1 tabletka tarkibida: Faol modda: paratsetamol - 500 mg, diklofenak natriy - 50 mg. Yordamchi modda: jelatin, makkajo‘xori kraxmali, kalsiy dioksid fosfat, natriy metilparaben, natriy propilparaben, povidon K-30, magniy stearat, tozalangan talk, natriy kraxmal glikolyat.

revmatoyid artrit, osteoartrit, bel og‘rig‘i va boshqa o‘tkir skelet-mushak kasalliklari, masalan, tendinit, tenosinovit, bursit, cho‘zilish va chiqishlar. ankilozlovchi spondilit; ortopedik, stomatologik va boshqa kichik jarrohlik amaliyotlarida og‘riq va yallig‘lanishni kamaytirish; yuvenil surunkali artrit; operatsiyadan keyingi og‘riq; bosh og‘rig‘i; tana og‘rig‘i, tana haroratini pasaytirish.

preparat komponentlariga yuqori sezuvchanlik; anamnezda angionevrotik shish va bronxospastik reaksiya aspirin yoki boshqa nosteroid yallig'lanishga qarshi vositalarga (“aspirin astmasi”), bronxial astma xurujlari; eroziv-yarali oshqozon-ichak yo'llari shikastlanishlari zo‘rayish bosqichida (shu jumladan peptik yara, Kron kasalligi, noaniq yarali kolit); homiladorlik, laktatsiya; 12 yoshgacha bo‘lgan bolalar yoshi; qon hosil bo‘lishi funksiyasining buzilishi; ko‘ruv nervi kasalliklari, surunkali obstruktiv nafas yo‘llari kasalliklari, burun poliplari, pichan isitmasi; buyrak va jigar funksiyasining og‘ir buzilishlari, rangli ko‘rishning buzilishi, tug‘ma glyukoza-6-fosfatdegidrogenaza yetishmovchiligi.

Ichkariga tabletkani butun holda, chaynalmay, yetarli miqdorda suyuqlik bilan qabul qilish kerak. Preparatni ovqatdan keyin qabul qilish lozim. Kattalarga 1 tabletkadan kuniga 2-3 marta buyuriladi. 12 yoshdan katta, tana vazni 30 kg dan ortiq bo‘lgan bolalarga 1/2 tabletkadan kuniga 3 marta buyuriladi. Har bir navbatdagi qabul orasidagi interval kamida 4 soat bo‘lishi kerak.

Ovqat hazm qilish tizimi tomonidan: ko‘ngil aynishi, qusish, anoreksiya, noqulaylik hissi (epigastriy sohasida og‘riq va spazmlar), meteorizm, ishtahaning pasayishi. Kamdan-kam hollarda oshqozon-ichak trakti eroziyali-yarali shikastlanishlari, qon ketish, perforatsiya bilan asoratlanishi, aftoz stomatit, ezofagit. Ayrim hollarda noaniq yarali kolit, Kron kasalligi. Markaziy asab tizimi tomonidan: bosh og‘rig‘i, bosh aylanishi, charchoqlikning oshishi. Kamdan-kam hollarda idrok yoki ko‘rish buzilishlari (xiralashgan ko‘rish, diplopiya), quloqda shovqin, asabiylashish, tutqanoq, uyqu buzilishi, depressiya, xavotir hissi, psixik buzilishlar. Dermatologik reaksiyalar: teri toshmasi, eshakemi. Bulloz toshmalar, ekzema, eritrodermiya, soch to‘kilishi, fotosensibilizatsiya bo‘lishi mumkin. Jigar funksiyasi tomonidan: jigar funksiyasi buzilishi, jumladan gepatit (sariqlik bilan yoki sariqliksiz). Qon yaratuvchi tizim tomonidan ayrim hollarda trombotsitopeniya, leykopeiya, agranulositoz, gemolitik anemiya, aplastik anemiya. Yurak-qon tomir tizimi tomonidan: yakka-yakka hollarda taxikardiya, ko‘krak sohasida og‘riq, arterial gipertenziya; yurak yetishmovchiligi. Allergik va immunopatologik reaksiyalar: kamdan-kam hollarda bronxial astma xurujlari, tizimli anafilaktik (anafilaktoid) reaksiyalar.

Paradik - bu og'riq qoldiruvchi va yallig'lanishga qarshi kombinatsiyalangan preparat. Paratsetamol og'riq qoldiruvchi va isitmani tushiruvchi ta'sir ko'rsatadi. Og'riq qoldiruvchi ta'sir mexanizmi asosan gipotalamusdagi termoregulyatsiya markazida prostaglandinlar sintezini ingibitsiyalash bilan bog'liq. Paratsetamolning isitmani tushiruvchi ta'siri gipotalamusning termoregulyatsiya markazlariga to'g'ridan-to'g'ri ta'sir qilish bilan bog'liq bo'lib, natijada tomirlarning kengayishi va kuchaygan terlash hisobiga issiqlik chiqishi ortadi. Diklofenak natriy nosteroid yallig'lanishga qarshi vosita hisoblanadi. Ta'sir mexanizmi prostaglandinlar sintezini siklooksigenazani noaniq tormozlash orqali va shuningdek, leykotsitlarda erkin araxidon kislotasi konsentratsiyasini kamaytirish bilan bog'liq. Yallig'lanishga qarshi, og'riq qoldiruvchi va isitmani tushiruvchi ta'sir ko'rsatadi, trombotsitlar agregatsiyasiga to'sqinlik qiladi. Uzoq muddatli qo'llanilganda desensibilizatsiyalovchi ta'sir ko'rsatadi.

Preparatni buyurishda oshqozon-ichak trakti eroziyaviy-yarali shikastlanishlari tarixi bo‘lgan bemorlarga, shuningdek, jigar, buyrak, qon hosil qiluvchi organlar funksiyasining og‘ir buzilishlari bo‘lgan bemorlarga ehtiyotkorlik bilan qo‘llash kerak. Yuqori dozalarda preparat trombotsitlar agregatsiyasini bostirishi mumkin, shuning uchun gemostaz buzilishi bo‘lgan bemorlarni diqqat bilan kuzatish zarur. Preparatni keksalik yoshida, surunkali yurak yetishmovchiligi, arterial gipertoniya, porfiriya bo‘lgan bemorlarga, shuningdek, jiddiy jarrohlik aralashuvlaridan so‘ng darhol ehtiyotkorlik bilan qo‘llash kerak. Preparat bilan davolash vaqtida jigar, buyrak funksiyasi va periferik qon manzarasini nazorat qilish zarur. Preparatni qo‘llash vaqtida preparatning gepatotoksik ta’sirining kuchayishi ehtimoli tufayli spirtli ichimliklarni iste’mol qilish mumkin emas. Avtotransport vositalarini boshqarish va boshqa mexanizmlarni boshqarish qobiliyatiga ta’siri Preparatni qabul qilish vaqtida bemorlar yuqori e’tibor va tez psixik va harakat reaksiyalarini talab qiladigan ishlarni (masalan, avtomobil haydash) bajarishdan tiyilishlari kerak. Homiladorlik va laktatsiya davri Preparatni qo‘llash kontraindikatsiyalangan, faqat qat’iy ko‘rsatmalar bo‘yicha mumkin.

Siptomlar: allergik reaksiyalar, bosh og‘rig‘i, psixomotor qo‘zg‘alish, bosh aylanishi. Davolash: oshqozonni yuvish, simptomatik davolash.