1 tabletkada: faol modda: gopanten kislotasi - 250,00 mg yoki 500,00 mg; yordamchi modda: magniy gidroksikarbonat, kalsiy stearat, talk, kartoshka kraxmal.

Organik bosh miya shikastlanishlari va nevrotik buzilishlarda kognitiv buzilishlar; bosh miya tomirlarining aterosklerotik o‘zgarishlari bilan chaqirilgan serebrovaskulyar yetishmovchilikning kompleks terapiyasi tarkibida; senil demensiya (boshlang‘ich shakli), voyaga yetgan va keksalarda rezidual organik miya shikastlanishlari; shizofreniya bilan kasallangan bemorlarda serebral organik yetishmovchilik (neyroleptiklar, antidepressantlar bilan kombinatsiyada); tug‘ma asab tizimi kasalliklari bo‘lgan bemorlarda ekstrapiramidal giperkinezlar (jumladan, Guntington xoreyasi, gepatotserebral distrofiyasi, Parkinson kasalligi); o‘tkazilgan neyroinfeksiyalar va bosh miya jarohatlaridan keyingi oqibatlar (kompleks terapiya tarkibida); eyroleptiklarning nojo‘ya ta’sirini korreksiya qilish va oldini olish (bir vaqtda buyurilganda himoya terapiyasi); ekstrapiramidal neyroleptik sindrom (giperkinezik va akinetik shakllari); aqliy jarayonlarning sekinlashuvi bilan kechadigan epilepsiya (antikonvulsant preparatlar bilan kombinatsiyada); psixoemotsional zo‘riqishlar, aqliy va jismoniy ish qobiliyatining pasayishi; diqqatni jamlash va eslab qolishni yaxshilash uchun; to‘g‘ri siydik chiqarish buzilishlari: enurez, kunduzgi siydik tutolmaslik, pollakiuriya, imperativ chaqiriqlar; Bolalar: Aqliy zaiflik (psixik, nutqiy, motor rivojlanishning kechikishi yoki ularning kombinatsiyasi); bolalar serebral falaji; totqillash (asosan klonik shakli); epilepsiya (antikonvulsant preparatlar bilan kombinatsiyalangan terapiya tarkibida, ayniqsa polimorf tutqanoqlar va kichik epileptik tutqanoqlarda).

Gipersensitivlik; o‘tkir buyrak yetishmovchiligi; homiladorlik (1-trimestr).

Og'iz orqali. Ovqatdan 15–30 daqiqa o'tgach qabul qilinadi. Kattalar uchun bir martalik doza 0,5–1 g, bolalar uchun — 0,25–0,5 g, sutkalik doza — 1,5–3 g (kattalar uchun), 0,75–3 g (bolalar uchun). Davolash kursining davomiyligi — 1 dan 4 oygacha, ayrim hollarda — 6 oygacha. 3–6 oydan so'ng takroriy davolash kursi o'tkazilishi mumkin. Bolalar. Aqliy yetishmovchilik — kuniga 0,5 g dan 4–6 marta, har kuni 3 oy davomida. Nutq rivojlanishining kechikishi — 0,5 g dan 3–4 marta kuniga 2–3 oy davomida. Neyroleptik sindrom (neyroleptik vositalarning nojo'ya ta'sirini tuzatish uchun). Kattalar — 0,5–1 g dan 3 marta kuniga; bolalar — 0,25–0,5 g dan 3–4 marta kuniga. Davolash kursining davomiyligi — 1–3 oy. Epilepsiya. Bolalar — 0,25–0,5 g dan 3–4 marta kuniga; kattalar — 0,5–1 g dan 3–4 marta kuniga har kuni uzoq muddat (6 oygacha). Giperkinezlar (tiklar). Bolalar — 0,25–0,5 g dan 3–6 marta kuniga har kuni 1–4 oy davomida; kattalar — 1,5–3 g kuniga har kuni 1–5 oy davomida. Siydik chiqarish buzilishlari. Kattalar — 0,5–1 g dan 2–3 marta kuniga (sutkalik doza — 2–3 g); bolalar — 0,25–0,5 g (sutkalik doza — 25–50 mg/kg). Davolash kursining davomiyligi — 2 haftadan 3 oygacha (buzilishlarning og'irligi va terapevtik ta'sirga bog'liq). Neyroinfeksiyalar va bosh miya jarohatlarining oqibatlari. 0,25 g dan 3–4 marta kuniga. Yuqori yuklamalarda va asthenik holatlarda mehnatga layoqatni tiklash uchun. 0,25 g dan 3 marta kuniga. Ushbu dori shakli 3 yoshgacha bo'lgan bolalarga tavsiya etilmaydi.

Allergik reaksiyalar (rinit, kon'yunktivit, teri toshmalari) mumkin.

Ta'sir spektri gamma-aminomoy kislota tuzilmasining mavjudligi bilan bog‘liq. Ta'sir mexanizmi pantokalsinning GAMBK-B-retseptor-kanal kompleksi orqali to‘g‘ridan-to‘g‘ri ta'siri bilan belgilanadi. Neyrometabolik, neyroprotektor va neyrotrofik xususiyatlarga ega. Miya to‘qimalarining gipoksiya va toksik moddalar ta'siriga chidamliligini oshiradi, neyronlarda anabolik jarayonlarni rag‘batlantiradi. Tutqanoqqa qarshi ta'sirga ega, motor qo‘zg‘aluvchanligini kamaytiradi va bir vaqtning o‘zida xatti-harakatlarni tartibga soladi. Aqliy va jismoniy ish qobiliyatini oshiradi. Surunkali alkogolli intoksikatsiyada va etanolni bekor qilgandan so‘ng gamma-aminomoy kislotasi miqdorini normallashtirishga yordam beradi. Analgezik ta'sir ko‘rsatadi. Novokain va sulfanilamidlarni inaktivatsiya qilish mexanizmlarida ishtirok etuvchi atsetillanish reaksiyalarini ingibitsiya qilishga qodir, natijada ularning ta'siri uzaytiriladi. Patologik oshgan pufak refleksi va detruzor tonusining tormozlanishini chaqiradi.