1 ml preparatda quyidagilar mavjud
Faol moddalari xlorgeksidin glyukonat (xlorgeksidin biglyukonat eritmasi ko‘rinishida) 2 mg,
lidokain gidroxlorid 0,5 mg.
Yordamchi moddalari glitserin, suvdan holi etanol, sukraloza, limon kislotasi monogidrat, evkalipt yog‘i, levomentol, tozalangan suv.

- og'iz shilliq qavati yallig'lanishini mahalliy davolash (stomatitlar, gingivitlar) va halqum
- og'iz shilliq qavati yallig'lanishida og'riqni bartaraf etish
- angina simptomlarini yengillashtirish (yutishda og'riq, tirnash xususiyati).

- preparatning har qanday komponentiga ma'lum gipersensitivlik
- alkogolga qaramlik
- 12 yoshgacha bo'lgan bolalar yoshi.

Kattalar va 12 yoshdan katta o'smirlar uchun 3 dan 5 tagacha ketma-ket purkagich tugmasini bosish; muolaja kuniga 6 dan 10 tagacha takrorlanadi.

Foydalanish bo'yicha ko'rsatma
1. Purkagich nasadkasini flakonga perpendikulyar qilib buriladi.

2. Og'iz keng ochiladi, purkagich halqumga yo'naltiriladi, nafas ushlab turiladi va purkagich tugmasi bosiladi.

Agar sprey bir muddat ishlatilmasa, purkagich nasadkasini yuvish tavsiya etiladi, buning uchun quyidagi harakatlarni bajarish kerak

1. Spreyni qopqog'i pastga qaratib ag'dariladi va nasadkaga bosiladi, to trubka to'liq bo'shab qolguncha (eritma endi purkalmaydi).

2. Sprey trubkasi flakondan olinadi va bir necha daqiqa issiq suvli stakanga solinadi.

3. Trubka suvdan olinadi va quritiladi.

4. Purkagich nasadkasini bloklash uchun trubkani flakonga shunday taqish kerakki, u pastga qaratilgan bo'lsin.

Har bir qo'llashdan so'ng trubkani yana pastga burish kerak, preparatning nasadkadan purkalishini oldini olish uchun.

Kattalar uchun maksimal bir martalik doza 1 mg xlorgeksidin (0,02 mg/kg tana vazniga) va 0,25 mg lidokain (0,005 mg/kg tana vazniga) ni tashkil etadi.

Xlorgeksidin uchun maksimal sutkalik doza 10 mg, lidokain uchun esa 2,5 mg.

Har bir nasadka bosilganda 0,1 ml eritma purkaladi.

Quyida keltirilgan nojo'ya ta'sirlar chastotasi quyidagicha aniqlangan: juda kam (< 1/10000), noma'lum chastotada (chastota ma'lumot yetishmasligi sababli aniqlanmaydi).

Og'iz bo'shlig'i va halqum sohasida tavsiya etilgan doza bilan mahalliy, qisqa muddatli qo'llanilganda ushbu preparat yaxshi o'zlashtiriladi. Juda kam hollarda gipersensitivlik reaksiyalari, masalan, tirnash xususiyati va terida toshmalar, amiddan tashkil topgan anestetiklarga, masalan, lidokainga yuqori sezuvchanlik natijasida yuzaga kelishi mumkin. Xuddi shuningdek, fotosensibilizatsiya reaksiyalari ham juda kam hollarda rivojlanishi mumkin.

Xlorgeksidinni uzoq va davomli qo'llashda noma'lum chastotada tishlarda vaqtincha jigarrang ranglanish paydo bo'lishi mumkin. Biroq, bu qoplama olib tashlanishi mumkin.

Pafesan preparati mahalliy analgezik va antibakterial ta'sir ko'rsatadi. Preparat tomoq yallig'lanishini kamaytiradi, tomoqda og'irroq bakterial infeksiyalar rivojlanish ehtimolini pasaytiradi va tirnash xususiyati va yutishda og'riqni yengillashtiradi.

Lidokain gidroxlorid periferik mahalliy ta'sirga ega amid tipidagi anestezik hisoblanadi. U yuzaki analgezik ta'sir ko'rsatadi, qo'llanilgan joyda nerv impulsi o'tkazilishini bloklamaydi.

