Preparat yurakning surunkali kasalliklarida (yurak yetishmovchiligida, infarktdan keyingi davrda), yurak ritmi buzilishlarida, avvalo ventrikulyar aritmiyalarda qo‘shimcha davolash uchun ko‘rsatilgan. Preparatni naparstyan dori vositalari bilan birga qo‘llash tavsiya etiladi.

 

 

Preparat faqat vena ichiga yuborish uchun mo'ljallangan. Shu maqsadda 1-2 ampula tarkibi 5% glyukoza eritmasida ishlatiladi, venaga sekin, tomchilab yuboriladi. Zarur bo'lsa, doza 4-6 soatdan keyin takrorlanishi mumkin. Preparat kombinatsiyalangan terapiya uchun yaroqli.

Rangsiz shisha ampulada 10 ml preparat, sindirish nuqtasi bilan. 5 ta ampula konturli plastik qadoqda, 1 ta konturli plastik qadoq karton qutida qo'llanma bilan birga.

Kaliy va magniy ionlari muhim hujayra ichki kationlari sifatida bir qator fermentlar ishida, makromolekulalarning subhujayraviy elementlar bilan bog'lanish jarayonida va mushak qisqarishining molekulyar darajadagi mexanizmida ishtirok etadi. Kaliy, kaltsiy, natriy va magniy ionlarining hujayra tashqarisi va ichidagi konsentratsiyasi nisbati miokardning qisqarish qobiliyatiga ta'sir ko'rsatadi. Asparaginat endogen modda sifatida kaliy va magniy ionlarining tashuvchisi hisoblanadi; hujayralarga kuchli affinitetga ega, uning tuzlari faqat oz miqdorda dissotsiatsiyalanadi. Shu sababli ionlar hujayra ichki makoniga kompleks birikmalar ko'rinishida kiradi. Magniy va kaliy asparaginati yurak mushaklari metabolizmini yaxshilaydi. Organizmga kaliy va magniy yetishmasligi arterial gipertenziya, koronar tomirlarning sklerotik tipdagi patologiyalari, yurak ritmi buzilishlari, miokard degeneratsiyalari rivojlanishiga yordam beradi.

Tez yuborish yuzning giperemiyasiga olib kelishi mumkin. Giperkaliemiya bilan kechadigan kasalliklari bo'lgan bemorlarga preparatni buyurishda ehtiyotkorlikka rioya qilish lozim. Ushbu toifadagi bemorlarda qon ionlari darajasini muntazam tekshirish tavsiya etiladi. Hozirgi vaqtgacha ushbu toifadagi bemorlarda preparatni qo'llashda biron-bir xavf haqida xabar berilmagan.

Avtotransport yoki boshqa mexanizmlarni boshqarishda reaksiya tezligiga ta'sir qilish qobiliyati

Preparat transport vositalari va boshqa mexanizmlarni boshqarish qobiliyatiga ta'sir qilmaydi. 

+15C dan +30C gacha bo‘lgan haroratda saqlansin.