar bo‘lib, markaziy asab tizimining normal ishlashi uchun zarur.

Vitamin S antimikrob vositalarning sulfanilamidlar guruhiga mansub preparatlarning ta'sirini va nojo'ya ta'sirlarini kuchaytiradi (shu jumladan siydikda kristallarning paydo bo'lishi).