Mahalliy anestezik sifatida lidokain ushbu guruhdagi boshqa preparatlar bilan bir xil ta'sir mexanizmiga ega; u sezuvchi, harakatlantiruvchi va vegetativ nerv tolalarida nerv impulslarining hosil bo'lishi va o'tkazilishini bloklaydi. U hujayra membranalariga bevosita ta'sir ko'rsatadi, natriy ionlarining nerv tolalari membranalari orqali kirishini inhibitsiya qiladi. Anestezik ta'sirning bosqichma-bosqich tarqalishi natijasida periferik nervlarda elektr qo'zg'aluvchanlik chegarasi oshadi, nerv impulsi o'tkazilishi sekinlashadi va harakat potensialining hosil bo'lishi susayadi, natijada nerv impulsi to'liq bloklanadi. Umuman olganda, mahalliy anesteziklar vegetativ nervlarni, kichik miyelinsiz (og'riq sezgisi) va kichik miyelinli (og'riq, harorat sezgisi) tolalarni katta miyelinli tolalarga (teginish, bosim sezgisi) nisbatan tezroq bloklaydi.

Molekulyar darajada lidokain natriy ion kanallarini inaktiv holatda aniq bloklaydi, bu harakat potensialining hosil bo'lishiga to'sqinlik qiladi va lidokain mahalliy qo'llanilganda nerv yaqinida nerv impulsi o'tkazilishini oldini oladi.

Xlorgeksidin kationli antiseptik bo'lib, u gram-musbat va gram-manfiy mikroorganizmlarga (masalan, Micrococcus sp., Staphylococcus sp., Bacillus sp., Clostridium sp., Corinebacterium sp.) antibakterial ta'sir ko'rsatadi. U, shuningdek, dermatofitlar va zamburug'larga qarshi antimikoza ta'sirga ega. Preparat past konsentratsiyalarda bakteriostatik, yuqori konsentratsiyalarda esa bakteritsid ta'sir ko'rsatadi.

Xlorgeksidin musbat zaryadga ega; shuning uchun u bakterial hujayra devorining manfiy zaryadlangan joylariga va hujayradan tashqari tuzilmalarga adsorbsiya qilinadi. Adsorbsiya aniq va bakterial hujayra devorining fosfat saqlovchi mos joylarida lokalizatsiyalanadi.

Xlorgeksidin bakteriyaning sitoplazmatik membranasi bilan bog'lanadi. U tishlarning manfiy zaryadlangan yuzasiga adsorbsiya qilinadi. Faol moddalarning oz miqdori so'lak bilan birga me'da-ichak traktiga (MITr) tushadi. Xlorgeksidin so'rilmaydi. Lidokain og'iz va halqum shilliq qavatidan so'rilishi mumkin. Biroq, uning katta qismi sistemali qon oqimiga yetib bormasdan parchalanadi.

Bakterial infeksiyalarda, tana haroratining ko‘tarilishi bilan kechadigan hollarda, Pafesan qo‘shimcha dori vositasi sifatida qo‘llaniladi.

Preparat mentol saqlaydi, shuning uchun uni mushak spazmlari tarixi bo‘lgan kichik yoshdagi bolalarga ehtiyotkorlik bilan buyurish lozim.

Pafesan glitserin saqlaydi. Yuqori dozalarda glitserin bosh og‘rig‘i, ovqat hazm qilish buzilishiga olib kelishi mumkin.

Preparat etanol saqlaydi. Jigar kasalliklari va epilepsiyasi bo‘lgan bemorlar bu holatni inobatga olishlari kerak.

Gipersensitivlik reaksiyalariga moyil bemorlarda Pafesan ehtiyotkorlik bilan qo‘llanilishi lozim.

Bemorlar ushbu dori vositasini uzluksiz yoki juda tez-tez qo‘llamasliklari kerak. Uni faqat yallig‘lanish natijasida yuzaga kelgan og‘riq yoki halqum tirnashini kamayguncha ishlatish tavsiya etiladi.

Agar preparatni qo‘llashdan 3-4 kun o‘tgach bemorning ahvoli yaxshilanmasa, boshqa davolash usuli buyurilishi kerak.

Preparatni ko‘z yaqinida purkashdan saqlanish lozim.
Preparatni purkagandan so‘ng bemorlar ovqatlanmasliklari, ichimlik ichmasliklari yoki tish tozalamasliklari kerak.

Pediatriyada qo‘llanilishi
Preparat 12 yoshgacha bo‘lgan bolalarga kontrendikatsiyalangan.